1 KHRONIKL 6 - Khasi CL Bible (BSI)

Ka pateng longïing jong ki Rangbah Lyngdoh

¹ U Lebi u don lai ngut ki khun shynrang: U Gershon, u Kohath, bad u Merari.

² U Kohath u don saw ngut ki khun shynrang: u Amram, u Ishar, u Hebron, bad u Ussiel.

³ U Amram u don ar ngut ki khun shynrang, u Aaron bad u Moses, bad kawei ka khun, ka Miriam. U Aaron u don saw ngut ki khun shynrang: u Nadab, u Abihu, u Eleasar, bad u Ithamar.

^4-14 Ki khun ki ksiew jong u Eleasar pateng la pateng ki long kumne harum: U Phinehas, u Abishua, U Bukki, u Ussi, U Serahaïah, u Meraïoth, U Amaraïah, u Ahitub, U Sadok, u Ahimaas, U Asaraïah, u Johanan, U Asaraïah (uta uba shakri ha ka Templ kaba u Syiem Solomon u la tei ha Jerusalem) U Amaraïah, u Ahitub, U Sadok, u Shallum, U Hilkaïah, u Asaraïah, U Seraïah, u Jehosadak.

¹⁵ U syiem Nebukhadnessar u la pynryngkang par ïa u Jehosadak lem bad kiwei ki briew ka Judah bad Jerusalem ïa kiba U Trai u la phah sha ka jinglongmraw.

Kiwei pat ki khun ki ksiew jong u Lebi

¹⁶ U Lebi u don lai ngut ki khun shynrang: u Gershon, u Kohath, bad u Merari.

¹⁷ Uwei pa uwei na ki ruh u don khun shynrang. Gershon u dei u kpa jong u Libni bad u Shimei;

¹⁸ u Kohath u dei u kpa jong u Amram, u Ishar, u Hebron, bad u Ussiel;

¹⁹ bad u Merari u dei u kpa jong u Mahli bad u Mushi.

^20-21 Kine ki long ki khun ki ksiew jong u Gershon pateng la pateng: U Libni, u Jahath, u Simmah U Joah, u Iddo, u Serah, u Jeatherai.

^22-24 Kine ki long ki khun ki ksiew jong u Kohath pateng la pateng: U Amminadab, u Korah, u Assir, U Elkanah, u Ebiasaph, u Assir, U Tahath, u Uriel, u Ussaïah, u Shaul.

²⁵ U Elkanah u don ar ngut ki khun shynrang, u Amasai bad u Ahimoth.

^26-27 Kine ki long ki khun ki ksiew jong u Ahimoth pateng la pateng: U Elkanah, u Sophai, u Nahath, U Eliab, u Jeroham, u Elkanah.

²⁸ U Samuel u don ar ngut ki khun shynrang, u Joel uba ha shuwa, bad u Abijah uba bud.

^29-30 Kine ki long ki khun ki ksiew jong u Merari pateng la pateng: U Mahli, u Libni, u Shimei, u Ussah, U Shimea, u Hagaïah, u Asaïah.

Ki nongtem nongput ka Templ

³¹ Kine ki dei ki rangbah ïa kiba u syiem Dabid u la buh ban khmih ïa ka put ka tem ha ka jaka mane ha Jerusalem hadien ba pynkynriah shata ïa Ka synduk ka Jutang.

³² Ki la shim ïa ki pali treikam ha ka Ïingjaiñ Ka Jingdon Ryngkat U Trai ha ka por shuwa ba u Syiem Solomon u tei ïa ka Templ.

^33-38 Ki pateng longïing jong kito kiba la bat ïa kane ka kam ki long kumne harum: Na ka kur u Kohath: u Heman, u nongïalam jong ka kynhun nongrwai kaba nyngkong, u dei u khun jong u Joel. Ka pateng longïing jong u ka wan naduh u Jakob kumne harum: U Heman, u Joel, u Samuel, U Elkanah, u Jeroham, u Eliel, u Toah, U Suph, u Elkanah, u Mahath, u Amasai, U Elkanah, u Joel, u Asaraïah, u Sephanaïah, U Tahath, u Assir, u Ebiasaph, u Korah, U Ishar, u Kohath, u Lebi, u Jakob.

^39-43 U Asaph u dei u nongïalam ïa ka kynhun nongrwai kaba ar. Ka pateng longïing jong u ka wan naduh u Lebi kumne harum: U Asaph, u Berekhaïah, u Shimea, U Mikhael, u Baaseïah, u Malkhijah U Ethni, u Serah, u Adaïah, U Ethan, u Simmah, u Shimei, U Jahath, u Gershon, u Lebi.

^44-47 U Ethan jong ka kur u Merari u dei u nongïalam jong ka kynhun nongrwai kaba lai. Ka pateng longïing jong u ka wan naduh u Lebi kumne harum: U Ethan, u Kishi, u Abdi, u Mallukh, U Hashabaïah, u Amasaïah, u Hilkaïah, U Amsi, u Bani, u Shemer, U Mahli, u Mushi, u Merari, u Lebi.

