1 Crónicas 7 - Li Santil hu

¹ Ca̱hibeb li ralal laj Isacar. Aꞌaneb aꞌin: laj Tola, laj Fúa, laj Jasub ut laj Simrón.

² Eb li ralal laj Tola, aꞌaneb aꞌin: laj Uzi, laj Refaías, laj Jeriel, laj Jahmai, laj Jibsam ut laj Semuel. Eb aꞌan li queꞌtaklan saꞌ xbe̱neb li junju̱nk xte̱paleb li ralal xcꞌajol laj Tola. Eb aꞌan cha̱bil soldados. Ajlanbileb saꞌ eb li cutan nak laj David cuan chokꞌ rey. Cuib xcaꞌcꞌa̱l mil riqꞌuin cuakib ciento chi cui̱nk.

³ Li ralal laj Uzi, aꞌan laj Israhías. Ca̱hib li ralal laj Israhías. Aꞌaneb aꞌin: Laj Micael, laj Obadías, laj Joel ut laj Isías. Eb li o̱beb aꞌin queꞌtaklan saꞌ xbe̱neb li junju̱nk chꞌu̱tal chi tenamit.

⁴ Nabaleb li rixakileb ut nabaleb li ralal xcꞌajol. Joꞌcan nak cuaklaju xcaꞌcꞌa̱l mil chi soldado li cuanqueb saꞌ xya̱nkeb li ralal xcꞌajol.

⁵ Saꞌ xya̱nkeb chixjunileb li ralal xcꞌajol laj Isacar ajlanbileb cuukub roꞌcꞌa̱l mil (87) chi soldados.

⁶ Oxibeb li ralal laj Benjamín. Aꞌaneb aꞌin: laj Bela, laj Bequer ut laj Jediael.

⁷ O̱beb li ralal laj Bela. Aꞌaneb aꞌin: laj Ezbón, laj Uzi, laj Uziel, laj Jerimot, ut laj Iri. Li o̱b chi cui̱nk aꞌin queꞌtaklan saꞌ xbe̱neb li junju̱nk xte̱paleb li ralal xcꞌajol laj Bela. Cuib xcaꞌcꞌa̱l mil riqꞌuin ca̱laju xcaꞌcꞌa̱l (22,034) chi soldado cauheb rib chi pletic.

⁸ Bele̱b li ralal laj Bequer. Aꞌaneb aꞌin: laj Zemira, laj Joás, laj Eliezer, laj Elioenai, laj Omri, laj Jerimot, laj Abías, laj Anatot ut laj Alamet.

⁹ Eb aꞌan li queꞌtaklan saꞌ xbe̱neb li junju̱nk xte̱paleb li ralal laj Bequer. Junmay mil riqꞌuin cuib ciento (20,200) chi cui̱nk li cauheb rib chi pletic.

¹⁰ Li ralal laj Jediael, aꞌan laj Bilhán. Ut eb li ralal laj Bilhán, aꞌaneb aꞌin: laj Jeús, laj Benjamín, laj Aod, laj Quenaana, laj Zetán, laj Tarsis ut laj Ahisahar.

¹¹ Chixjunileb aꞌan queꞌtaklan saꞌ xbe̱neb li junju̱nk xte̱paleb li ralal xcꞌajol laj Jediael ut cauheb rib. Cuuklaju mil riqꞌuin cuib ciento chi cui̱nk (17,200) li queꞌco̱eb chi pletic.

¹² Eb li ralal laj Hir, aꞌaneb laj Supim ut laj Hupim. Ut li ralal laj Aher, aꞌan laj Husim.

¹³ Ca̱hibeb li ralal laj Neftalí. Aꞌaneb laj Jahzeel, laj Guni, laj Jezer ut laj Salum. (Aꞌaneb ralal xcꞌajol laj Bilha.)

¹⁴ Laj Manasés quicuan cuib li ralal riqꞌuin lix concubina aj Siria. Aꞌaneb laj Asriel ut laj Maquir. Laj Maquir, aꞌan lix yucuaꞌ laj Galaad.

¹⁵ Laj Maquir quisumla riqꞌuin jun li ixk rechꞌalal laj Hupim ut laj Supim. Li ranab laj Maquir, aꞌan lix Maaca xcꞌabaꞌ. Li xcab ralal laj Maquir cuan xrabin, abanan ma̱ jun li ralal.

¹⁶ Lix Maaca li rixakil laj Maquir quicuan cuib lix yum. Li xbe̱n, aꞌan laj Peres ut li xcab, aꞌan laj Seres. Eb li ralal laj Seres, aꞌaneb laj Ulam ut laj Requem.

¹⁷ Li ralal laj Ulam, aꞌan laj Bedán. Chixjunileb aꞌan ralal xcꞌajoleb laj Galaad, li ralal laj Maquir. Laj Maquir, aꞌan li ralal laj Manasés.

¹⁸ Lix Hamolequet, aꞌan lix ranab laj Galaad. Oxibeb lix yum lix Hamolequet. Aꞌaneb laj Isod, laj Abiezer ut laj Mahala.

¹⁹ Eb li ralal laj Semida, aꞌaneb laj Ahián, laj Siquem, laj Likhi ut laj Aniam.

