1 KHRONIKL 3 - Khasi CL Bible (BSI)

Ki khun jong u syiem Dabid

^1-3 Kine harum, kat kum ka rta, ki dei ki khun shynrang jong u Dabid ïa kiba la kha mynba u don ha Hebron: U Amnon, uba ka kmie jong u ka dei ka Ahinoam na Jesreel U Daniel, uba ka kmie jong u ka dei ka Abigail na Karmel U Absalom, uba ka kmie jong u ka dei ka Maakah, ka khun jong u Talmai, u syiem Geshur U Adonijah, uba ka kmie jong u ka dei ka Haggith U Shephataïah, uba ka kmie jong u ka dei ka Abital U Ithream, uba ka kmie jong u ka dei ka Eglah

⁴ Ïa kine baroh hynriew ngut la kha ha Hebron mynba u Dabid u synshar hangta hynñiew snem shiteng. Ha Jerusalem u la synshar kum u syiem laiphew lai snem,

⁵ bad hangta u la don bun ki khun shynrang. Ka tnga jong u ka Bathsheba, ka khun u Ammiel ka la kha ïa u saw ngut ki khun shynrang: u Shimea, u Shobab, u Nathan bad u Solomon.

^6-8 U don sa khyndai ngut kiwei pat ki khun shynrang: U Ibhar, u Elishua, u Elpelet, U Nogah, u Nepheg, u Japhia, U Elishama, u Eliada, bad u Eliphelet.

⁹ Nalor kine ki khun shynrang baroh, u Dabid u don khun shynrang na ki tnga kliar jong u. U don ruh ka khun kaba kyrteng ka Tamar.

Ki khun ki ksiew jong u syiem Solomon

^10-14 Kane ka dei ka pateng ki khun ki ksiew jong u Solomon na u kpa ha u khun: U Solomon, u Rehoboam, u Abijah, u Asa, u Jehoshaphat u khun jong u, U Jehoram, u Ahasaïah, u Joash, U Amasaïah, u Ussaïah, u Jotham, U Ahas, u Hesekaïah, u Manasseh, U Amon, bad u Josaïah.

¹⁵ U Josaïah u don saw ngut ki khun shynrang: u Johanan, u Jehoïakim, u Sedekaïah, bad u Joahas.

¹⁶ U Jehoïakim u don ar ngut ki khun shynrang: u Jehoïakhin bad u Sedekaïah.

Ki khun ki ksiew jong u syiem Jehoïakhin

¹⁷ Kine ki long ki khun ki ksiew jong u syiem Jehoïakhin, uba la shah ring koidi ha ki nong Babilonia. U Jehoïakhin u don hynñiew ngut ki khun shynrang: u Shealtiel,

¹⁸ u Malkhiram, u Pedaïah, u Shenassar, u Jekamaïah, u Hoshama, bad u Nedabaïah.

¹⁹ U Pedaïah u don ar ngut ki khun shynrang: u Serubbabel bad u Shimei. U Serubbabel u dei u kpa jong ki ar ngut ki khun shynrang, u Meshullam bad u Hananaïah, bad kawei ka khun, ka Shelomith.

²⁰ U don sa san ngut kiwei pat ki khun shynrang: u Hashubah, u Ohel, u Berekhaïah, u Hasadaïah, bad u Jushab Hesed.

²¹ U Hananaïah u don ar ngut ki khun shynrang: u Pelataïah bad u Jeshaïah. U Jeshaïah u dei u kpa jong u Rephaïah, uba dei u kpa jong u Arnan, u kpa jong u Obadaïah, u kpa jong u Shekanaïah.

²² U Shekanaïah u don uwei u khun, u Shemaïah, bad san ngut ki ksiew shynrang: u Hattush, u Igal, u Baraïah, u Nearaïah, bad u Shaphat.

²³ U Nearaïah u don lai ngut ki khun shynrang: u Elioenai, u Hiskaïah, bad u Asrikam.

²⁴ U Elioenai u don hynñiew ngut ki khun shynrang: u Hodabaïah, u Eliashib, u Pelaïah, u Akkub, u Johanan, u Delaïah, bad u Anani.