1 Crónicas 9 - Li Santil hu

¹ Chixjunileb laj Israel tzꞌi̱banbil xcꞌabaꞌeb saꞌ li hu reheb lix reyeb laj Israel. Tzꞌi̱banbil xcꞌabaꞌeb aꞌ yal chanru li ralal xcꞌajoleb. Ut chixjunileb laj Judá queꞌcꞌameꞌ aran Babilonia xban nak queꞌxkꞌetkꞌeti ribeb chiru li Dios.

² Eb li xbe̱n li queꞌsukꞌi saꞌ lix naꞌajeb, aꞌaneb laj Israel, eb laj tij, eb laj levita, ut eb li queꞌcꞌanjelac saꞌ lix templo li Ka̱cuaꞌ.

³ Cuanqueb li ralal xcꞌajol laj Judá, li ralal xcꞌajol laj Benjamín, li ralal xcꞌajol laj Efraín ut li ralal xcꞌajol laj Manasés li queꞌco̱eb chi cua̱nc aran Jerusalén.

⁴ Laj Utai, aꞌan li quicꞌamoc be chiruheb li ralal xcꞌajol laj Fares, li ralal laj Judá. Laj Utai, aꞌan li ralal laj Amiud. Laj Amiud, aꞌan li ralal laj Omri. Laj Omri, aꞌan li ralal laj Imri. Laj Imri, aꞌan li ralal laj Bani; ut laj Bani, aꞌan xcomoneb li ralal laj Fares, li ralal laj Judá.

⁵ Laj Asaías, aꞌan li quicꞌamoc be chiruheb li ralal xcꞌajol laj Sela, li ralal laj Judá. Laj Asaías, aꞌan nataklan saꞌ xbe̱neb li jun xte̱paleb li tenamit.

⁶ Laj Jeuel, aꞌan li quicꞌamoc be chiruheb li ralal xcꞌajol laj Zera, li ralal laj Judá. Cuakib ciento riqꞌuin laje̱b roxcꞌa̱l chixjunileb li ralal xcꞌajol laj Judá.

⁷ Aꞌaneb aꞌin li ralal xcꞌajol laj Benjamín li queꞌcuan Jerusalén: laj Salú, li ralal laj Mesulam; laj Mesulam, aꞌan li ralal laj Hodavías; laj Hodavías, aꞌan li ralal laj Asenúa;

⁸ ut laj Ibneías li ralal laj Jeroham; laj Ela li ralal laj Uzi; laj Uzi, aꞌan li ralal laj Micri; ut laj Mesulam li ralal laj Sefatías, li ralal laj Reuel; laj Reuel, aꞌan li ralal laj Ibnías.

⁹ Bele̱b ciento riqꞌuin cuaklaju roxcꞌa̱l (956) li ralal laj Benjamín li queꞌcuan Jerusalén. Chixjunileb li cui̱nk aꞌin queꞌtaklan saꞌ xbe̱neb li junju̱nk xte̱paleb li tenamit.

¹⁰ Aꞌaneb aꞌin laj tij li queꞌcuan aran Jerusalén: laj Jedaías; laj Joiarib; laj Jaquín;

¹¹ ut laj Azarías li ralal laj Hilcías. Laj Hilcías, aꞌan li ralal laj Mesulam. Laj Mesulam, aꞌan li ralal laj Sadoc. Laj Sadoc, aꞌan li ralal laj Meraiot. Laj Meraiot, aꞌan li ralal laj Ahitob, li najolomin re li cꞌanjel saꞌ li templo.

¹² Ut quicuan ajcuiꞌ laj Adaía, li ralal laj Jeroham. Laj Jeroham, aꞌan li ralal laj Pasur. Laj Pasur, aꞌan li ralal laj Malquías. Ut quicuan ajcuiꞌ laj Masai, li ralal laj Adiel. Laj Adiel, aꞌan li ralal laj Jazera. Laj Jazera, aꞌan li ralal laj Mesulam. Laj Mesulam, aꞌan li ralal laj Mesilemit. Laj Mesilemit, aꞌan li ralal Imer.

¹³ Eb laj tij li queꞌtaklan saꞌ xbe̱neb li junju̱nk xte̱paleb li tenamit, aꞌaneb jun mil riqꞌuin cuukub ciento riqꞌuin oxcꞌa̱l (1,760). Queꞌxnau xba̱nunquil chi us li cꞌanjel li qui-uxman saꞌ li templo.

