1 KHRONIKL 24 - Khasi CL Bible (BSI)

Ka kam ba la pynkhamti ha ki Lyngdoh

¹ Kine ki dei ki kynhun ha kiba ki khun ki ksiew jong u Aaron ki don. U Aaron u don saw ngut ki khun shynrang: u Nadab, u Abihu, u Eleasar, bad u Ithamar.

² U Nadab bad u Abihu ki ïap shuwa ïa u kpa jong ki, bad kim don khun don ksiew, kumta ki para shynrang jong ki, u Eleasar bad u Ithamar, ki long ki lyngdoh.

³ U Syiem Dabid u pynbeit ïa ki khun ki ksiew jong u Aaron ha ki kynhun kat kum ki kamram jong ki. La ïarap ïa u ha kane da u Sadok, uba hiarpateng na u Eleasar, bad da u Ahimelekh uba hiarpateng na u Ithamar.

⁴ Ïa ki khun ki ksiew jong u Eleasar la pynbeit ha ki khathynriew kynhun, katba ïa ki khun ki ksiew jong u Ithamar la pynbeit ha ki phra kynhun; ïa kane la leh namar ki don bun ki shynrang kiba long ki khlieh jong ki longïing hapdeng ki khun ki ksiew jong u Eleasar.

⁵ Namar ba ki don ki rangbah synshar ka Templ bad ki nongïalam ha ki kam ba kynja mynsiem napdeng ki khun ki ksiew jong u Eleasar bad u Ithamar, ïa ki kam la pynbynta da kaba kynting sbai.

⁶ Ki khun ki ksiew jong u Eleasar bad u Ithamar ki shim pali ha kaba kynting sbai. Nangta la buh jingthoh ïa ki da u Shemaïah u khun jong u Nethanel, u sekretari na ki Lebi. U syiem, ki rangbah synshar jong u, u Sadok u lyngdoh, u Ahimelekh u khun jong u Abiathar, bad ki khlieh jong ki longïing Lyngdoh bad jong ki longïing Lebi, baroh ki long ki sakhi.

^7-18 Kane ka dei ka jingbuhbeit ha kaba ïa ki kynhun ki arphew saw tylli ki longïing la ai ïa ki kam jong ki: 1. Jehoïarib. 2. Jedaïah. 3. Harim. 4. Seorim. 5. Malkhijah. 6. Mijamin. 7. Hakkos. 8. Abijah. 9. Jeshua. 10. Shekanaïah. 11. Eliashib. 12. Jakim. 13. Huppah. 14. Jeshebeab. 15. Bilgah. 16. Immer. 17. Hesir. 18. Happisses. 19. Pethahaïah. 20. Jeheskel. 21. Jakhin. 22. Gamul. 23. Delaïah. 24. Maasaïah.

¹⁹ Ïa kine ki rangbah la buh jingthoh kat kum ki kam jong ki ban leit rung sha ka Templ bad leh ïa ki kamram ba la buh rukom da u Aaron u kpa tymmen jong ki ha kaba kohnguh ïa ki hukum jong U Trai U Blei jong ki Israel.

Ka thup kyrteng jong ki Lebi

²⁰ Kine ki long kiwei pat ki khlieh jong ki longïing kiba hiarpateng na u Lebi: U Jehdeïah, uba hiarpateng na u Amram lyngba u Shebuel;

²¹ U Isshaïah, uba hiarpateng na u Rehabaïah;

²² U Jahath, uba hiarpateng na u Ishar lyngba u Shelomith;

²³ U Jeraïah, u Amraïah, u Jehasiel bad u Jekameam, ki khun shynrang jong u Hebron, kat kum ka rta jong ki;

²⁴ U Shamir, uba hiarpateng na u Ussiel lyngba u Mikah;

²⁵ U Sekharaïah, uba hiarpateng na u Ussiel lyngba u Isshaïah, u para jong u Mikah.

²⁶ U Mahli, u Mushi, bad u Jaasaïah, kiba hiarpateng na u Merari.

²⁷ U Jaasaïah u don lai ngut ki khun shynrang: u Shoham, u Sakkur, bad u Ibri.

^28-29 U Mahli u don ar ngut ki khun shynrang, u Eleasar bad u Kish. U Eleasar um don khun shynrang, hynrei u Kish u don uwei u khun, u Jerahmeel.

³⁰ U Mushi u don lai ngut ki khun shynrang: u Mahli, u Eder, bad u Jeremoth. Kine ki dei ki longïing jong ki Lebi.

³¹ U khlieh jong kawei pa kawei ka longïing bad uwei na ki para jong u, ki kynting sbai na ka bynta ki kam jong ki, kumba ki ba-ha-ïing jong ki, ki lyngdoh kiba hiarpateng na u Aaron, ki la leh. U syiem Dabid, u Sadok, u Ahimelekh, bad ki khlieh jong ki longïing jong ki lyngdoh bad jong ki Lebi ki long ki sakhi.