⁴⁸ Ïa kiwei pat ki para Lebi la aiti ïa baroh kiwei ki kamram ha ka jaka mane.

Ki khun ki ksiew jong u Aaron

⁴⁹ U Aaron bad ki khun ki ksiew jong u ki ai ïa ki jingkñia iwbih bad ki ai ïa ki jingkñia ba la thang ha ka duwan. Ki kitkhlieh ïa baroh ka jingmane ha Ka Jaka Bakyntang Tam bad ïa ki jingkñia da kiba U Blei u map ïa ki pop jong ki Israel. Ki leh ïa kane baroh kat kum ki jingbthah ba la ai da u Moses, u shakri U Blei.

^50-53 Kane ka long ka pateng jong ki khun ki ksiew u Aaron: U Eleasar, u Phinehas, u Abishua, U Bukki, u Ussi, u Serahaïah, U Meraïoth, u Amaraïah, u Ahitub, U Sadok, u Ahimaas.

Ki jaka shong ki Lebi

⁵⁴ Kane ka dei ka thain ba la ai ha ki khun ki ksiew jong u Aaron jong ka kur u Kohath. Ki ïohpdiang ïa ka bynta kaba nyngkong jong ka ri kaba la ai ha ki Lebi.

⁵⁵ Kane ka kynthup ïa ka Hebron ha ka thain Judah bad ki jaka pynbamphlang sawdong jong ka.

⁵⁶ Ki lyngkha bad ki nongrit pat kiba dei jong ka nongbah la ai ha u Kaleb u khun jong u Jephunneh.

^57-59 Kine harum ki long ki shnong ba la ai ha ki khun ki ksiew u Aaron: ka Hebron, ka nongbah jakarieh, ka Jattir, bad ki shnong jong ka Libnah, Eshtemoa, Hilen, Debir, Ashan, bad Beth Shemesh, lem bad ki jaka pynbamphlang jong ki.

⁶⁰ Ha ka thain Benjamin la ai ha ïa kine ki shnong harum lem bad ki jaka pynbamphlang jong ki: Geba, Alemeth, bad Anathoth. Kane ka long baroh khatlai tylli ki shnong na ka bynta baroh ki longïing jong ki ban shong ban sah.

⁶¹ Ïa ki shiphew tylli ki shnong ha ka thain jong ka Manasseh ba sha sepngi la ai da kaba kynting sbai ha kiba sah jong ka kur u Kohath, la ka longïing longïing.

⁶² Ha ka kur u Gershon, la ka longïing longïing, la ai khatlai tylli ki shnong ha ki thain Issakhar, Asher, Naphtali, bad Manasseh ba sha mihngi ha Bashan.

⁶³ Kumjuh ruh, ïa ki khat-ar tylli ki shnong ha ki thain Reuben, Gad bad Sebulun la ai ha ka kur u Merari, la ka longïing longïing.

⁶⁴ Kumjuh ruh ki paid Israel ki ai ïa ki shnong na ka bynta ki Lebi ban shong ban sah, lem bad ki jaka pynbamphlang sawdong ki shnong.

⁶⁵ (Ïa ki shnong ha ki thain Judah, Simeon, bad Benjamin, ba la kdew haneng, la ai ruh ha ki da kaba kynting sbai.)

⁶⁶ Katto katne na ki longïing jong ka kur u Kohath la ai ïa ki shnong bad ki jaka pynbamphlang ha ka thain Ephraim:

^67-69 Ka Shekhem, ka nongbah jakarieh ha ki lum Ephraim, Geser, Jokmeam, Beth Horon Aijalon, bad Gath Rimmon.

⁷⁰ Ha ka thain Manasseh ba sha sepngi ki la ai ïa ki shnong Aner bad Bileam lem bad ki jaka pynbamphlang sawdong jong ki.

⁷¹ Ïa ki longïing ka kur u Gershon la ai ïa kine ki shnong harum lem bad ki jaka pynbamphlang sawdong jong ki: Ha ka thain Manasseh ba sha mihngi: ka Golan ha Bashan, bad ka Ashtaroth.

⁷² Ha thain Issakhar: ka Kedesh, ka Daberath,

⁷³ ka Ramoth, bad ka Anem.

⁷⁴ Ha ka thain Asher: Ka Mashal, ka Abdon,

⁷⁵ ka Hukok, bad ka Rehob.

⁷⁶ Ha ka thain Naphtali: ka Kedesh ha Galilaïa, ka Hammon, bad ka Kiriathaim.

⁷⁷ Ïa ki longïing kiba sah jong ka kur u Merari la ai ïa kine ki shnong harum lem bad ki jaka pynbamphlang sawdong jong ki: Ha ka thain Sebulun: Ka Rimmono bad ka Tabor.

⁷⁸ Ha ka thain Reuben, sha mihngi ka wah Jordan palat ka Jerikho: ka Beser halor ka padun lum, Jahsah,

⁷⁹ Ka Kedemoth, bad ka Mephaath.

⁸⁰ Ha ka thain Gad: Ka Ramoth ha Gilead, ka Mahanaim,

⁸¹ ka Heshbon, bad ka Jaser.