Ester 10 - Li Santil hu

Nak quiqꞌueheꞌ saꞌ xcuanquil laj Mardoqueo

¹ Li rey Asuero quixtitzꞌ xtojeb chixjunileb li cuanqueb rubel xcuanquil. Quixtitzꞌ xtojeb li junju̱nk chi tenamit joꞌqueb ajcuiꞌ li naꞌajej li sutsu̱queb xban li palau.

² Tzꞌi̱banbil retalil chixjunil li quixba̱nu li rey Asuero riqꞌuin xnimal xcuanquil. Ut tzꞌi̱banbil ajcuiꞌ retalil li cuanquil li quixqꞌue re laj Mardoqueo. Chixjunil aꞌin tzꞌi̱banbil saꞌ li hu natzꞌi̱ba̱c cuiꞌ chixjunil li quilajeꞌxba̱nu lix reyeb laj Media ut eb laj Persia.

³ Nim li cuanquil li quiqꞌueheꞌ re laj Mardoqueo. Caꞌaj cuiꞌ li rey Asuero nakꞌaxoc re lix cuanquil. Nim xcuanquil laj Mardoqueo saꞌ xya̱nkeb laj judío. Quiqꞌueheꞌ xlokꞌal xbaneb chixjunileb li rech tenamitil xban nak quixsicꞌ li us chokꞌ reheb ut quixtenkꞌaheb chi cua̱nc saꞌ tuktu̱quil usilal.