1 Crónicas 2 - Li Santil hu

Eb li ralal laj Israel (Jacob)

¹ Aꞌaneb aꞌin li ralal laj Israel: laj Rubén, laj Simeón, laj Leví, laj Judá, laj Isacar, laj Zabulón,

² laj Dan, laj José, laj Benjamín, laj Neftalí, laj Gad ut laj Aser.

Eb li ralal laj Judá

³ Aꞌaneb aꞌin li ralal laj Judá: laj Er, laj Onán ut laj Sela. Lix naꞌ li oxibeb aꞌin, aꞌan lix rabin laj Súa, laj cananea. Laj Er, li xbe̱n ralal laj Judá, aꞌan quixba̱nu li ma̱usilal chiru li Ka̱cuaꞌ Dios ut xban aꞌan li Dios quixcamsi.

⁴ Ut lix Tamar li ralib laj Judá, aꞌan lix naꞌ laj Fares ut laj Zera. O̱beb chixjunileb li ralal laj Judá.

⁵ Eb li ralal laj Fares, aꞌaneb laj Hezrón ut laj Hamul.

⁶ Ut eb li ralal laj Zera, aꞌaneb aꞌin: laj Zimri, laj Etán, laj Hemán, laj Calcol ut laj Dara. O̱beb chixjunileb.

⁷ Li ralal laj Carmi, aꞌan laj Acán, li quixbok raylal saꞌ xbe̱neb laj Israel xban nak quixxoc chokꞌ re li re li Dios.

⁸ Laj Azarías, aꞌan li ralal laj Etán.

⁹ Eb li ralal laj Hezrón, aꞌaneb laj Jerameel, laj Ram ut laj Quelubai.

¹⁰ Laj Ram, aꞌan lix yucuaꞌ laj Aminadab. Ut laj Aminadab aꞌan lix yucuaꞌ laj Naasón, li nim xcuanquil saꞌ xya̱nkeb li ralal laj Judá.

¹¹ Laj Naasón, aꞌan lix yucuaꞌ laj Salmón. Ut laj Salmón, aꞌan lix yucuaꞌ laj Booz.

¹² Laj Booz, aꞌan lix yucuaꞌ laj Obed. Ut laj Obed, aꞌan lix yucuaꞌ laj Isaí.

Eb li ralal xcꞌajol laj Isaí

¹³ Li xbe̱n ralal laj Isaí, aꞌan laj Eliab. Ut li xcab, aꞌan laj Abinadab. Li rox, aꞌan laj Simea.

¹⁴ Lix ca̱, aꞌan laj Natanael. Li roꞌ, aꞌan laj Radai.

¹⁵ Li xcuak, aꞌan laj Ozem. Li xcuuk, aꞌan laj David.

¹⁶ Lix Sarvia ut lix Abigail, aꞌaneb li ranab li cuukub chi ralal laj Isaí. Eb lix yum lix Sarvia, aꞌaneb laj Abisai, laj Joab ut laj Asael. Oxibeb lix yum lix Sarvia.

¹⁷ Lix Abigail aꞌan lix naꞌ laj Amasa. Laj Jeter laj ismaelita, aꞌan lix yucuaꞌ.

Eb li ralal xcꞌajol laj Caleb

¹⁸ Laj Caleb li ralal laj Hezrón, aꞌan lix yucuaꞌ laj Jeriot. Lix Azuba, aꞌan lix naꞌ. Ut laj Jeser, laj Sobab ut laj Ardón, aꞌaneb ajcuiꞌ li ralal.

¹⁹ Nak lix Azuba quicam, laj Caleb quixcꞌam lix Efrata ut quicuan jun chic li ralal riqꞌuin. Aj Hur queꞌxqꞌue chokꞌ xcꞌabaꞌ.

²⁰ Laj Hur, aꞌan lix yucuaꞌ laj Uri. Ut laj Uri, aꞌan lix yucuaꞌ laj Bezaleel.

