Nehemías 7 - Li Santil hu

Laj Nehemías quixxakabeb li teꞌcꞌanjelak

¹ Ut nak ac xya̱loꞌ li tzꞌac ut nak ac xeꞌqꞌueheꞌ saꞌ xnaꞌajeb li puerta re li oqueba̱l, queꞌxakaba̱c laj levita chi cꞌanjelac saꞌ li templo. Cuan li queꞌqꞌueheꞌ chi cꞌacꞌale̱nc saꞌ eb li oqueba̱l, ut cuan li queꞌqꞌueheꞌ chokꞌ aj bichanel.

² Quinxakab li cui̱tzꞌin laj Hanani ut laj Hananías re nak eb aꞌan teꞌilok re li tenamit Jerusalén. Laj Hananías aꞌan li nataklan saꞌ xbe̱neb li soldados. Quinxakab aꞌan xban nak aꞌan kꞌaxal ti̱c xchꞌo̱l chiruheb li jun chꞌol chic ut naxxucua ru li Dios.

³ Ut quinye reheb nak acak xcutanoꞌ chi us nak teꞌxte li puerta re li oqueba̱l. Ut nak toj cuanqueb laj cꞌacꞌalenel, teꞌxtzꞌap cuiꞌchic li puerta ut teꞌxnatꞌ rix chi us. Ut quinye ajcuiꞌ reheb nak teꞌxxakabeb laj cꞌacꞌalenel re li tenamit Jerusalén re chi kꞌek. Li cuanqueb rochocheb nachꞌ riqꞌuin li tzꞌac, aꞌaneb teꞌcꞌacꞌale̱nk chiru li rochocheb.

⁴ Li tenamit nim chi us, abanan toj ma̱jiꞌ qꞌuiheb li cristian xban nak toj ma̱jiꞌ yi̱banbileb chixjunileb li cab saꞌ li tenamit.

Aꞌan aꞌin xqꞌuialeb li queꞌsukꞌi Jerusalén

⁵ Li Dios quixcꞌut chicuu nak tento tebinchꞌutub li nequeꞌtaklan saꞌ li tenamit ut eb li nequeꞌcꞌamoc be joꞌqueb ajcuiꞌ chixjunileb li tenamit re nak teꞌajla̱k li junju̱nk cabal. Quintau li hu li tzꞌi̱banbil cuiꞌ lix cꞌabaꞌeb li queꞌsukꞌi chak xbe̱n cua. Tzꞌi̱banbil retalil chi joꞌcaꞌin:

⁶ Aꞌan aꞌin lix cꞌabaꞌeb laj Israel li queꞌchapeꞌ ut queꞌcꞌameꞌ Babilonia xban li rey Nabucodonosor ut queꞌsukꞌi cuiꞌchic Jerusalén ut Judá. Ac saꞌ xtenamit queꞌcana li junju̱nk.

⁷ Aꞌaneb aꞌin lix cꞌabaꞌeb li queꞌcꞌamoc be chiruheb laj Israel li queꞌchal xbe̱n cua: laj Zorobabel, laj Jesúa, laj Nehemías, laj Azarías, laj Raamías, laj Nahamani, laj Mardoqueo, laj Bilsán, laj Misperet, laj Bigvai, laj Nehum, ut laj Baana. Ut aꞌan aꞌin lix qꞌuialeb li cui̱nk aj Israel li queꞌsukꞌi rochbeneb laj cꞌamol be:

⁸ Eb li ralal xcꞌajol laj Paros, aꞌan cuib mil riqꞌuin jun ciento riqꞌuin cablaju xca̱cꞌa̱l (2,172).

⁹ Eb li ralal xcꞌajol laj Sefatías, aꞌan oxib ciento riqꞌuin cablaju roxcꞌa̱l (372).

¹⁰ Eb li ralal xcꞌajol laj Ara, aꞌan cuakib ciento riqꞌuin cablaju roxcꞌa̱l (652).

¹¹ Eb li ralal xcꞌajol laj Pahat-moab, eb li ralal xcꞌajol laj Jesúa ut eb li ralal xcꞌajol laj Joab, aꞌan cuib mil riqꞌuin cuakxakib ciento riqꞌuin cuakxaklaju (2,818).

