Esdras 2 - Li Santil hu

Aꞌan aꞌin xqꞌuialeb li queꞌco̱eb Jerusalén rochben laj Zorobabel

¹ Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

² Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

³ Li ralal xcꞌajol laj Paros, aꞌan cuib mil riqꞌuin jun ciento riqꞌuin cablaju xca̱cꞌa̱leb (2,172).

⁴ Li ralal xcꞌajol laj Sefatías, aꞌan oxib ciento riqꞌuin cablaju xca̱cꞌa̱l (372).

⁵ Li ralal xcꞌajol laj Ara, aꞌan cuukub ciento riqꞌuin oꞌlaju xca̱cꞌa̱l (775).

⁶ Li ralal xcꞌajol laj Pahat-moab, xcomoneb laj Jesúa ut laj Joab, aꞌan cuib mil riqꞌuin cuakxakib ciento riqꞌuin cablaju (2,812).

⁷ Li ralal xcꞌajol laj Elam, aꞌan jun mil riqꞌuin cuib ciento riqꞌuin ca̱laju roxcꞌa̱l. (1,254)

⁸ Li ralal xcꞌajol laj Zatu, aꞌan bele̱b ciento riqꞌuin o̱b roxcꞌa̱l (945).

⁹ Li ralal xcꞌajol laj Zacai, aꞌan cuukub ciento riqꞌuin oxcꞌa̱l (760).

¹⁰ Li ralal xcꞌajol laj Bani, aꞌan cuakib ciento riqꞌuin cuib roxcꞌa̱l (642).

¹¹ Li ralal xcꞌajol laj Bebai, aꞌan cuakib ciento riqꞌuin oxib xcaꞌcꞌa̱l (623).

¹² Li ralal xcꞌajol laj Azgad, aꞌan jun mil riqꞌuin cuib ciento riqꞌuin cuib xcaꞌcꞌa̱l (1,222).

¹³ Li ralal xcꞌajol laj Adonicam, aꞌan cuakib ciento riqꞌuin cuakib xca̱cꞌa̱l (666).

¹⁴ Li ralal xcꞌajol laj Bigvai, aꞌan cuib mil riqꞌuin cuaklaju roxcꞌa̱l (2,056).

¹⁵ Li ralal xcꞌajol laj Adín, aꞌan ca̱hib ciento riqꞌuin ca̱laju roxcꞌa̱l (454).

¹⁶ Li ralal xcꞌajol laj Ater, xcomon laj Ezequías, aꞌan cuakxaklaju roꞌcꞌa̱l (98).

¹⁷ Li ralal xcꞌajol laj Bezai, aꞌan oxib ciento riqꞌuin oxib xcaꞌcꞌa̱l (323).

¹⁸ Li ralal xcꞌajol laj Jora, aꞌan jun ciento riqꞌuin cablaju (112).

¹⁹ Li ralal xcꞌajol laj Hasum, aꞌan cuib ciento riqꞌuin oxib xcaꞌcꞌa̱l (223).

²⁰ Li ralal xcꞌajol laj Gibar, aꞌan oꞌlaju roꞌcꞌa̱l (95).

²¹ Li ralal xcꞌajol laj Belén, aꞌan jun ciento riqꞌuin oxib xcaꞌcꞌa̱l (123).

²² Li ralal xcꞌajol laj Netofa, aꞌan cuaklaju roxcꞌa̱l (56).

²³ Li ralal xcꞌajol laj Anatot, aꞌan jun ciento riqꞌuin cuakxakib xcaꞌcꞌa̱l (128).

²⁴ Li ralal xcꞌajol laj Azmavet, aꞌan cuib roxcꞌa̱l (42).

²⁵ Li ralal xcꞌajol laj Quiriat-jearim, laj Cafira ut laj Beerot, aꞌan cuukub ciento riqꞌuin oxib roxcꞌa̱l (743).

²⁶ Li ralal xcꞌajol laj Ramá ut laj Geba, aꞌan cuakib ciento riqꞌuin jun xcaꞌcꞌa̱l (621).

²⁷ Li ralal xcꞌajol laj Micmas, aꞌan jun ciento riqꞌuin cuib xcaꞌcꞌa̱l (122).

