1 KHRONIKL 1 - Khasi CL Bible (BSI)

Na u Adam haduh u Abraham

¹ U Adam u dei u kpa jong u Seth, u Seth u dei u kpa jong u Enosh, u Enosh u kpa jong u Kenan,

² u Kenan u kpa jong u Mahalalel, u Mahalalel u kpa jong u Jared.

³ U Jared u dei u kpa jong u Enokh, uba dei u kpa jong u Methuselah; u Methuselah u dei u kpa jong u Lamekh,

⁴ uba dei u kpa jong u Noah. U Noah u don lai ngut ki khun shynrang: u Shem, u Ham, bad u Japheth.

⁵ Ki khun shynrang jong u Japheth — U Gomer, U Magog, U Madai, U Jaban, U Tubal, U Meshekh, bad U Tiras — ki dei ki kpa tymmen jong ki jaitbynriew kiba don ïa ki kyrteng jong ki.

⁶ Ki khun ki ksiew jong u Gomer ki dei ki jaitbynriew jong ka Ashkenas, ka Riphath bad ka Togarmah.

⁷ Ki khun ki ksiew jong u Jaban ki dei ki jaitbynriew jong ka Elishah, ka Spain, ka Sypros, bad ka Rhodes.

⁸ Ki khun shynrang jong u Ham ― U Kush, U Ijipt, U Libya, bad U Kanaan ― ki dei ki kpa tymmen jong ki jaitbynriew kiba don ïa ki kyrteng jong ki.

⁹ Ki khun ki ksiew jong u Kush ki dei ki jaitbynriew jong ka Seba, ka Habilah, ka Sabtah, ka Raamah, bad ka Sabteka. Ki khun ki ksiew jong u Raamah ki dei ki jaitbynriew jong ka Sheba bad ka Dedan.

¹⁰ (U Kush u don u khun uba kyrteng u Nimrod, uba la long u nongjop pyrthei bakhraw uba nyngkong eh:)

¹¹ Ki khun ki ksiew jong u Ijipt ki dei ki jaitbynriew jong ka Lydia, ka Anam, ka Lehab, ka Naphtuh,

¹² ka Pathrus, ka Kasluh, bad ka Krit (na kaba la wan mih pateng ki Philistia).

¹³ Ki khun shynrang jong u Kanaan ― U Sidon, uba nyngkong, bad u Heth ― ki dei ki kpa tymmen jong ki jaitbynriew kiba don ïa ki kyrteng jong ki.

¹⁴ U Kanaan u dei ruh u kpa tymmen jong ki Jebus, ki Amor, ki Girgash,

¹⁵ ki Hib, ki Ark, ki Sin,

¹⁶ ki Arbad, ki Semar, bad ki Hamath.

¹⁷ Ki khun shynrang jong u Shem ― U Elam, U Asshur, U Arpakhshad, U Lud, U Aram, U Us, U Hul, U Gether, bad u Meshek ― ki dei ki kpa tymmen jong ki jaitbynriew kiba don ïa ki kyrteng jong ki.

¹⁸ U Arpakhshad u dei u kpa jong u Shelah, uba dei u kpa jong u Eber.

¹⁹ U Eber u don ar ngut ki khun shynrang; uwei u kyrteng u Peleg, namar ha ka por jong u la pynkhlad ïa ki briew ha ka pyrthei, bad uwei pat u kyrteng u Joktan.

²⁰ Ki khun ki ksiew jong u Joktan ki dei ki jaitbynriew ka Almodad, ka Sheleph, ka Hasarmabeth, ka Jerah

²¹ ka Hadoram, ka Usal, ka Diklah,

²² ka Ebal, ka Abimael, ka Sheba,

²³ ka Ophir, ka Habilah, bad ka Jobab.