¹⁴ Eb laj levita li queꞌcuan aran Jerusalén, aꞌaneb aꞌin: laj Semaías li ralal laj Hasub. Laj Hasub, aꞌan li ralal laj Azricam. Laj Azricam, aꞌan li ralal laj Hasabías. Laj Hasabías, aꞌan xcomoneb li ralal xcꞌajol laj Merari.

¹⁵ Ut queꞌcuan ajcuiꞌ laj Bacbacar, laj Heres, laj Galal, laj Matanías li ralal laj Micaía. Laj Micaía, aꞌan li ralal laj Zicri. Laj Zicri, aꞌan li ralal laj Asaf.

¹⁶ Ut quicuan ajcuiꞌ laj Obadías, li ralal laj Semaías. Laj Semaías, aꞌan li ralal laj Galal. Laj Galal, aꞌan li ralal laj Jedutún. Ut quicuan ajcuiꞌ laj Berequías li ralal laj Asa. Laj Asa, aꞌan li ralal laj Elcana. Eb aꞌan queꞌcuan saꞌ lix naꞌajeb laj netofatitas.

¹⁷ Eb li queꞌcꞌacꞌalen saꞌ eb li oqueba̱l re li templo, aꞌaneb aꞌin: Laj Salum, laj Acub, laj Talmón, laj Ahimán ut eb li ri̱tzꞌin. Laj Salum, aꞌan li quicꞌamoc be chiruheb.

¹⁸ Chalen ut anakcuan queꞌcꞌacꞌalen re li oqueba̱l li quinumeꞌ cuiꞌ li rey, li quicuan saꞌ li este.

¹⁹ Laj Salum ut eb li rechꞌalal, aꞌan eb li queꞌcꞌacꞌalen re li oqueba̱l re li templo, joꞌ nak queꞌxcꞌacꞌalen re li oqueba̱l re li tabernáculo lix xeꞌto̱nil yucuaꞌ. Laj Salum, aꞌan li ralal laj Coré. Laj Coré, aꞌan li ralal laj Ebiasaf. Laj Ebiasaf, aꞌan li ralal laj Coré jun chic.

²⁰ Junxil, laj Finees li ralal laj Eleazar, aꞌan li quitaklan saꞌ xbe̱neb. Ut li Ka̱cuaꞌ quicuan riqꞌuin.

²¹ Laj Zacarías, li ralal laj Meselemías, aꞌan li quicꞌacꞌalen re li oqueba̱l re li tabernáculo.

²² Cuib ciento riqꞌuin cablaju chixjunileb li queꞌcꞌacꞌalen re li oqueba̱l. Queꞌajla̱c aꞌ yal chanru li ralal xcꞌajol li junju̱nk. Li rey David ut laj Samuel li profeta, aꞌaneb li queꞌxakaban reheb saꞌ lix cꞌanjel.

²³ Joꞌcan nak eb aꞌan ut eb li ralal xcꞌajol nequeꞌxjal ribeb chixcꞌacꞌalenquil li oqueba̱l re lix templo li Ka̱cuaꞌ ut re li tabernáculo.

²⁴ Queꞌcuan saꞌ li ca̱hib pacꞌal. Queꞌcuan saꞌ li oriente, saꞌ li poniente, saꞌ li sur, ut saꞌ li norte.

²⁵ Eb li cuanqueb saꞌ li cꞌaleba̱l queꞌchal rajlal cuukub cutan chixcꞌacꞌalenquil li oqueba̱l.

²⁶ Abanan li ca̱hib chi cui̱nk li queꞌcꞌamoc be chi cꞌacꞌale̱nc re li oqueba̱l, aꞌaneb queꞌcuan junelic. Aꞌaneb ajcuiꞌ li queꞌiloc reheb li cocꞌ naꞌajej li cuan saꞌ li templo, ut queꞌiloc ajcuiꞌ reheb li naꞌajej li queꞌxoqueꞌ cuiꞌ li cꞌaꞌak re ru terto xtzꞌak re li templo.

