Nehemías 10 - Li Santil hu

Li tenamit queꞌxye saꞌ li contrato nak teꞌxba̱nu li naxye li chakꞌrab

¹ Aꞌaneb aꞌin li queꞌxqꞌue xcꞌabaꞌ saꞌ li contrato li kayi̱b: La̱in laj Nehemías li gobernador. La̱in li ralal laj Hacalías. Ut eb laj tij li queꞌxqꞌue xcꞌabaꞌ, aꞌaneb aꞌin: laj Sedequías,

² laj Seraías, laj Azarías, laj Jeremías,

³ laj Pasur, laj Amarías, laj Malquías,

⁴ laj Hatús, laj Sebanías, laj Maluc,

⁵ laj Harim, laj Meremot, laj Obadías,

⁶ laj Daniel, laj Ginetón, laj Baruc,

⁷ laj Mesulam, laj Abías, laj Mijamín,

⁸ laj Maazías, laj Bilgai ut laj Semaías. Chixjunileb aꞌan aj tijeb.

⁹ Ut eb laj levita li queꞌxqꞌue xcꞌabaꞌeb, aꞌan eb aꞌin: laj Jesúa, li ralal laj Azanías, laj Binúi xcomoneb li ralal xcꞌajol laj Henadad, laj Cadmiel,

¹⁰ joꞌ eb ajcuiꞌ li rech aj cꞌanjelil laj Sebanías, laj Hodías, laj Kelita, laj Pelaías, laj Hanán,

¹¹ laj Micaía, laj Rehob, laj Hasabías,

¹² laj Zacur, laj Serebías, laj Sebanías,

¹³ laj Hodías, laj Bani ut laj Beninu.

¹⁴ Ut eb li nequeꞌcꞌamoc be saꞌ li katenamit li queꞌxqꞌue xcꞌabaꞌeb, aꞌaneb aꞌin: laj Paros, laj Pahat-moab, laj Elam, laj Zatu, laj Bani,

¹⁵ laj Buni, laj Azgad, laj Bebai,

¹⁶ laj Adonías, laj Bigvai, laj Adín,

¹⁷ laj Ater, laj Ezequías, laj Azur,

¹⁸ laj Hodías, laj Hasum, laj Bezai,

¹⁹ laj Harif, laj Anatot, laj Nebai,

²⁰ laj Magpías, laj Mesulam, laj Hezir,

²¹ laj Mesezabeel, laj Sadoc, laj Jadúa,

²² laj Pelatías, laj Hanán, laj Anaías,

²³ laj Oseas, laj Hananías, laj Hasub,

²⁴ laj Halohes, laj Pilha, laj Sobec,

²⁵ laj Rehum, laj Hasabna, laj Maasías,

²⁶ laj Ahías, laj Hanán, laj Anán,

²⁷ laj Maluc, laj Harim ut laj Baana.

²⁸ Chikajunilo la̱o aj Israel xkaye nak takaba̱nu joꞌ tzꞌi̱banbil saꞌ li contrato li quikaba̱nu. Eb laj tij, ut eb laj levitas, ut eb li nequeꞌcꞌacꞌalen re li oqueba̱l, ut eb li nequeꞌbichan, ut eb li nequeꞌcꞌanjelac saꞌ li templo, joꞌqueb ajcuiꞌ chixjunileb li queꞌrisi ribeb saꞌ xya̱nkeb li jalaneb xtenamit re teꞌxba̱nu joꞌ naxye saꞌ li chakꞌrab li quiqꞌueheꞌ reheb xban li Dios, rochbeneb li rixakil ut chixjunileb li ralal xcꞌajol li ac nequeꞌxnau cꞌoxlac, queꞌxcꞌul xchꞌo̱l xba̱nunquil li cꞌaꞌru kaye saꞌ li contrato.

²⁹ Ut chixjunileb chi junajeb xchꞌo̱l rochbeneb li nequeꞌcꞌamoc be saꞌ xya̱nkeb queꞌxba̱nu li juramento ut queꞌxye nak teꞌxba̱nu joꞌ naxye li chakꞌrab li quixqꞌue li Dios re laj Moisés laj cꞌanjel chiru. Queꞌxye nak teꞌxba̱nu chi tzꞌakal chixjunil li naxye saꞌ li chakꞌrab li quiqꞌueheꞌ reheb xban li Ka̱cuaꞌ li kaDios.

³⁰ Xkaye nak incꞌaꞌ takaqꞌue li kalal kacꞌajol chi sumla̱c riqꞌuineb li ralal xcꞌajoleb li jalaneb xtenamit.

