1 KHRONIKL 4 - Khasi CL Bible (BSI)

Ki khun ki ksiew jong u Judah

¹ Kine ki dei katto katne ki khun ki ksiew jong u Judah: u Peres, u Hesron, u Karmi, u Hur, bad u Shobal.

² U Shobal u dei u kpa jong u Reaïah, uba dei u kpa jong u Jahath, u kpa jong u Ahumai bad u Lahad, ki kpa tymmen jong ki briew kiba shong ha Sorah.

^3-4 U Hur u dei u khun nyngkong jong ka Ephrath, ka tnga jong u Kaleb u kpa jong u, bad ki khun ki ksiew jong u ki la seng ïa ka nongbah Bethlehem. U Hur u don lai ngut ki khun shynrang: u Etam, u Penuel bad u Eser. U Etam u don lai ngut ki khun shynrang: u Jesreel, u Ishma, bad u Idbash, bad kawei ka khun, ka Hasselelponi. U Penuel u la seng ïa ka nongbah Gedor, bad u Eser u la seng ïa ka Hushah.

⁵ U Ashhur uba la seng ïa ka shnong Tekoa u don ar ngut ki tnga, ka Helah bad ka Naarah.

⁶ Ma u bad ka Naarah ki don saw ngut ki khun shynrang: u Ahussam, u Hepher, u Temeni, bad u Haasashtari.

⁷ U Ashhur bad u Helah ki don lai ngut ki khun shynrang: u Sereth, u Ishar, bad u Ethnan.

⁸ U Kos u dei u kpa jong u Anub bad u Sobebah, bad u kpa tymmen jong ki kur kiba hiarpateng na u Aharhel u khun jong u Harum.

⁹ La don u briew uba kyrteng u Jabes uba long u dkhot ba la kham ñiewkor na ka longïing jong u. Ka kmie jong u ka la ai kyrteng ïa u, u Jabes, namar ka jingkha ïa u ka la long kaba shitom shikatdei.

¹⁰ Hynrei u Jabes u la duwai ha U Blei ki Israel, “To kyrkhu ïa nga, A Blei, bad ai ha nga bun ka khyndew. To long bad nga bad sumar ïa nga na kano kano kaba sniew kaba lah ban pynshitom ïa nga.” Bad U Blei u la ai ha u ïa kaei kaba u la kyrpad.

Kiwei pat ki thup longïing

¹¹ U Kaleb, u para jong u Shuhah, u don u khun uba kyrteng u Mehir. U Mehir u dei u kpa jong u Eshton,

¹² uba don lai ngut ki khun shynrang: u Bethrapha, u Paseah, bad u Tehinnah. U Tehinnah u dei u nongseng ïa ka nongbah Nahash. Ki khun ki ksiew jong kine ki rangbah ki shong ki sah ha Rekah.

¹³ U Kenas u don ar ngut ki khun shynrang, u Othniel bad u Seraïah. U Othniel ruh u don ar ngut ki khun shynrang, u Hathath bad u Meonothai.

¹⁴ U Meonothai u dei u kpa jong u Ophrah. U Seraïah u dei u kpa jong u Joab, u nongseng ïa ka Them ki Nongshna jingshna, ha kaba baroh ki briew ki dei ki nongtrei kiba tbit.

¹⁵ U Kaleb, u khun jong u Jephunneh, u don lai ngut ki khun shynrang: u Iru, u Elah, bad u Naam. Bad u Elah u dei u kpa jong u Kenas.

¹⁶ U Jehallelel u don saw ngut ki khun shynrang: u Siph, u Siphah, u Tiria, bad u Asarel.

^17-18 U Esrah u don saw ngut ki khun shynrang: u Jether, u Mered, u Epher, bad u Jalon. U Mered u shongkurim ïa ka Bithaïah, ka khun jong u syiem Ijipt, bad ki don kawei ka khun, ka Miriam, bad ar ngut ki khun shynrang, u Shammai bad Ishbah. U Ishbah u la seng ïa ka shnong Eshtemoa. U Mered u shongkurim ruh ïa ka briew na ka jait Judah, bad ki don lai ngut ki khun shynrang: u Jered, uba la seng ïa ka shnong Gedor; u Heber, uba la seng ïa ka shnong Soko; bad u Jekuthiel, uba la seng ïa ka shnong Sanoah.

¹⁹ U Hodaïah u shongkurim ïa ka para u Naham. Ki khun ki ksiew jong ki, ki la seng ïa ka kur Garm, kiba shong basah ha ka shnong Keilah, bad ka kur Maakath, kaba la shong la sah ha ka shnong Eshtemoa.