²⁷ Eb aꞌan cuanqueb xnaꞌaj saꞌ xjun sutam lix templo li Dios, xban nak tento nak eb aꞌan teꞌcꞌacꞌale̱nk re li templo. Ut tento nak teꞌxte li oqueba̱l rajlal ekꞌela.

²⁸ Cuanqueb li queꞌiloc reheb li cꞌaꞌak re ru li quicꞌanjelac saꞌ li templo. Aꞌaneb li queꞌxococ reheb ut aꞌaneb ajcuiꞌ li queꞌisin reheb nak oqueb re chi cꞌanjelac.

²⁹ Cuanqueb chic li queꞌiloc reheb li cꞌaꞌak re ru li quicꞌanjelac saꞌ li Lokꞌlaj Naꞌajej, ut li cꞌaj, li vino, li aceite, li incienso ut li sununquil ban.

³⁰ Cuanqueb ajcuiꞌ li ralal eb laj tij li queꞌyi̱ban re li sununquil ban li quicꞌanjelac saꞌ li templo.

³¹ Laj Matatías li xbe̱n ralal laj Salum li coreíta, aꞌan aj levita. Aꞌan li qui-iloc re li caxlan cua li quimayeja̱c.

³² Cuanqueb li ralal laj Coat ut li ralaleb li ri̱tzꞌin, li queꞌyi̱ban re li cablaju chi caxlan cua li quiqꞌueheꞌ saꞌ xbe̱n li me̱x saꞌ li Santil Naꞌajej.

³³ Cuanqueb ajcuiꞌ laj bichanel. Li queꞌtaklan saꞌ xbe̱n li junju̱nk xte̱paleb li tenamit queꞌcuan saꞌ li naꞌajej li cuan saꞌ li templo. Ma̱cꞌaꞌ chic lix cꞌanjeleb xban nak queꞌcꞌanjelac saꞌ li templo chi kꞌek chi cutan.

³⁴ Aꞌaneb aꞌin li queꞌtaklan saꞌ xbe̱neb li junju̱nk xte̱paleb li tenamit aj levita, aꞌ yal chanru li ralal xcꞌajoleb. Aꞌaneb aj cꞌamol be li queꞌcuan aran Jerusalén.

³⁵ Laj Jehiel aꞌan li quitiquiban re li tenamit Gabaón. Li rixakil, aꞌan lix Maaca xcꞌabaꞌ.

³⁶ Aꞌaneb aꞌin li ralal laj Jehiel: laj Abdón li xbe̱n ralal, laj Zur, laj Cis, laj Baal, laj Ner, laj Nadab,

³⁷ laj Gedor, laj Ahío, laj Zacarías ut laj Miclot.

³⁸ Laj Miclot, aꞌan lix yucuaꞌ laj Simeam. Chixjunileb queꞌcuan ajcuiꞌ aran Jerusalén rochbeneb li ras ut li ri̱tzꞌin.

³⁹ Laj Ner, aꞌan lix yucuaꞌ laj Cis. Laj Cis, aꞌan lix yucuaꞌ laj Saúl. Ut laj Saúl, aꞌan lix yucuaꞌ laj Jonatán, laj Malquisúa, laj Abinadab ut laj Es-baal.

⁴⁰ Li ralal laj Jonatán, aꞌan laj Merib-baal. Laj Merib-baal, aꞌan lix yucuaꞌ laj Micaía.

⁴¹ Eb li ralal laj Micaía, aꞌaneb aꞌin: laj Pitón, laj Melec, laj Tarea ut laj Acaz.

⁴² Laj Acaz, aꞌan lix yucuaꞌ laj Jara. Laj Jara, aꞌan lix yucuaꞌ laj Alemet, laj Azmavet ut laj Zimri. Ut laj Zimri, aꞌan lix yucuaꞌ laj Mosa.

⁴³ Laj Mosa, aꞌan lix yucuaꞌ laj Bina. Li ralal laj Bina, aꞌan li Refaías. Ut li ralal laj Refaías, aꞌan laj Elasa. Li ralal laj Elasa, aꞌan laj Azel.

⁴⁴ Cuakib li ralal laj Azel. Aꞌaneb aꞌin: laj Azricam, laj Bocru, laj Ismael, laj Searías, laj Obadías ut laj Hanán. Aꞌaneb aꞌin li ralal laj Azel.