¹² Eb li ralal xcꞌajol laj Elam, aꞌan jun mil riqꞌuin cuib ciento riqꞌuin ca̱laju roxcꞌa̱l (1,254).

¹³ Eb li ralal xcꞌajol laj Zatu, aꞌan cuakxakib ciento riqꞌuin o̱b roxcꞌa̱l (845).

¹⁴ Eb li ralal xcꞌajol laj Zacai, aꞌan cuukub ciento riqꞌuin oxcꞌa̱l (760).

¹⁵ Eb li ralal xcꞌajol laj Binúi, aꞌan cuakib ciento riqꞌuin cuakxakib roxcꞌa̱l (648).

¹⁶ Eb li ralal xcꞌajol laj Bebai, aꞌan cuakib ciento riqꞌuin cuakxakib xcaꞌcꞌa̱l (628).

¹⁷ Eb li ralal xcꞌajol laj Azgad, aꞌan cuib mil riqꞌuin cuakib ciento riqꞌuin cuib xcaꞌcꞌa̱l (2,622).

¹⁸ Eb li ralal xcꞌajol laj Adonicam, aꞌan cuakib ciento riqꞌuin cuukub xca̱cꞌa̱l (667).

¹⁹ Eb li ralal xcꞌajol laj Bigvai, aꞌan cuib mil riqꞌuin cuukub xca̱cꞌa̱l (2,067).

²⁰ Eb li ralal xcꞌajol laj Adín, aꞌan cuakib ciento riqꞌuin oꞌlaju roxcꞌa̱l (655).

²¹ Eb li ralal xcꞌajol laj Ater, ut eb li ralal xcꞌajol laj Ezequías, aꞌan cuakxaklaju roꞌcꞌa̱l (98).

²² Eb li ralal xcꞌajol laj Hasum, aꞌan oxib ciento riqꞌuin cuakxakib xcaꞌcꞌa̱l (328).

²³ Eb li ralal xcꞌajol laj Bezai, aꞌan oxib ciento riqꞌuin ca̱hib xcaꞌcꞌa̱l (324).

²⁴ Eb li ralal xcꞌajol laj Harif, aꞌan jun ciento riqꞌuin cablaju (112).

²⁵ Eb li ralal xcꞌajol laj Gabaón, aꞌan oꞌlaju roꞌcꞌa̱l (95).

²⁶ Eb li cui̱nk li cuanqueb Belén ut eb li cuanqueb saꞌ li naꞌajej Netofa, aꞌaneb jun ciento riqꞌuin cuakxakib roꞌcꞌa̱l (188).

²⁷ Eb li cui̱nk li cuanqueb saꞌ li naꞌajej Anatot, aꞌan jun ciento riqꞌuin cuakxakib xca̱cꞌa̱l (128).

²⁸ Eb li cui̱nk li cuanqueb Bet-azmavet, aꞌaneb cuib roxcꞌa̱l (42).

²⁹ Ut eb li cui̱nk li cuanqueb saꞌ eb li naꞌajej Quiriat-jearim, ut Cafira ut Beerot, aꞌan cuukub ciento riqꞌuin oxib roxcꞌa̱l (743).

³⁰ Eb li cui̱nk li cuanqueb Ramá ut Geba, aꞌan cuakib ciento riqꞌuin jun xcaꞌcꞌa̱l (621).

³¹ Eb li cui̱nk li cuanqueb Micmas, aꞌaneb jun ciento riqꞌuin cuib xcaꞌcꞌa̱l (122).

³² Eb li cui̱nk li cuanqueb Bet-el ut Hai, aꞌan jun ciento riqꞌuin oxib xcaꞌcꞌa̱l (123).

³³ Eb li cui̱nk re li tenamit jun chic Nebo xcꞌabaꞌ, aꞌan cablaju roxcꞌa̱l (52).

³⁴ Eb li ralal xcꞌajol laj Elam jun chic, aꞌan jun mil riqꞌuin cuib ciento riqꞌuin ca̱laju roxcꞌa̱l (1,254).

³⁵ Eb li ralal xcꞌajol laj Harim, aꞌan oxib ciento riqꞌuin junmay (320).

