1 KHRONIKL 2 - Khasi CL Bible (BSI)

Ki khun ki ksiew jong u Judah

^1-2 U Jakob u don khat-ar ngut ki khun shynrang: U Reuben, u Simeon, u Lebi, u Judah, u Issakhar, u Sebulun, U Dan, u Joseph, u Benjamin, u Naphtali, u Gad, bad u Asher.

³ U Judah u don san ngut ki khun shynrang baroh. Na ka Bathshua ka tnga jong u ka nong Kanaan, u don lai ngut ki khun shynrang: u Er, u Onan, bad u Shelah. U Er, u khun nyngkong jong u, u long uba bymman eh ba U Trai u la pynïap ïa u.

⁴ Na ka Tamar ka pyrsa kurim jong u, u Judah u don sa ar ngut ki khun shynrang, u Peres bad u Serah.

⁵ U Peres u don ar ngut ki khun shynrang, u Hesron bad u Hamul.

⁶ U Serah u para jong u, u don san ngut ki khun shynrang: u Simri, u Ethan, u Heman, u Kalkol, bad u Darda.

⁷ U Akhan u khun jong u Karmi, uba hiarpateng na u Serah, u la wallam ka jingjynjar halor ki paid Israel da kaba u bat ïa ka jinglute kaba la pynkyntang ha U Blei.

⁸ U Ethan u don uwei u khun, u Asaraïah.

Ka pateng longïing jong u syiem Dabid

⁹ U Hesron u don lai ngut ki khun shynrang: u Jerahmeel, u Ram, bad u Kaleb.

¹⁰ Ka pateng longïing na U Ram haduh u Jesse ka long kumne harum: u Ram, u Amminadab, u Nahshon (u briew uba pawkhmat jong ka jait Judah),

¹¹ u Salmon, u Boas,

¹² u Obed, bad u Jesse.

^13-15 U Jesse u don hynñiew ngut ki khun shynrang. Kat kum ka rta ki long kumne: U Eliab u Abinadab, u Shammah, U Nethanel, u Raddai, U Osem, bad u Dabid.

¹⁶ U don ruh ar ngut ki khun kynthei, ka Seruïah, bad ka Abigail. Ka Seruïah ka khun jong u Jesse ka don lai ngut ki khun shynrang: u Abishai, u Joab, bad u Asahel.

¹⁷ Kawei pat ka khun kynthei jong u, ka Abigail ka la shongkurim ïa u Jether, uba hiarpateng na u Ishmael, bad ki la don uwei u khun uba kyrteng u Amasa.

Ki khun ki ksiew jong u Hesron

¹⁸ U Kaleb u khun jong u Hesron u la shongkurim ïa ka Asubah bad ki la don kawei ka khun kaba kyrteng ka Jerioth. Ka don lai ngut ki khun shynrang: u Jesher, u Shobab, bad u Ardon.

¹⁹ Hadien ka jingïap jong ka Asubah, u Kaleb u la shongkurim ïa ka Ephrath, bad ki don uwei u khun uba kyrteng u Hur.

²⁰ U khun jong u Hur u dei u Uri, bad u ksiew jong u, u dei u Besalel.

²¹ Haba u Hesron u la dap hynriewphew snem ka rta, u la shongkurim ïa ka khun jong u Makhir, ka para jong u Gilead. Ki don uwei u khun uba kyrteng u Segub,

²² bad u Segub u don uwei u khun uba kyrteng u Jair. U Jair u la synshar ïa ki arphew lai tylli ki shnong ha ri Gilead.

²³ Hynrei ki hima Geshur bad Aram ki la jop ïa ki hynriewphew tylli ki shnong hangta, kynthup ïa ki nongrit Jair bad Kenath, bad ki shnong kiba marjan. Baroh ki briew kiba shong hangta ki long ki khun ki ksiew jong u Makhir, u kpa jong u Gilead.

²⁴ Hadien ka jingïap jong u Hesron, u Kaleb u khun jong u, u la shongkurim ïa ka Ephrath ka riewkynthei jong u kpa jong u. Ki la don u khun uba kyrteng u Ashhur, uba la seng ïa ka shnong Tekoa.

Ki khun ki ksiew jong u Jerahmeel

²⁵ U Jerahmeel, u khun nyngkong jong u Hesron, u don san ngut ki khun shynrang: u Ram uba nyngkong, u Bunah, u Oren, u Osem, bad u Ahijah.

^26-27 U Ram u don lai ngut ki khun shynrang: u Maas, u Jamin, bad u Eker. U Jerahmeel u don sa kawei pat ka tnga, ka briew kaba kyrteng ka Atarah, bad ki la don uwei u khun, u Onam.

²⁸ U Onam u don ar ngut ki khun shynrang, u Shammai bad u Jada, bad u Shammai ruh u don ar ngut ki khun shynrang, u Nadab bad u Abishur.

