1 Crónicas 4 - Li Santil hu

Eb li ralal xcꞌajol laj Judá

¹ Eb li ralal laj Judá, aꞌaneb aꞌin: laj Fares, laj Hezrón, laj Carmi, laj Hur ut laj Sobal.

² Laj Reaía li ralal laj Sobal, aꞌan lix yucuaꞌ laj Jahat. Laj Jahat, aꞌan lix yucuaꞌ laj Ahumai ut laj Lahad. Aꞌaneb lix xeꞌto̱nil yucuaꞌeb laj zoratitas.

³ Aꞌaneb aꞌin li ralal laj Etam: laj Jezreel, laj Isma ut laj Ibdas. Lix Haze-lelponi, aꞌan lix rabin laj Etam.

⁴ Laj Penuel, aꞌan lix yucuaꞌ laj Gedor. Ut laj Ezer, aꞌan lix yucuaꞌ laj Husa. Aꞌaneb li ralal laj Hur, li xbe̱n xyum lix Efrata. Laj Hur, aꞌan lix xeꞌto̱nil xyucuaꞌeb laj Belén.

⁵ Laj Asur li quitiquiban re li tenamit Tecoa quicuan cuib li rixakil, lix Hela ut lix Naara.

⁶ Laj Asur quicuan ca̱hib li ralal riqꞌuin lix Naara. Aꞌaneb aꞌin: laj Ahuzam, laj Hefer, laj Temeni ut laj Ahastari. Aꞌaneb lix yum lix Naara.

⁷ Aꞌaneb aꞌin li ralal laj Asur riqꞌuin lix Hela: laj Zeret, laj Jezoar ut laj Etnán.

⁸ Laj Cos, aꞌan lix yucuaꞌ laj Anub ut laj Zobeba. Aꞌan ajcuiꞌ lix xeꞌto̱nil yucuaꞌ li ralal xcꞌajol laj Aharhel li ralal laj Harum.

⁹ Laj Jabes, aꞌan jun li cui̱nk kꞌaxal cuiꞌchic naꞌno ru chiruheb li ras ri̱tzꞌin. Lix naꞌ quixqꞌue aj Jabes chokꞌ xcꞌabaꞌ xban nak cꞌajoꞌ li raylal quixcꞌul nak quiyoꞌla laj Jabes.

¹⁰ Laj Jabes quitijoc chiru li Ka̱cuaꞌ lix Dioseb laj Israel ut quixye: —At Ka̱cuaꞌ, china̱cuosobtesi. Ta̱qꞌue taxak cue nabal li chꞌochꞌ. Chatcua̱nk taxak cuiqꞌuin ut china̱col chiru li ma̱usilal li tixbok chak raylal saꞌ inbe̱n, chan. Ut li Ka̱cuaꞌ quirabi lix tij ut quixba̱nu joꞌ quixtzꞌa̱ma chiru.

¹¹ Laj Quelub li ras laj Súa, aꞌan lix yucuaꞌ laj Mehir. Ut laj Mehir, aꞌan lix yucuaꞌ laj Estón.

¹² Laj Estón, aꞌan lix yucuaꞌ laj Bet-rafa, laj Paseah, ut laj Tehina. Laj Tehina, aꞌan li quitiquiban re li tenamit Nahas. Aꞌaneb lix xeꞌto̱nil yucuaꞌeb li queꞌcuan aran Reca.

¹³ Eb li ralal laj Cenaz, aꞌaneb laj Otoniel ut laj Seraías. Eb li ralal laj Otoniel, aꞌaneb laj Hatat,

¹⁴ ut laj Meonotai. Laj Meonotai, aꞌan lix yucuaꞌ laj Ofra. Ut laj Seraías, aꞌan lix yucuaꞌ laj Joab. Ut laj Joab, aꞌan lix yucuaꞌeb li queꞌcuan saꞌ li ru takꞌa re Carisim xban nak eb aꞌan nequeꞌxnau cꞌanjelac chi us.

¹⁵ Eb li ralal laj Caleb li ralal laj Jefone, aꞌaneb laj Iru, laj Ela ut laj Naam. Li ralal laj Ela, aꞌan laj Cenaz.

¹⁶ Eb li ralal laj Jehalelel, aꞌaneb laj Zif, laj Zifa, laj Tirías ut laj Asareel.

^17-18 Ut eb li ralal laj Esdras, aꞌaneb aꞌin: laj Jeter, laj Mered, laj Efer ut laj Jalón. Laj Mered quisumla riqꞌuin lix Bitia, lix rabin laj faraón. Eb li ralal laj Mered li queꞌcuan riqꞌuin lix Bitia, aꞌaneb laj María, laj Samai ut laj Isba. Laj Isba, aꞌan lix yucuaꞌ laj Estemoa. Laj Mered quicuan ajcuiꞌ li ralal riqꞌuin jun li ixk aj Judá. Aꞌaneb aꞌin: laj Jered lix yucuaꞌ laj Gedor, laj Heber lix yucuaꞌ laj Soco ut laj Jecutiel lix yucuaꞌ laj Zanoa.

¹⁹ Eb li ralal laj Hodías li queꞌcuan riqꞌuin li ranab laj Naham, aꞌaneb lix yucuaꞌ laj Keila aj garmita ut laj Estemoa aj maacateo.

²⁰ Eb li ralal laj Simón, aꞌaneb laj Amnón, laj Rina, laj Ben-hanán ut laj Tilón. Eb li ralal laj Isi, aꞌaneb laj Zohet ut laj Benzohet.

