Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 Samuel 9 - Li Santil hu

1 Saꞌ jun li cutan li rey David quixye: —¿Ma toj yoꞌyo junak ralal xcꞌajol laj Saúl re tinba̱nu usilal re saꞌ xcꞌabaꞌ laj Jonatán? chan.

2 Quicuan jun xmo̱s laj Saúl aj Siba xcꞌabaꞌ. Quibokeꞌ riqꞌuin laj David. Li rey David quixye re: —¿Ma la̱at laj Siba?— Ut li cui̱nk quixye: —At rey, la̱in laj Siba, chan.

3 Li rey David quixye re: —¿Ma toj yoꞌyo junak ralal xcꞌajol laj Saúl? La̱in nacuaj tinba̱nu usilal re joꞌ xinye re li Dios tinba̱nu, chan. Laj Siba quixye re: —Toj yoꞌyo jun li ralal laj Jonatán. Aꞌan incꞌaꞌ nabe̱c, chan.

4 Li rey David quixye: —¿Bar cuan li cui̱nk aꞌan?— Laj Siba quixye re: —Cuan aran Lodebar saꞌ li rochoch laj Maquir li ralal laj Amiel, chan.

5 Ut laj David quixtakla xcꞌambal chak laj Mefi-boset saꞌ rochoch laj Maquir, li ralal laj Amiel li cuan aran Lodebar.

6 Laj Mefi-boset, li ralal laj Jonatán quicuulac riqꞌuin laj David. Laj Mefi-boset, aꞌan li ri laj Saúl. Quixcuikꞌib rib chiru laj David re xqꞌuebal xlokꞌal. Laj David quixye re: —At Mefi-boset, chan. Ut aꞌan quixye re: —La̱in aj cꞌanjel cha̱cuu, chan.

7 Laj David quixye re: —Matxucuac xban nak la̱in tinba̱nu usilal a̱cue saꞌ xcꞌabaꞌ laj Jonatán la̱ yucuaꞌ. Tinkꞌaxtesi a̱cue chixjunil li chꞌochꞌ li quicuan re laj Saúl la̱ yucuaꞌchin. Ut la̱at junelic tatcuaꞌak cuochben saꞌ lin me̱x, chan.

8 Ut laj Mefi-boset quixcuikꞌib cuiꞌchic rib ut quixye re: —¿Anihin ta biꞌ la̱in nak ta̱cuil xtokꞌoba̱l cuu? La̱in chanchanin jun li tzꞌiꞌ ca̱mc re, chan.

9 Ut laj David quixbok laj Siba lix mo̱s laj Saúl ut quixye re: —Chixjunil li quicuan re laj Saúl la̱ patrón ut reheb li ralal xcꞌajol la̱in xinqꞌue re laj Mefi-boset, li ri.

10 La̱at ut eb la̱ cualal, joꞌ eb ajcuiꞌ li nequeꞌcꞌanjelac cha̱cuu teꞌxcꞌanjela ru lix chꞌochꞌ laj Saúl ut te̱qꞌue li ru li racui̱mk reheb li ralal xcꞌajol. Abanan laj Mefi-boset, li ri laj Saúl, ta̱cuaꞌak saꞌ lin me̱x cuochben.— Laj Siba cuanqueb oꞌlaju li ralal ut junmay lix mo̱s.

11 Quichakꞌoc laj Siba ut quixye: —At rey, la̱in tinba̱nu chixjunil li xaye. La̱in aj cꞌanjel cha̱cuu, chan. Ut laj Mefi-boset junelic quicuaꞌac saꞌ lix me̱x li rey joꞌ jun reheb li ralal laj David.

12 Laj Mefi-boset cuan jun li ralal toj caꞌchꞌin, aj Micaía xcꞌabaꞌ. Chixjunileb li ralal xcꞌajol laj Siba queꞌcuan chokꞌ xmo̱s laj Mefi-boset.

13 Laj Mefi-boset incꞌaꞌ nequeꞌbe̱c chixcabichaleb li rok. Aꞌan quicuan Jerusalén ut junelic quicuaꞌac saꞌ lix me̱x li rey David.

© 2019, Wycliffe Bible Translators. All rights reserved.

Wycliffe Bible Translators, Inc.
ကြှနျုပျတို့နောကျလိုကျပါ:



ကြော်ငြာတွေ