²⁹ U Abishur u la shongkurim ïa ka briew kaba kyrteng ka Abihail, bad ki la don ar ngut ki khun shynrang, u Ahban bad u Molid.

³⁰ U Nadab u hynmen jong u Abishur u don ar ngut ki khun shynrang, u Seled bad u Appaim, hynrei u Seled u la ïap khlem khun shynrang.

³¹ U Appaim u dei u kpa jong u Ishi, u Ishi u dei u kpa jong u Sheshan, bad u Sheshan u kpa jong u Ahlai.

³² U Jada u para jong u Shammai u don ar ngut ki khun shynrang, u Jether bad u Jonathan, hynrei u Jether u la ïap khlem khun shynrang.

³³ U Jonathan u don ar ngut ki khun shynrang, u Peleth bad u Sasa. Kine baroh ki long ki khun ki ksiew jong u Jerahmeel.

³⁴ U Sheshan um don khun shynrang, hynrei tang ki khun kynthei. U don uwei u mraw Ijipt, uba kyrteng u Jarha,

³⁵ ha uba u la ai ban shongkurim ïa kawei na ki khun kynthei jong u. Ki don uwei u khun uba kyrteng u Attai.

^36-41 Ka pateng longïing na u Attai haduh u Elishama ka long kumne harum: U Attai, u Nathan, u Sabad, U Ephlal, u Obed, U Jehu, u Asaraïah, U Heles, u Eleasah, U Sismai, u Shallum, U Jekamaïah, bad u Elishama.

Kiwei pat ki khun ki ksiew jong u Kaleb

⁴² U Khun nyngkong jong u Kaleb, u hynmen jong u Jerahmeel, u kyrteng u Mesha. U Mesha u dei u kpa jong u Siph, uba dei u kpa jong u Mareshah, uba dei u kpa jong u Hebron.

⁴³ U Hebron u don saw ngut ki khun shynrang: u Korah, u Tappuah, u Rekem, bad u Shema.

⁴⁴ U Shema u dei u kpa jong u Raham bad u kparad jong u Jorkeam. U Rekem u hynmen jong u Shema, u dei u kpa jong u Shammai,

⁴⁵ uba dei u kpa u Maon, u kpa jong u Bethsur.

⁴⁶ U Kaleb u don ka tnga kliar kaba kyrteng ka Ephah, bad na ka don sa lai ngut ki khun shynrang: u Haran, u Mosa, bad u Gases. U Haran ruh u don uwei u khun uba kyrteng u Gases.

⁴⁷ (U briew uba kyrteng u Jahdai u don hynriew ngut ki khun shynrang: u Regem, u Jotham, u Geshan, u Pelet, u Ephah, bad u Shaaph.)

⁴⁸ U Kaleb u don sa kawei ka tnga kliar, ka Maakah, kaba la kha ïa u ar ngut ki khun shynrang, u Sheber bad u Tirhanah.

⁴⁹ Hadien ka don sa ar ngut ki khun shynrang: u Shaaph, uba la seng ïa ka shnong Madmannah; bad u Shebah, uba la seng ïa ki shnong Makhbenah bad Gibea. Nalor kita, u Kaleb u don ruh kawei ka khun kaba kyrteng ka Akhsah.

⁵⁰ Kine harum ruh ki long ki khun ki ksiew jong u Kaleb. U Hur u dei u khun nyngkong jong u Kaleb bad ka Ephrath ka tnga jong u. U Shobal u khun jong u Hur u la seng ïa ka Kiriath Jearim,

⁵¹ u Salma u khun ba ar jong u, u la seng ïa ka Bethlehem, bad u Hareph u khun ba lai jong u, u la seng ïa ka Bethgader.

⁵² U Shobal, u nongseng ïa ka Kiriath Jearim, u dei u kpa tymmen jong ki jaitbynriew ka Haroeh, jong ki shiteng na ki nongshong shnong ka Menuhoth,

⁵³ bad jong kine harum ki kur kiba la shong la sah ha Kiriath Jearim: ki Ithri, ki Puth, ki Shumath, bad ki Mishra. (Ki briew jong ki nongbah Sorah bad Eshtaol ki dei ki dkhot jong kine ki kur.)

⁵⁴ U Salma, u nongseng ïa ka Bethlehem, u dei u kpa tymmen jong ki jaitbynriew ka Netophath, ka Atroth Beth Joab, bad ki Sor, kiba long kawei na ki ar kur ha Manahath.

⁵⁵ (Kine harum ki kur jong kiba tbit ha ka thoh jingthoh bad kiba kopi ïa ki jingthoh ki shong ha ki shnong u Jabes: ki Tirath, ki Shimeath, bad ki Sukath. Ki dei ki Ken kiba la ïashongkurim bad ki Rekhab.)