²¹ Eb li ralal laj Sela li ralal laj Judá, aꞌaneb aꞌin: laj Er lix yucuaꞌ laj Leca, laj Laada lix yucuaꞌ laj Maresa ut li ralal xcꞌajol li nequeꞌcꞌanjelac riqꞌuin li tꞌicr lino aran Bet-asbea,

²² ut laj Joacim, ut eb li queꞌcuan saꞌ li tenamit Cozeba, laj Joás, ut laj Saraf. Laj Joás ut laj Saraf queꞌtaklan saꞌ xbe̱neb laj Moab, ut queꞌsukꞌi Lehem joꞌ nequeꞌxye laj tzꞌi̱b li queꞌcuan najter.

²³ Eb aꞌan aj pacꞌonel ut queꞌcuan saꞌ eb li tenamit Netaim ut Gedera. Queꞌcꞌanjelac chiru li rey.

²⁴ Eb li ralal xcꞌajol laj Simeón, aꞌaneb laj Nemuel, laj Jamín, laj Jarib, laj Zera, ut laj Saúl.

²⁵ Li ralal laj Saúl, aꞌan laj Salum. Li ralal laj Salum, aꞌan laj Mibsam. Li ralal laj Mibsam, aꞌan laj Misma.

²⁶ Li ralal laj Misma, aꞌan laj Hamuel. Li ralal laj Hamuel, aꞌan laj Zacur. Ut li ralal laj Zacur, aꞌan laj Simei.

²⁷ Cuaklaju li ralal laj Simei ut cuakib lix rabin. Abanan moco qꞌuiheb ta li ralal xcꞌajol li ras ut li ri̱tzꞌin laj Simei. Incꞌaꞌ queꞌtam li ralal xcꞌajol laj Simeón joꞌ nak queꞌtam li ralal xcꞌajol laj Judá.

²⁸ Eb li ralal xcꞌajol laj Simeón queꞌcuan saꞌ eb li tenamit Beerseba, Molada, Hazar-sual,

²⁹ Bilha, Ezem, Tolad,

³⁰ Betuel, Horma, Siclag,

³¹ Bet-marcabot, Hazar-susim, Bet-birai ut Saaraim. Aꞌan eb lix tenamiteb toj nak qui-oc laj David chokꞌ rey.

³² Queꞌcuan ajcuiꞌ saꞌ li o̱b chi cocꞌ cꞌaleba̱l aꞌin: Etam, Aín, Rimón, Toquén ut Asán.

³³ Queꞌcuan ajcuiꞌ saꞌ eb li cocꞌ cꞌaleba̱l li queꞌcuan chi xjun sutam eb li tenamit aꞌin toj saꞌ li naꞌajej Baal. Aꞌaneb li naꞌajej li queꞌcuan cuiꞌ ut aꞌin li retalil eb li ralal xcꞌajol.

³⁴ Aꞌaneb aꞌin li queꞌtaklan saꞌ xbe̱neb li junju̱nk xte̱paleb chi tenamit: Laj Mesobab; laj Jamlec; laj Josías li ralal laj Amasías;

³⁵ laj Joel; laj Jehú; li ralal laj Josibías (laj Josibías, aꞌan li ralal laj Seraías ut laj Seraías, aꞌan li ralal laj Asiel);

³⁶ laj Elioenai; laj Jaacoba; laj Jesohaía; laj Asaías; laj Adiel; laj Jesimiel; laj Benaía;

³⁷ laj Ziza li ralal laj Sifi (laj Sifi, aꞌan li ralal laj Alón; ut laj Alón, aꞌan li ralal laj Jedaías; ut laj Jedaías, aꞌan li ralal laj Simri; ut laj Simri, aꞌan li ralal laj Semaías.)

³⁸ Aꞌaneb aꞌin lix cꞌabaꞌeb li queꞌcꞌamoc be saꞌ xya̱nkeb li junju̱nk chꞌu̱tal li rechꞌalaleb rib. Eb li ralal xcꞌajol li junju̱nk cabal yo̱queb chi ta̱mc chi nabal.

³⁹ Xban nak nabaleb, incꞌaꞌ chic quitzꞌakloc lix naꞌajeb. Joꞌcan nak queꞌco̱eb toj saꞌ li oqueba̱l re Gedor li cuan saꞌ li este saꞌ li ru takꞌa. Yo̱queb chixsicꞌbal junak naꞌajej bar teꞌxtau cuiꞌ nabal xcuaheb lix queto̱mk.

⁴⁰ Queꞌxtau nabal li cha̱bil chꞌochꞌ ut li cha̱bil pim. Nim li naꞌajej. Ma̱cꞌaꞌ nachꞌiꞌchꞌiꞌin reheb xban nak eb li ralal xcꞌajol laj Cam, aꞌaneb li queꞌcuan aran junxil.

⁴¹ Aꞌin quicꞌulman saꞌ eb li cutan nak laj Ezequías cuan chokꞌ xreyeb laj Judá. Eb li tzꞌi̱banbil xcꞌabaꞌ queꞌco̱eb Gedor ut quilajeꞌxpoꞌ lix muheba̱leb ut li rochocheb li cuanqueb aran re nak eb aꞌan chic teꞌcua̱nk aran. Ut chalen anakcuan cuanqueb aran ut cha̱bil li naꞌajej cuanqueb cuiꞌ lix queto̱mk.

⁴² O̱b ciento chic li ralal xcꞌajol laj Simeón queꞌco̱eb saꞌ li tzu̱l Seir. Eb li yo̱queb chi cꞌamoc be chiruheb, aꞌaneb laj Pelatías, laj Nearías, laj Refaías ut laj Uziel. Aꞌaneb li ralal laj Isi.

⁴³ Aran saꞌ li tzu̱l Seir quilajeꞌxcamsiheb laj Amalec ut chalen anakcuan eb li ralal xcꞌajol laj Simeón cuanqueb saꞌ li naꞌajej aꞌan.