³⁶ Eb li ralal xcꞌajol laj Jericó, aꞌan oxib ciento riqꞌuin o̱b roxcꞌa̱l (345).

³⁷ Eb li ralal xcꞌajol laj Lod, eb li ralal xcꞌajol laj Hadid ut eb li ralal xcꞌajol laj Ono, aꞌan cuukub ciento riqꞌuin jun xca̱cꞌa̱l (721).

³⁸ Eb li ralal xcꞌajol laj Senaa, aꞌan oxib mil riqꞌuin bele̱b ciento riqꞌuin laje̱b xca̱cꞌa̱l (3,930).

³⁹ Eb laj tij: aꞌan ralal xcꞌajoleb laj Jedaía. Ut laj Jedaía, aꞌan li ralal laj Jesúa. Aꞌan bele̱b ciento riqꞌuin oxlaju xca̱cꞌa̱l (973).

⁴⁰ Eb li ralal xcꞌajol laj Imer, aꞌan jun mil riqꞌuin cablaju roxcꞌa̱l (1,052).

⁴¹ Eb li ralal xcꞌajol laj Pasur, aꞌan jun mil riqꞌuin cuib ciento riqꞌuin cuukub roxcꞌa̱l (1,247).

⁴² Eb li ralal xcꞌajol laj Harim, aꞌan jun mil riqꞌuin cuuklaju (1,017).

⁴³ Eb laj levitas: aꞌaneb li ralal xcꞌajol laj Jesúa. Laj Jesúa, aꞌan li ralal laj Cadmiel ut laj Cadmiel, aꞌan li ralal laj Hodavías. Aꞌan ca̱laju xca̱cꞌa̱leb (74).

⁴⁴ Eb li nequeꞌbichan, aꞌaneb li ralal xcꞌajol laj Asaf. Aꞌan jun ciento riqꞌuin cuakxakib roxcꞌa̱l (148).

⁴⁵ Eb li nequeꞌcꞌacꞌalen re li oqueba̱l, aꞌaneb li ralal xcꞌajol laj Salum, laj Ater, laj Talmón, laj Acub, laj Hatita ut laj Sobai. Aꞌan jun ciento riqꞌuin cuakxaklaju xcaꞌcꞌa̱l (138).

⁴⁶ Eb li nequeꞌcꞌanjelac sa li templo, aꞌaneb li ralal xcꞌajol laj Ziha, laj Hasufa, laj Tabaot,

⁴⁷ laj Queros, laj Siaha, laj Padón,

⁴⁸ laj Lebana, laj Hagaba, laj Salmai,

⁴⁹ laj Hanán, laj Gidel, laj Gahar,

⁵⁰ laj Reaía, laj Rezín, laj Necoda,

⁵¹ laj Gazam, laj Uza, laj Paseah,

⁵² laj Besai, laj Mehunim, laj Nefisesim,

⁵³ laj Bacbuc, laj Hacufa, laj Harhur,

⁵⁴ laj Bazlut, laj Mehída, laj Harsa,

⁵⁵ laj Barcos, laj Sísara ut laj Tema,

⁵⁶ laj Nezía ut laj Hatifa.

⁵⁷ Eb li ralal xcꞌajol li queꞌcꞌanjelac chiru laj Salomón, aꞌaneb li ralal xcꞌajol laj Sotai, laj Soferet ut laj Perida,

⁵⁸ eb li ralal xcꞌajol laj Jaala, laj Darcón, ut laj Gidel,

⁵⁹ eb li ralal xcꞌajol laj Sefatías, laj Hatil, laj Poqueret-hazebaim, ut laj Amón.

⁶⁰ Chixjunileb li queꞌcꞌanjelac saꞌ li templo rochbeneb li ralal xcꞌajol li queꞌcꞌanjelac chiru laj Salomón, aꞌan oxib ciento riqꞌuin cablaju roꞌcꞌa̱l (392).

⁶¹ Aꞌaneb aꞌin li queꞌsukꞌi saꞌ li tenamit Tel-mela, Tel-harsa, Querub, Adón ut Imer. Abanan eb aꞌan incꞌaꞌ queꞌru xyebal ma aꞌaneb tzꞌakal laj Israel malaj ut incꞌaꞌ xban nak incꞌaꞌ queꞌru xyebal ani tzꞌakal lix xeꞌto̱nil yucuaꞌeb.