Eb li ralal xcꞌajol laj Hezrón, lix yucuaꞌ laj Caleb, li queꞌcuan riqꞌuin lix rabin laj Maquir

²¹ Oxcꞌa̱l (60) chihab cuan re laj Hezrón nak quisumla riqꞌuin lix rabin laj Maquir lix yucuaꞌ laj Galaad. Laj Hezrón quicuan jun li ralal riqꞌuin lix rabin laj Maquir. Aj Segub xcꞌabaꞌ li ralal.

²² Laj Segub, aꞌan lix yucuaꞌ laj Jair, li quitaklan saꞌ xbe̱neb oxib xcaꞌcꞌa̱l (23) chi tenamit aran Galaad.

²³ Abanan laj Gesur ut laj Aram quixchap chokꞌ reheb li roxcꞌa̱l (60) chi xtenamit laj Jair. Quixchap li tenamit Kenat rochben lix cocꞌ cꞌaleba̱l. Chixjunileb aꞌin, aꞌaneb li ralal xcꞌajol laj Maquir, lix yucuaꞌ laj Galaad.

²⁴ Laj Hezrón quicam aran Caleb li cuan saꞌ xcue̱nt Efrata. Chirix lix camic laj Hezrón, quiyoꞌla jun li ralal riqꞌuin lix Abías li rixakil. Aj Asur xcꞌabaꞌ li ralal. Laj Asur, aꞌan li quitiquiban re li tenamit Tecoa.

²⁵ Eb li ralal laj Jerameel li xbe̱n ralal laj Hezrón, aꞌaneb aꞌin: laj Ram li xbe̱n ralal, laj Buna, laj Orén, laj Ozem ut laj Ahías.

²⁶ Quicuan jun chic li rixakil laj Jerameel, xAtara xcꞌabaꞌ. Lix Atara, aꞌan lix naꞌ laj Onam.

²⁷ Eb li ralal laj Ram, li xbe̱n ralal laj Jerameel, aꞌaneb aꞌin: laj Maaz, laj Jamín ut laj Equer.

²⁸ Eb li ralal laj Onam, aꞌaneb laj Samai ut laj Jada. Eb li ralal laj Samai, aꞌaneb laj Nadab ut laj Abisur.

²⁹ Li rixakil laj Abisur, aꞌan lix Abihail, lix naꞌ laj Ahbán ut laj Molid.

³⁰ Eb li ralal laj Nadab, aꞌaneb laj Seled ut laj Apaim. Laj Seled quicam chi ma̱ jun lix cocꞌal.

³¹ Laj Isi, aꞌan li ralal laj Apaim. Laj Sesán, aꞌan li ralal laj Isi. Ut laj Ahlai, aꞌan li ralal laj Sesán.

³² Eb li ralal laj Jada li ri̱tzꞌin laj Samai, aꞌaneb laj Jeter ut laj Jonatán. Laj Jeter quicam chi ma̱cꞌaꞌ xcocꞌal.

³³ Eb li ralal laj Jonatán, aꞌaneb laj Pelet ut laj Zaza. Chixjunileb aꞌan, aꞌaneb li ralal xcꞌajol laj Jerameel.

Eb li ralal xcꞌajol laj Sesán

³⁴ Laj Sesán ma̱cꞌaꞌ ralal. Cuan ban xrabin. Laj Sesán quicuan jun lix mo̱s aj Egipto. Laj Jarha xcꞌabaꞌ.

³⁵ Laj Sesán quixqꞌue lix rabin chokꞌ rixakil laj Jarha ut quicuan jun li ralal aj Atai xcꞌabaꞌ.

³⁶ Laj Atai, aꞌan lix yucuaꞌ laj Natán. Ut laj Natán, aꞌan lix yucuaꞌ laj Zabad.

³⁷ Laj Zabad, aꞌan lix yucuaꞌ laj Eflal. Laj Eflal, aꞌan lix yucuaꞌ laj Obed.

³⁸ Laj Obed, aꞌan lix yucuaꞌ laj Jehú. Laj Jehú, aꞌan lix yucuaꞌ laj Azarías.

³⁹ Laj Azarías, aꞌan lix yucuaꞌ laj Heles. Laj Heles, aꞌan lix yucuaꞌ laj Elasa.