²⁸ Li ralal xcꞌajol laj Bet-el ut laj Hai, aꞌan cuib ciento riqꞌuin oxib xcaꞌcꞌa̱l (223).

²⁹ Li ralal xcꞌajol laj Nebo, aꞌan cablaju roxcꞌa̱l (52).

³⁰ Li ralal xcꞌajol laj Magbis, aꞌan jun ciento riqꞌuin cuaklaju roxcꞌa̱l (156).

³¹ Li ralal xcꞌajol laj Elam jun chic, aꞌan jun mil riqꞌuin cuib ciento riqꞌuin ca̱laju roxcꞌa̱l (1,254).

³² Li ralal xcꞌajol laj Harim, aꞌan oxib ciento riqꞌuin junmay (320).

³³ Li ralal xcꞌajol laj Lod, laj Hadid ut laj Ono, aꞌan cuukub ciento riqꞌuin o̱b xcaꞌcꞌa̱l (725).

³⁴ Li ralal xcꞌajol laj Jericó, aꞌan oxib ciento riqꞌuin o̱b roxcꞌa̱l (345).

³⁵ Li ralal xcꞌajol laj Senaa, aꞌan oxib mil riqꞌuin cuakib ciento riqꞌuin laje̱b xcaꞌcꞌa̱l (3,630).

³⁶ Eb laj tij aꞌaneb li ralal xcꞌajol laj Jedaías xcomoneb laj Jesúa. Aꞌan bele̱b ciento riqꞌuin oxlaju xca̱cꞌa̱leb (973).

³⁷ Li ralal xcꞌajol laj Imer, aꞌan jun mil riqꞌuin cablaju roxcꞌa̱l (1,052).

³⁸ Li ralal xcꞌajol laj Pasur, aꞌan jun mil riqꞌuin cuib ciento riqꞌuin cuukub roxcꞌa̱l (1,247).

³⁹ Li ralal xcꞌajol laj Harim, aꞌan jun mil riqꞌuin cuuklaju (1,017).

⁴⁰ Eb laj levita, aꞌaneb li ralal xcꞌajol laj Jesúa ut laj Cadmiel, xcomoneb laj Hodavías. Aꞌan ca̱laju xca̱cꞌa̱leb (74).

⁴¹ Eb laj bichanel, li ralal xcꞌajol laj Asaf, aꞌan jun ciento riqꞌuin cuakxakib xcaꞌcꞌa̱l (128).

⁴² Eb li nequeꞌcꞌacꞌalen saꞌ li oqueba̱l re li templo, aꞌaneb li ralal xcꞌajol laj Salum, laj Ater, laj Talmón, laj Acub, laj Hatita, ut laj Sobai. Aꞌan jun ciento riqꞌuin bele̱laju xcaꞌcꞌa̱l (139).

⁴³ Eb li nequeꞌcꞌanjelac saꞌ li templo, aꞌaneb li ralal xcꞌajol laj Ziha, laj Hasufa, laj Tabaot,

⁴⁴ laj Queros, laj Siaha, laj Padón,

⁴⁵ laj Lebana, laj Hagaba, laj Acub,

⁴⁶ laj Hagab, laj Salmai, laj Hanán,

⁴⁷ laj Gidel, laj Gahar, laj Reaía,

⁴⁸ li ralal xcꞌajol laj Rezín, laj Necoda, ut laj Gazam,

⁴⁹ li ralal xcꞌajol laj Uza, laj Paseah, ut laj Besai,

⁵⁰ li ralal xcꞌajol laj Asena, laj Meunim, ut laj Nefusim,

⁵¹ li ralal xcꞌajol laj Bacbuc, laj Hacufa, ut laj Harhur,

⁵² li ralal xcꞌajol laj Bazlut, laj Mehída, ut laj Harsa,

⁵³ li ralal xcꞌajol laj Barcos, laj Sísara, ut laj Tema,

⁵⁴ li ralal xcꞌajol laj Nezía, ut laj Hatifa.

⁵⁵ Eb li ralal xcꞌajol li nequeꞌcꞌanjelac chiru laj Salomón, aꞌaneb li ralal xcꞌajol laj Sotai, laj Soferet, ut laj Peruda,

⁵⁶ ut li ralal xcꞌajoleb laj Jaala, laj Darcón ut laj Gidel,

⁵⁷ ut li ralal xcꞌajol laj Sefatías ut laj Hatil, ut laj Poqueret-hazebaim ut laj Amón.