²⁴ Ka pateng longïing naduh u Shem haduh u Abram ka long kumne: U Shem, U Arpakhshad, U Shelah,

²⁵ U Eber, U Peleg, U Reu,

²⁶ U Serug, U Nahor, U Terah,

²⁷ bad U Abram (ïa uba la tip ruh kum u Abraham.)

Ki khun ki ksiew jong u Ishmael

²⁸ U Abraham u don ar ngut ki khun shynrang, u Isaak bad u Ishmael.

²⁹ Ki khun shynrang jong u Ishmael ki la long ki khlieh jong ki khat-ar jait: Ka Nebaïoth (na ka kyrteng jong u khun nyngkong jong u Ishmael), ka Kedar, ka Adbeel, ka Mibsam,

³⁰ ka Mishma, ka Dumah, ka Massa, ka Hadad, ka Tema,

³¹ ka Jetur, ka Naphish, bad ka Kedemah.

³² U Abraham u don ka tnga kliar kaba kyrteng ka Keturah, kaba la kha ïa u, hynriew ngut ki khun shynrang: u Simran, u Jokshan, u Medan, u Midian, u Ishbak, bad u Shuah. U Jokshan u don ar ngut ki khun shynrang: u Sheba bad u Dedan.

³³ U Midian u don san ngut ki khun shynrang: u Ephah, u Epher, u Hanokh, u Abida, bad u Eldaah.

Ki khun ki ksiew jong u Iso

³⁴ U Isaak u khun jong u Abraham u don ar ngut ki khun shynrang: u Iso bad u Jakob.

³⁵ Ki khun shynrang jong u Iso ki dei: u Eliphas, u Reuel, u Jeush, u Jalam, bad u Korah.

³⁶ U Eliphas u la long u kpa tymmen jong kine ki jait harum: ka Teman, ka Omar, ka Sephi, ka Gatam, ka Kenas, ka Timna, bad ka Amalek.

³⁷ Bad u Reuel u la long u kpa tymmen jong ki jait ka Nahath, ka Serah, ka Shammah bad ka Missah.

Ki traishnong jong ka Edom

^38-42 Ki traishnong jong ka Edom ki dei kiba hiarpateng na kine harum ki khun shynrang jong u Seir: U Lotan, uba dei u kpa tymmen jong ki kur Hori bad Homam. (U Lotan u don ka para kynthei kaba kyrteng ka Timna.) U Shobal, uba dei u kpa tymmen jong ki kur Alban, Manahath, Ebal, Shephi, bad Onam. U Sibeon, uba don ar ngut ki khun shynrang, u Aïah bad u Anah. U Anah u dei u kpa jong u Dishon, bad u Dishon u la long u kpa tymmen jong ki kur Hamran, Eshban, Ithran, bad Kheran. U Eser, uba dei u kpa tymmen jong ki kur Bilhan, Saaban, bad Jaakan. U Dishan, uba dei u kpa tymmen jong ki kur Us bad Aran.

Ki syiem ka Edom

^43-50 Kine ki syiem harum ki la synshar ïa ka ri Edom uwei hadien uwei pat, ha ka por ha shuwa ban don uno uno u syiem ha Israel: U Bela u khun jong u Beor na Dinhabah U Johab u khun jong u Serah na Bosrah U Husham na ka thain Teman U Hadad u khun jong u Bedad na Abith (u la jop ïa ki Midian ha ka thma ha ka ri Moab) U Samlah na Masrekah U Shaul na Rehoboth-halor-ka-Wah U Baal Hanan u khun jong u Akhbor U Hadad na Pau (ka tnga jong u ka dei ka Mehetabel, ka khun jong u Matred bad ka ksiew jong u Mesahab)

^51-54 La pynïakhlad ïa ki briew ka Edom ha kine ki jait harum: Ka Timna, ka Albah, ka Jetheth, Ka Oholibamah, ka Elah, ka Pinon, Ka Kenas, ka Teman, ka Mibsar, Ka Magdiel, bad ka Iram.