²⁰ U Shimon u don saw ngut ki khun shynrang: u Amnon, u Rinnah, u Benhanan, bad u Tilon. U Ishi u don ar ngut ki khun shynrang: u Soheth bad u Bensoheth.

Ki khun ki ksiew jong u Shelah

²¹ U Shelah u dei uwei na ki khun shynrang jong u Judah. Ki khun ki ksiew jong u ki kynthup ïa u Er, uba la seng ïa ka shnong Lekah; u Laadah, uba la seng ïa ka shnong Mareshah, ka kur jong ki nongthain jaiñ linen, kiba shong basah ha ka shnong Beth Ashbea,

²² u Jokim bad ki briew kiba shong basah ha ka shnong Koseba, bad u Joash bad u Saraph, kiba shongkurim ïa ki kynthei Moab bad nangta ki la shongduh ha Bethlehem. (Kine ki jingïathuh pateng ki long kiba la rim bha.)

²³ Ki la long ki nongthaw khiew ha ka jingshakri ïa u syiem, bad ki shong ki sah ha ki shnong Netaim bad Gederah.

Ki khun ki ksiew jong u Simeon

²⁴ U Simeon u don san ngut ki khun shynrang: u Nemuel, u Jamin, u Jarib, u Serah, bad u Shaul.

²⁵ U Khun jong u Shaul u dei u Shallum, u khun ksiew jong u, u dei u Mibsam, bad u ksiew tun jong u, u dei u Mishma.

²⁶ Nangta na u Mishma ka thup hiarpateng ka hiar lyngba u Hammuel, u Sakkur bad u Shimei.

²⁷ U Shimei u don khathynriew ngut ki khun shynrang bad hynriew ngut ki khun kynthei, hynrei ki ba-ha-ïing ha-sem jong u ki don tang khyndiat ki khun, bad ka jait Simeon kam shym la roi kumba roi ka jait Judah.

^28-31 Haduh ka por jong u Syiem Dabid ki khun ki ksiew jong u Simeon ki shong ki sah ha kine ki shnong harum: Beersheba, Moladah, Hasarshual, Bilhah, Esem, Tolad, Bethuel, Hormah, Siklag, Beth Markaboth, Hasarsusim, Bethbiri, bad Shaaraim.

³² Ki shong ki sah ruh ha ki san tylli kiwei pat ki jaka: ka Etam, ka Ain, ka Rimmon, ka Tokhen, bad ka Ashan,

³³ bad ha ki nongrit kiba sawdong jong ki, kat haduh shaphang shathie lam sepngi ha ka shnong Baalath. Kine ki dei ki jingbuh jingthoh kiba ki la buh jong ki longïing jong ki bad jong ki jaka ha kaba ki la shong la sah.

^34-38 Kine ki rangbah harum ki dei ki khlieh jong ki kur jong ki: U Meshobab, u Jamlekh, u Joshah u khun jong u Amasaïah, u Joel, U Jehu (u khun jong u Joshibaïah, u khun jong u Seraïah, u khun jong u Asiel,) U Elioenai, u Jaakobah, u Jeshohaïah, U Asaïah, u Adiel, u Jesimiel, u Benaïah, U Sisa (u khun jong u Shiphi, u khun jong u Allon, uba hiarpateng na u Jedaïah, u Shimri, bad u Shemaïah). Namar ba ki longïing jong ki, ki la nang roi,

³⁹ ki la saphriang shaphang sepngi haduh hajan ka Gerar bad ki la pynbamphlang ïa la ki langbrot ha ka phang mihngi jong ka them ha kaba kata ka nongbah ka don.

⁴⁰ Ki la shem hangta kyrhai ki jaka phlang kiba seisoh ha ka rudnong kaba ïar kaba kynjah bad kaba shngain. Ki briew kiba shong hangta mynshuwa ki dei ki Ham.

⁴¹ Ha ka por u Hesekaïah u syiem Judah, ki rangbah ba la jer kyrteng haneng ki la leit sha Gerar bad ki la pynjot thiaw ïa ki ïingjaiñ bad ki ïingtrep jong ki briew kiba shong hangta. Ki la beh noh ïa ki briew bad ki la shongduh junom hangta namar ba don kyrhai ka jaka phlang na ka bynta ki langbrot jong ki.

⁴² Sanspah ngut kiwei pat ki dkhot jong ka jait Simeon ki la leit shaphang mihngi sha Edom. La ïalam ïa ki da ki khun shynrang jong u Ishi: u Pelataïah, u Nearaïah, u Rephaïah, bad u Ussiel.

⁴³ Hangta ki la pynïap lut ïa ki Amalek kiba dang lait im, bad ki la shong la sah hangta naduh kata ka por.