⁴⁰ Laj Elasa, aꞌan lix yucuaꞌ laj Sismai. Laj Sismai, aꞌan lix yucuaꞌ laj Salum.

⁴¹ Laj Salum, aꞌan lix yucuaꞌ laj Jecamías. Laj Jecamías, aꞌan lix yucuaꞌ laj Elisama.

⁴² Eb li ralal laj Caleb li ri̱tzꞌin laj Jerameel, aꞌaneb aꞌin: Li xbe̱n ralal, aꞌan laj Mesa lix yucuaꞌ laj Zif; li xcab ralal, aꞌan laj Maresa, lix yucuaꞌ laj Hebrón.

⁴³ Eb li ralal laj Hebrón, aꞌaneb aꞌin: laj Coré, laj Tapúa, laj Requem, ut laj Sema.

⁴⁴ Laj Sema, aꞌan lix yucuaꞌ laj Raham. Laj Raham, aꞌan lix yucuaꞌ laj Jorcoam. Ut laj Requem, aꞌan lix yucuaꞌ laj Samai.

⁴⁵ Laj Maón, aꞌan li ralal laj Samai ut laj Maón, aꞌan ajcuiꞌ lix yucuaꞌ laj Bet-sur.

⁴⁶ Lix Efa, li quicuan chokꞌ xconcubina laj Caleb, quicuan oxib lix yum. Aꞌaneb laj Harán, laj Mosa, ut laj Gazez. Laj Harán, aꞌan lix yucuaꞌ laj Gazez jun chic.

⁴⁷ Eb li ralal laj Jahdai, aꞌaneb aꞌin: laj Regem, laj Jotam, laj Gesam, laj Pelet, laj Efa ut laj Saaf.

⁴⁸ Lix Maaca, li quicuan chokꞌ xconcubina laj Caleb, quicuan cuib lix yum. Aꞌaneb laj Seber ut laj Tirhana.

⁴⁹ Lix Maaca, aꞌan ajcuiꞌ lix naꞌ laj Saaf lix yucuaꞌ laj Madmana, ut xnaꞌ ajcuiꞌ laj Seva lix yucuaꞌ laj Macbena ut laj Gibea. Lix Acsa, aꞌan lix rabin laj Caleb.

⁵⁰ Aꞌaneb aꞌin li ralal xcꞌajol laj Caleb. Laj Hur, aꞌan li xbe̱n li ralal laj Caleb li quicuan riqꞌuin lix Efrata. Eb li ralal laj Hur, aꞌaneb laj Sobal, laj Salma ut laj Haref. Laj Sobal, aꞌan li quitiquiban re li tenamit Quiriat-jearim.

⁵¹ Laj Salma, aꞌan li quitiquiban re li tenamit Belén. Ut laj Haref, aꞌan li quitiquiban re li tenamit Bet-gader.

⁵² Laj Sobal li quitiquiban re li tenamit Quiriat-jearim, aꞌan lix xeꞌto̱nil yucuaꞌ eb laj Haroe ut yi jach eb laj manahetitas.

⁵³ Laj Sobal, aꞌan ajcuiꞌ lix xeꞌto̱nil yucuaꞌeb li queꞌcuan Quiriat-jearim. Aꞌaneb laj itritas, eb laj futitas, eb laj sumatitas, ut eb laj misraítas. Eb laj misraítas, aꞌaneb lix xeꞌto̱nil yucuaꞌ eb laj zoratitas ut eb laj estaolitas.

⁵⁴ Laj Salma, aꞌan lix xeꞌto̱nil yucuaꞌeb laj Belén, eb laj netofatitas, eb laj Atrot-bet-joab ut yi jacheb laj manahetitas ut eb laj zoraítas.

⁵⁵ Laj Salma, aꞌan ajcuiꞌ lix xeꞌto̱nil yucuaꞌ eb laj tzꞌi̱b li queꞌcuan aran Jabes. Aꞌaneb laj tirateo, eb laj simeateo ut eb laj sucateo. Aꞌaneb laj quenitas li ralal xcꞌajol laj Hamat lix yucuaꞌ laj Bet-recab.