⁵⁸ Chixjunileb li nequeꞌcꞌanjelac saꞌ li templo ut eb li ralal xcꞌajol li nequeꞌcꞌanjelac chiru laj Salomón, aꞌan oxib ciento riqꞌuin cablaju roꞌcꞌa̱l (392).

⁵⁹ Aꞌaneb aꞌin li queꞌcuulac Tel-mela, Tel-harsa, Querub, Addán ut Imer. Abanan incꞌaꞌ chꞌolchꞌo ma xcomoneb li ralal xcꞌajol laj Israel malaj ut incꞌaꞌ.

⁶⁰ Eb li ralal xcꞌajol laj Delaía ut li ralal xcꞌajol laj Tobías ut li ralal xcꞌajol laj Necoda, aꞌan cuakib ciento riqꞌuin cablaju roxcꞌa̱l (652).

⁶¹ Eb li ralal xcꞌajol laj tij, aꞌaneb lix comoneb laj Habaía, laj Cos, laj Barzilai, li quisumla riqꞌuin jun li ixk xcomoneb lix rabin laj Barzilai aj Galaad. Quiqꞌueheꞌ xcꞌabaꞌ joꞌ li xcꞌabaꞌ eb aꞌan.

⁶² Queꞌxsicꞌ xcꞌabaꞌeb lix xeꞌto̱nil yucuaꞌ saꞌ li hu li tzꞌi̱banbil cuiꞌ lix cꞌabaꞌeb laj tij ut incꞌaꞌ queꞌxtau. Joꞌcan nak incꞌaꞌ chic queꞌqꞌueheꞌ chokꞌ aj tij.

⁶³ Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirixeb riqꞌuin li Urim ut li Tumim.

⁶⁴ Lix qꞌuialeb chixjunileb lix comoneb rib, aꞌan cuib roxcꞌa̱l mil riqꞌuin oxib ciento riqꞌuin oxcꞌa̱l (42,360).

⁶⁵ Cuanqueb ajcuiꞌ cuukub mil riqꞌuin oxib ciento riqꞌuin cuuklaju xcaꞌcꞌa̱l (7,337) xmo̱seb, ixk ut cui̱nk. Ut cuanqueb ajcuiꞌ cuib ciento (200) aj bichanel, joꞌ cui̱nk joꞌ ixk.

⁶⁶ Cuanqueb cuukub ciento riqꞌuin cuaklaju xcaꞌcꞌa̱l (736) xcacua̱yeb. Ut eb lix mu̱l cuib ciento riqꞌuin o̱b roxcꞌa̱l (265).

⁶⁷ Ut eb lix camello ca̱hib ciento riqꞌuin oꞌlaju xcaꞌcꞌa̱l (435). Ut cuanqueb ajcuiꞌ cuakib mil riqꞌuin cuukub ciento riqꞌuin junmay (6,720) lix bu̱reb.

⁶⁸ Ut li junju̱nk chi cui̱nk li nequeꞌjolomin re li junju̱nk cabal, nak queꞌcuulac Jerusalén queꞌxkꞌaxtesi lix mayejeb re xyi̱banquil cuiꞌchic li templo saꞌ ajcuiꞌ lix naꞌaj li quicuan cuiꞌ junxil.

⁶⁹ Queꞌxqꞌue aꞌ yal joꞌ qꞌuial li queꞌru xqꞌuebal. Queꞌxqꞌue jun mil riqꞌuin laje̱b xcaꞌcꞌa̱l libras (1,030) li oro ut o̱b mil (5,000) libra li plata. Ut jun ciento li rakꞌeb laj tij queꞌxqꞌue.

⁷⁰ Cuanqueb xcomoneb laj Israel queꞌcana chi cua̱nc saꞌ li tenamit Jerusalén. Queꞌcana aran eb laj tij ut eb laj levita, eb laj bichanel, eb li queꞌcꞌacꞌalen chire xpuertil li templo joꞌqueb ajcuiꞌ li nequeꞌcꞌanjelac saꞌ li templo ut li joꞌ qꞌuial chic laj Israel queꞌcana chi cua̱nc saꞌ xtenamiteb. Ac re reheb li junju̱nk lix tenamiteb.