1 Crónicas 1 - Li Santil hu

Aꞌaneb aꞌin li ralal xcꞌajol laj Adán

¹ Laj Adán, aꞌan lix yucuaꞌ laj Set; ut laj Set, aꞌan lix yucuaꞌ laj Enós;

² laj Enós, aꞌan lix yucuaꞌ laj Cainán; ut laj Cainán, aꞌan lix yucuaꞌ laj Mahalaleel; laj Mahalaleel, aꞌan lix yucuaꞌ laj Jared.

³ Laj Jared, aꞌan lix yucuaꞌ laj Enoc; ut laj Enoc, aꞌan lix yucuaꞌ laj Matusalén; ut laj Matusalén, aꞌan lix yucuaꞌ laj Lamec.

⁴ Laj Lamec, aꞌan lix yucuaꞌ laj Noé. Eb li ralal laj Noé, aꞌaneb laj Sem, laj Cam ut laj Jafet.

Eb li ralal xcꞌajol laj Noé

⁵ Eb li ralal laj Jafet, aꞌaneb aꞌin: laj Gomer, laj Magog, laj Madai, laj Javán, laj Tubal, laj Mesec ut laj Tiras.

⁶ Eb li ralal laj Gomer, aꞌaneb aꞌin: laj Askenaz, laj Rifat, ut laj Togarma.

⁷ Eb li ralal laj Javán, aꞌaneb aꞌin: laj Elisa, laj Tarsis, laj Quitim ut laj Dodanim.

⁸ Eb li ralal laj Cam, aꞌaneb aꞌin: Laj Cus, laj Mizraim, Laj Fut, ut laj Canaán.

⁹ Eb li ralal laj Cus, aꞌaneb aꞌin: laj Seba, laj Havila, laj Sabta, laj Raama ut laj Sabteca. Eb li ralal laj Raama, aꞌaneb laj Seba ut laj Dedán.

¹⁰ Laj Cus, aꞌan lix yucuaꞌ laj Nimrod li quiniman xcuanquil saꞌ li naꞌajej aꞌan.

¹¹ Laj Mizraim, aꞌan lix xeꞌto̱nil yucuaꞌeb laj Ludim, eb laj Anamim, eb laj Lehabim, eb laj Naftuhim,

¹² eb laj Patrusim ut eb laj Casluhim. Laj Patrusim ut laj Casluhim, aꞌaneb lix xeꞌto̱nil yucuaꞌeb laj filisteo ut laj caftoreo.

¹³ Laj Canaán, aꞌan lix yucuaꞌ laj Sidón li asbej ut laj Het.

¹⁴ Laj Canaán, aꞌan lix xeꞌto̱nil yucuaꞌeb laj jebuseo, eb laj amorreo, eb laj gergeseo,

¹⁵ eb laj heveo, eb laj araceo, eb laj sineo,

¹⁶ eb laj arvadeo, eb laj zemareo ut eb laj hamateo.

Eb li ralal xcꞌajol laj Sem

¹⁷ Eb li ralal laj Sem, aꞌaneb aꞌin: laj Elam, laj Asur, laj Arfaxad, laj Lud ut laj Aram. Ut eb li ralal laj Aram, aꞌaneb aꞌin: laj Us, laj Hul, laj Geter ut laj Mesec.

¹⁸ Laj Arfaxad, aꞌan lix yucuaꞌ laj Sela. Laj Sela, aꞌan lix yucuaꞌ laj Heber.

¹⁹ Cuib li ralal laj Heber. Li xbe̱n ralal, aꞌan laj Peleg xcꞌabaꞌ xban nak saꞌ eb li cutan aꞌan queꞌjequi̱c chixjunileb li cuanqueb saꞌ ruchichꞌochꞌ. Li jun chic, aꞌan aj Joctán xcꞌabaꞌ.

²⁰ Laj Joctán, aꞌan lix yucuaꞌeb laj Almodad, laj Selef, laj Hazar-mavet ut laj Jera.

²¹ Ut aꞌan ajcuiꞌ lix yucuaꞌ laj Adoram, laj Uzal, laj Dicla,

²² laj Ebal, laj Abimael, laj Seba,

²³ laj Ofir, laj Havila ut laj Jobab. Chixjunileb aꞌan ralaleb laj Joctán.

²⁴ Laj Sem, aꞌan lix yucuaꞌ laj Arfaxad. Laj Arfaxad, aꞌan lix yucuaꞌ laj Sela,

²⁵ ut laj Sela, aꞌan lix yucuaꞌ laj Heber; laj Heber, aꞌan lix yucuaꞌ laj Peleg; ut laj Peleg, aꞌan lix yucuaꞌ laj Reu.

²⁶ Laj Reu, aꞌan lix yucuaꞌ laj Serug; laj Serug, aꞌan lix yucuaꞌ laj Nacor; ut laj Nacor, aꞌan lix yucuaꞌ laj Taré.

²⁷ Ut laj Taré, aꞌan lix yucuaꞌ laj Abram, li nequeꞌxye ajcuiꞌ Abraham re.

²⁸ Eb li ralal laj Abraham, aꞌaneb laj Isaac ut laj Ismael.

