Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Cantares 7 - Li Santil hu

1 At cuixakil, cꞌajoꞌ xchꞌinaꞌusal la̱ cuok saꞌ la̱ xa̱b. Ut la̱ cuaꞌ chꞌinaꞌuseb. Chanchaneb li terto̱quil pec yi̱banbil chi cha̱bil xbaneb li tzolbileb chixcꞌanjelanquil li cha̱bil pec.

2 La̱ chꞌup sursu chanchan jun li secꞌ junelic cuan vino chi saꞌ. Ut li ru la̱ saꞌ chanchan jun tu̱b li trigo sutsu xban utzꞌuꞌuj.

3 Ut eb la̱ tuꞌ chanchaneb li cuib chi quej lakꞌlo̱queb.

4 La̱ cux chanchan jun li cab najt xteram yi̱banbil riqꞌuin marfil. Ut lix nakꞌ a̱cuu chanchaneb li xnaꞌaj li haꞌ li cuan aran saꞌ li tenamit Hesbón chire li oqueba̱l Bat-rabim xcꞌabaꞌ. Ut la̱ cuuꞌuj chanchan li cab najt xteram li cuan aran Líbano saꞌ xjayal li tenamit Damasco.

5 La̱ jolom cꞌajoꞌ xchꞌinaꞌusal. Chanchan li tzu̱l Carmelo. Ut li rismal a̱jolom chanchan li tꞌicr púrpura li cuan saꞌ rochoch li rey. Naxic inchꞌo̱l cha̱cuix xban xchꞌinaꞌusal la̱ cuismal.

6 Cꞌajoꞌ xchakꞌal a̱cuu. Ut cꞌajoꞌ la̱ kꞌunil, at xsum li cua̱m. Nacꞌojla inchꞌo̱l a̱ban.

7 Nacatxakli chi ti̱c. Chanchanat li cheꞌ palmera. Ut la̱ tuꞌ chanchan li ru.

8 La̱in nacuaj takecꞌ saꞌ ruꞌuj li cheꞌ palmera re tinsicꞌ chak chokꞌ cue li ru. La̱ tuꞌ chanchan li ju̱nk cu̱t chi uvas. Ut sunu̱nc saꞌ la̱ cue. Chanchan xsununquil li mansanas.

9 Saꞌ la̱ cue chanchan li vino li kꞌaxal cha̱bil. Chanchan rucꞌbal li vino li sa rucꞌbal. Nequeꞌrecꞌa xsahil nak yo̱queb chirucꞌbal.


Li ixk:

10 La̱in rehin li cui̱nk li ninra, ut cuiqꞌuin naxtau xsahil xchꞌo̱l.

11 Quim cuiqꞌuin, at xsum cua̱m. Toxic saꞌ li cꞌaleba̱l. Takanumsi li kꞌojyi̱n saꞌ xnaꞌaj li utzꞌuꞌuj alheña.

12 Ekꞌela tocuacli̱k ut takil li acui̱mk uvas. Takil ma yo̱queb chi ni̱nka̱nc. Takil ma xpuqꞌueꞌ li ratzꞌum li granadas. Ut aran takara kib.

13 Ta̱cuutzꞌ xsununquil li acui̱mk mandrágoras. Saꞌ li kochoch cuan nabal pa̱y ru li quiꞌil kꞌe̱n. At xsum li cua̱m, la̱in xinxoc chokꞌ a̱cue chixjunil li ta̱sahokꞌ cuiꞌ a̱chꞌo̱l. Cuan li ac xchakic ut cuan ajcuiꞌ li toj xinsicꞌ.

© 2019, Wycliffe Bible Translators. All rights reserved.

Wycliffe Bible Translators, Inc.
ကြှနျုပျတို့နောကျလိုကျပါ:



ကြော်ငြာတွေ