²⁰ Aꞌaneb aꞌin li ralal xcꞌajol laj Efraín: li ralal, aꞌan laj Sutela; li ralal laj Sutela, aꞌan laj Bered; li ralal laj Bered, aꞌan laj Tahat; li ralal laj Tahat, aꞌan laj Elada; li ralal laj Elada, aꞌan laj Tahat jun chic;

²¹ li ralal laj Tahat, aꞌan laj Zabad; li ralal laj Zabad, aꞌan laj Sutela jun chic. Cuib chic li ralal laj Efraín. Aꞌaneb laj Ezer ut laj Elad. Laj Ezer ut laj Elad queꞌcamsi̱c nak yo̱queb chirelkꞌanquil lix queto̱mkeb li ralal xcꞌajol laj Gat li queꞌcuan saꞌ li naꞌajej aꞌan.

²² Laj Efraín quiya̱bac nabal li cutan xban xrahil xchꞌo̱l nak queꞌcamsi̱c laj Ezer ut laj Elad. Eb li rechꞌalal queꞌcuulac riqꞌuin chixcꞌojobanquil xchꞌo̱l.

²³ Chirix chic aꞌan laj Efraín quicuan riqꞌuin li rixakil ut li rixakil quicana chi yaj aj ixk. Laj Bería queꞌxqꞌue chokꞌ xcꞌabaꞌ li ralal aꞌan xban nak cꞌajoꞌ li chꞌaꞌajquilal saꞌ li rochoch.

²⁴ Lix rabin laj Efraín, aꞌan lix Seera. Lix Seera quixtiquib li cuib chi tenamit Bet-horón, li cuan takecꞌ ut li cuan takꞌa. Ut quixtiquib ajcuiꞌ li tenamit Uzen-seera.

²⁵ Eb li ralal xcꞌajol laj Bería, aꞌaneb aꞌin: li ralal, aꞌan laj Refa; li ralal laj Refa, aꞌan laj Resef; li ralal laj Resef, aꞌan laj Telah; li ralal laj Telah, aꞌan laj Tahán;

²⁶ li ralal laj Tahán, aꞌan laj Laadán; li ralal laj Laadán, aꞌan laj Amiud; li ralal laj Amiud, aꞌan laj Elisama;

²⁷ li ralal laj Elisama, aꞌan laj Nun; li ralal laj Nun, aꞌan laj Josué.

²⁸ Li naꞌajej li queꞌcuan cuiꞌ, aꞌan laj Bet-el rochben lix cocꞌ cꞌaleba̱l. Saꞌ li oriente xcuulac toj Naarán, saꞌ li oeste xcuulac toj Gezer rochbeneb lix cocꞌ cꞌaleba̱l. Queꞌcuan ajcuiꞌ Siquem rochben lix cocꞌ cꞌaleba̱l toj Gaza rochben lix cocꞌ cꞌaleba̱l.

²⁹ Eb li ralal xcꞌajol laj Manasés queꞌtaklan saꞌ xbe̱neb li tenamit Bet-seán rochben lix cocꞌ cꞌaleba̱l, Taanac rochben lix cocꞌ cꞌaleba̱l, Meguido rochben lix cocꞌ cꞌaleba̱l, ut Dor rochben lix cocꞌ cꞌaleba̱l. Saꞌ eb li naꞌajej aꞌin queꞌcuan eb li ralal xcꞌajol laj José li ralal laj Israel.

³⁰ Aꞌaneb aꞌin li ralal xcꞌajol laj Aser. Ca̱hib li ralal. Aꞌaneb laj Imna, laj Isúa, laj Isúi, ut laj Bería. Lix rabin, aꞌan lix Sera.

³¹ Eb li ralal laj Bería, aꞌaneb laj Heber ut laj Malquiel lix yucuaꞌ laj Birzavit.

³² Laj Heber, aꞌan lix yucuaꞌeb laj Jaflet, laj Somer, laj Hotam ut lix Súa.

³³ Eb li ralal laj Jaflet, aꞌaneb laj Pasac, laj Bimhal, ut laj Asvat. Aꞌaneb li ralal laj Jaflet.

³⁴ Eb li ralal laj Semer, aꞌaneb laj Ahí, laj Rohga, laj Jehúba, ut laj Aram.

³⁵ Eb li ralal laj Helem li ri̱tzꞌin laj Semer, aꞌaneb laj Zofa, laj Imna, laj Seles ut laj Amal.

³⁶ Eb li ralal xcꞌajol laj Zofa, aꞌaneb laj Súa, laj Harnefer, laj Súal, laj Beri, laj Imra,

³⁷ laj Beser, laj Hod, laj Sama, laj Silsa, laj Itrán ut laj Beera.

³⁸ Eb li ralal laj Jeter, aꞌaneb aꞌin: laj Jefone, laj Pispa ut laj Ara.

³⁹ Eb li ralal laj Ula, aꞌaneb aꞌin: laj Ara, laj Haniel ut laj Rezia.

⁴⁰ Chixjunileb aꞌin ralal xcꞌajoleb laj Aser. Eb aꞌan li queꞌtaklan saꞌ xbe̱neb li junju̱nk xte̱paleb li ralal xcꞌajol laj Aser. Aj cꞌamol beheb. Cauheb rib chi pletic. Cuakib xcaꞌcꞌa̱l mil chi cui̱nk li nequeꞌxic chi pletic.