Eb li ralal xcꞌajol laj Ismael ut lix Cetura

²⁹ Aꞌaneb aꞌin li ralal xcꞌajol laj Ismael: laj Nebaiot, li xbe̱n ralal; laj Cedar, laj Abdeel, laj Mibsam,

³⁰ laj Misma, laj Duma, laj Massa, laj Hadad, laj Tema,

³¹ laj Jetur, laj Nafis ut laj Cedema. Aꞌaneb li ralal laj Ismael.

³² Aꞌaneb aꞌin lix yum lix Cetura, li quicuan riqꞌuin laj Abraham: laj Zimram, laj Jocsán, laj Medán, laj Madián, laj Isbac ut laj Súa. Eb li ralal laj Jocsán, aꞌaneb laj Seba ut laj Dedán.

³³ Eb li ralal laj Madián, aꞌaneb aꞌin: laj Efa, laj Efer, laj Hanoc, laj Abida ut laj Elda. Chixjunileb aꞌan li ralal xcꞌajol lix Cetura.

³⁴ Laj Abraham, aꞌan lix yucuaꞌ laj Isaac. Ut laj Isaac, aꞌan lix yucuaꞌeb laj Esaú ut laj Israel, li nequeꞌxye ajcuiꞌ aj Jacob re.

Eb li ralal xcꞌajol laj Esaú

³⁵ Eb li ralal xcꞌajol laj Esaú, aꞌaneb aꞌin: laj Elifaz, laj Reuel, laj Jeús, laj Jaalam ut laj Coré.

³⁶ Eb li ralal laj Elifaz, aꞌaneb aꞌin: laj Temán, laj Omar, laj Zefo, laj Gatam, laj Cenaz, ut laj Amalec, li quicuan riqꞌuin lix Timna.

³⁷ Eb li ralal laj Reuel, aꞌaneb aꞌin: laj Nahat, laj Zera, laj Sama ut laj Miza.

³⁸ Eb li ralal laj Seir, aꞌaneb aꞌin: laj Lotán, laj Sobal, laj Zibeón, laj Aná, laj Disón, laj Ezer ut laj Disán.

³⁹ Eb li ralal laj Lotán, aꞌaneb aꞌin: laj Hori ut laj Homam. Lix Timna, aꞌan li ranab laj Lotán.

⁴⁰ Eb li ralal laj Sobal, aꞌaneb aꞌin: laj Alván, laj Manahat, laj Ebal, laj Sefo ut laj Onam. Eb li ralal laj Zibeón, aꞌaneb laj Aja ut laj Aná.

⁴¹ Laj Disón, aꞌan li ralal laj Aná. Ut eb li ralal laj Disón, aꞌaneb laj Amram, laj Esbán, laj Itrán ut laj Querán.

⁴² Eb li ralal laj Ezer, aꞌaneb laj Bilhán, laj Zaaván, ut laj Jaacán. Eb li ralal laj Disán, aꞌaneb laj Uz ut laj Arán.

⁴³ Aꞌaneb aꞌin li rey li queꞌcuan saꞌ li naꞌajej Edom nak toj ma̱jiꞌ queꞌcuan lix reyeb li ralal xcꞌajol laj Israel. Li xbe̱n, aꞌan laj Bela li ralal laj Beor, Dinaba xtenamit.

⁴⁴ Nak quicam laj Bela, laj Jobab li ralal laj Zera qui-oc chokꞌ rey chokꞌ re̱kaj. Bosra xtenamit.

⁴⁵ Nak quicam laj Jobab, laj Husam qui-oc chokꞌ rey chokꞌ re̱kaj. Lix tenamit, aꞌan xtenamiteb laj temanita.

⁴⁶ Nak quicam laj Husam, laj Hadad li ralal laj Bedad qui-oc chokꞌ rey chokꞌ re̱kaj. Laj Hadad, aꞌan li quinumta saꞌ xbe̱neb laj Madián saꞌ li naꞌajej Moab. Avit xcꞌabaꞌ lix tenamit.

⁴⁷ Nak quicam laj Hadad, laj Samla qui-oc chokꞌ rey chokꞌ re̱kaj. Masreca xtenamit.

⁴⁸ Nak laj Samla quicam, laj Saúl qui-oc chokꞌ rey chokꞌ re̱kaj. Rehobot xtenamit, li cuan chire li nimaꞌ Éufrates.

⁴⁹ Nak quicam laj Saúl, laj Baal-hanán li ralal laj Acbor qui-oc chokꞌ rey chokꞌ re̱kaj.

⁵⁰ Nak quicam laj Baal-hanán, laj Hadad qui-oc chokꞌ rey chokꞌ re̱kaj. Pai xcꞌabaꞌ lix tenamit. Ut li rixakil, aꞌan lix Mehetabel, lix coꞌ lix Matred. Ut lix Matred, aꞌan lix rabin laj Mezaab.

⁵¹ Nak quicam laj Hadad, eb li queꞌtaklan saꞌ xbe̱neb li tenamit Edom, aꞌaneb aꞌin: laj Timna, laj Alva, laj Jetet,

⁵² laj Aholibama, laj Ela, laj Pinón,

⁵³ laj Cenaz, laj Temán, laj Mibzar,

⁵⁴ laj Magdiel ut laj Iram. Aꞌaneb li queꞌtaklan aran Edom.