³¹ Ut xkaye ajcuiꞌ nak incꞌaꞌ tolokꞌok riqꞌuineb li jalaneb xtenamit cui teꞌcha̱lk chi cꞌayi̱nc saꞌ li hiloba̱l cutan. Incꞌaꞌ takalokꞌ li tzacae̱mk chi moco li cꞌaꞌak re ru teꞌxcꞌam chak chi cꞌay saꞌ li hiloba̱l cutan ut incꞌaꞌ ajcuiꞌ tolokꞌok saꞌ eb li cutan li santobresinbil re xlokꞌoninquil li Ka̱cuaꞌ. Ut saꞌ li xcuuk li chihab incꞌaꞌ toa̱uk. Takacanab ban chi hila̱nc li chꞌochꞌ. Ut chiru ajcuiꞌ li chihab aꞌan incꞌaꞌ takapatzꞌ re̱kaj lix cꞌaseb li ani queꞌcꞌasoc kiqꞌuin.

³² Ut xkacꞌu̱b ajcuiꞌ ru nak tento takaqꞌue junju̱nk chi tumin plata rajlal chihab re ta̱cꞌanjelak saꞌ lix templo li Ka̱cuaꞌ Dios.

³³ Li tumin aꞌan ta̱cꞌanjelak re li caxlan cua li naqꞌueman rajlal saꞌ lix templo li Dios ut ta̱cꞌanjelak ajcuiꞌ re xlokꞌbal li ru li trigo li namayeja rajlal cutan, ut re ajcuiꞌ li mayej li nequeꞌxcꞌat. Ut ta̱cꞌanjelak ajcuiꞌ re li mayej li naqꞌueman saꞌ li hiloba̱l cutan, ut nak nequeꞌxninkꞌei lix yoꞌlajic li po ut re ajcuiꞌ chixjunileb li ninkꞌe li nequeꞌxba̱nu. Ut ta̱cꞌanjelak re li cꞌaꞌak re ru li kꞌaxal lokꞌ ut re li mayej li nequeꞌxqꞌue re xpatzꞌbal xcuybal xma̱queb laj Israel ut re chixjunil li cꞌanjel li na-uxman saꞌ lix templo li Dios.

³⁴ Ut kacꞌu̱b ajcuiꞌ ru nak rajlal chihab eb laj tij, eb laj levitas ut chixjunileb li tenamit teꞌbu̱lik re rilbal chanru nak te̱tzꞌak qꞌuehoc siꞌ li junju̱nk cabal. Li siꞌ aꞌan li nacꞌatman saꞌ li artal saꞌ xtemplo li Ka̱cuaꞌ li kaDios joꞌ tzꞌi̱banbil retalil saꞌ li chakꞌrab.

³⁵ Ut kacꞌu̱b ajcuiꞌ ru nak rajlal chihab takacꞌam li xbe̱n ru li kacui̱mk saꞌ lix templo li Ka̱cuaꞌ joꞌ ajcuiꞌ li xbe̱n ru li cheꞌ li naloꞌeꞌ.

³⁶ Ut takacꞌameb ajcuiꞌ saꞌ lix templo li Dios li xbe̱n kalal joꞌ ajcuiꞌ li xbe̱n ral li kacuacax ut eb li kacarner joꞌ tzꞌi̱banbil saꞌ li chakꞌrab ut takakꞌaxtesi reheb laj tij li nequeꞌcꞌanjelac saꞌ li templo.

³⁷ Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.

³⁸ Tento nak cua̱nk junak laj tij xcomoneb li ralal xcꞌajol laj Aarón rochbeneb laj levita nak teꞌxcꞌul li junju̱nk saꞌ xlaje̱tkil. Ut eb laj levita teꞌxcꞌam li junju̱nk saꞌ xlaje̱tkil saꞌ li cab bar naxocman cuiꞌ li cꞌaꞌru re lix templo li Dios.

³⁹ Chixjunileb laj Israel joꞌqueb ajcuiꞌ laj levitas tento nak teꞌxcꞌam li trigo ut li vino ut li aceite saꞌ li cab li xocxo cuiꞌ li secꞌ li nacꞌanjelac saꞌ li templo. Saꞌ ajcuiꞌ li cab aꞌan cuanqueb xnaꞌajeb laj tij li nequeꞌcꞌanjelac saꞌ li templo, joꞌqueb ajcuiꞌ li nequeꞌcꞌacꞌalen re li oqueba̱l, ut eb laj bichanel. Ut kaye nak incꞌaꞌ takacanab lix templo li kaDios. Junelic ban takachꞌolani chi us.