Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

1 Samuel 31 - Li Santil hu

1 Eb laj filisteo queꞌpletic riqꞌuineb laj Israel. Ut eb laj Israel yo̱queb chi e̱lelic chiruheb. Nabaleb laj Israel queꞌcamsi̱c saꞌ li tzu̱l Gilboa.

2 Ut eb laj filisteo queꞌra̱linaheb laj Saúl ut eb li ralal. Queꞌcamsi̱c li ralal laj Saúl. Aꞌaneb laj Jonatán, laj Abinadab, ut laj Malquisúa.

3 Cau yo̱queb chi pletic nachꞌ riqꞌuin laj Saúl. Eb laj filisteo queꞌxtau chi tzimaj laj Saúl. Ut cꞌajoꞌ nak qui-oc xxiu.

4 Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

5 Li cui̱nk quiril nak camenak chic laj Saúl. Quixchap lix chꞌi̱chꞌ ut quixcamsi rib. Rochben laj Saúl nak quicam.

6 Joꞌcaꞌin nak quicam laj Saúl saꞌ li cutan aꞌan rochbeneb li oxib chi ralal, ut li cui̱nk li nacꞌamoc re lix chꞌi̱chꞌ re pletic ut rochbeneb ajcuiꞌ lix soldados.

7 Eb laj Israel li cuanqueb jun pacꞌal li ru takꞌa ut eb li cuanqueb jun pacꞌal li nimaꞌ Jordán queꞌril nak queꞌe̱lelic lix solda̱deb laj Israel. Queꞌrabi nak quicamsi̱c laj Saúl rochbeneb li ralal. Queꞌxcanab lix tenamiteb ut queꞌe̱lelic. Ut eb laj filisteo queꞌoc saꞌ lix tenamiteb ut aran queꞌcana chi cua̱nc.

8 Saꞌ li cutan jun chic eb laj filisteo queꞌco̱eb chixxocbal li cꞌaꞌru reheb li camenak. Queꞌxtau laj Saúl ut eb li oxib chi ralal jiljo̱queb chi camenak saꞌ li tzu̱l Gilboa.

9 Queꞌxset xcux laj Saúl ut queꞌxcꞌam lix jolom rochben lix chꞌi̱chꞌ re pletic ut queꞌxtaklaheb laj takl saꞌ chixjunil lix tenamiteb laj filisteo re nak teꞌrabi resil nak camenak chic laj Saúl. Queꞌxye ajcuiꞌ resil saꞌ rochocheb lix dioseb.

10 Chirix chic aꞌan queꞌxqꞌue lix chꞌi̱chꞌ laj Saúl saꞌ li rochoch lix Astarot, lix dioseb. Ut queꞌxtꞌuyub li camenak chiru li tzꞌac aran Bet-sán.

11 Eb li cuanqueb aran Jabes re Galaad queꞌrabi li cꞌaꞌru queꞌxba̱nu re laj Saúl eb laj filisteo.

12 Queꞌxchꞌutub rib chixjunileb li cui̱nk li cauheb xchꞌo̱l chi pletic ut queꞌco̱eb. Chixjunil li kꞌojyi̱n queꞌbe̱c. Nak queꞌcuulac aran Bet-sán, queꞌrisiheb li camenak chiru li tzꞌac, laj Saúl joꞌ eb ajcuiꞌ li oxib chi ralal. Queꞌxcꞌameb li camenak toj Jabes ut aran queꞌxcꞌat.

13 Queꞌxxoc lix bakel ut queꞌxmuk aran Jabes rubel jun li nimla cheꞌ. Ut queꞌayunic chiru cuukub cutan.

© 2019, Wycliffe Bible Translators. All rights reserved.

Wycliffe Bible Translators, Inc.
ကြှနျုပျတို့နောကျလိုကျပါ:



ကြော်ငြာတွေ