⁶² Eb li ralal xcꞌajol laj Delaía, eb li ralal xcꞌajol laj Tobías, ut eb li ralal xcꞌajol laj Necoda, aꞌan cuakib ciento riqꞌuin cuib roxcꞌa̱l (642).

⁶³ Eb laj tij: aꞌaneb li ralal xcꞌajol laj Habaía, laj Cos ut laj Barzilai li quixsicꞌ rixakil saꞌ xya̱nkeb li ralal xcꞌajol laj Barzilai jun chic, Galaad xtenamit. Li ixk aꞌan quiqꞌueheꞌ xcꞌabaꞌ joꞌ xcꞌabaꞌeb aꞌan.

⁶⁴ Quisiqꞌueꞌ xcꞌabaꞌeb saꞌ li hu tzꞌi̱banbil cuiꞌ xcꞌabaꞌeb laj tij. Abanan incꞌaꞌ quitaꞌeꞌ. Joꞌcan nak queꞌisi̱c saꞌ xya̱nkeb laj tij.

⁶⁵ Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirix riqꞌuin li Urim ut Tumim.

⁶⁶ Lix qꞌuialeb chixjunileb lix comoneb rib, aꞌan cuib roxcꞌa̱l mil riqꞌuin oxib ciento riqꞌuin oxcꞌa̱l (42,360).

⁶⁷ Cuanqueb ajcuiꞌ cuukub mil riqꞌuin oxib ciento riqꞌuin cuuklaju xcaꞌcꞌa̱l (7,337) xmo̱seb, ixk ut cui̱nk. Ut saꞌ xya̱nkeb aꞌan cuanqueb cuib ciento riqꞌuin o̱b roxcꞌa̱l (245) laj bichanel, joꞌ ixk joꞌ cui̱nk.

⁶⁸ Cuanqueb cuukub ciento riqꞌuin cuaklaju xcaꞌcꞌa̱l (736) xcacua̱yeb. Ut lix mu̱leb cuib ciento riqꞌuin o̱b roxcꞌa̱l (245).

⁶⁹ Ut lix camelleb ca̱hib ciento riqꞌuin oꞌlaju xcaꞌcꞌa̱l (435). Ut cuanqueb ajcuiꞌ cuakib mil riqꞌuin cuukub ciento riqꞌuin junmay (6,720) lix bu̱reb.

⁷⁰ Ut cuanqueb junju̱nk li nequeꞌjolomin re li junju̱nk cabal queꞌxqꞌue xmayejeb re li cꞌanjel. Li gobernador quixqꞌue re laj xocol tumin numenak cuuklaju (17) libra li oro, laje̱b roxcꞌa̱l (50) li ni̱nki secꞌ, ut o̱b ciento riqꞌuin laje̱b xcaꞌcꞌa̱l (530) li rakꞌeb laj tij.

⁷¹ Chixjunil li mayej li queꞌxqꞌue li nequeꞌjolomin re li junju̱nk cabal, aꞌan aꞌin: oxib ciento riqꞌuin cablaju roxcꞌa̱l (352) libra li oro, ut cuib mil riqꞌuin cuakib ciento riqꞌuin cuib xca̱cꞌa̱l libra (2,662) li plata.

⁷² Chixjunil li mayej li queꞌxqꞌue li tenamit, aꞌan aꞌin: oxib ciento riqꞌuin cablaju roxcꞌa̱l (352) libra li oro, ut cuib mil riqꞌuin ca̱hib ciento riqꞌuin junmay (2,420) libra li plata ut cuukub xca̱cꞌa̱l (67) li rakꞌeb laj tij.

⁷³ Eb laj tij, ut eb laj levita joꞌ eb ajcuiꞌ li queꞌcꞌacꞌalen chire xpuertil li templo, eb li nequeꞌbichan, ut eb li nequeꞌcꞌanjelac saꞌ li templo ut chixjunileb laj Israel ac saꞌ xtenamiteb queꞌcana chi cua̱nc.