Yaburi 70 - ALLALA KUMƐ

Madiyali-Kɛ-Koe Dɛnbɛnɛ Wara-Koe Rɔ

¹ E, Mari, i latiriya n dɛnbɛna. I ni n nakisi.

² Minnu bi n faga-koe rɔ, alamɛ wonu kuruta n ma ka miliya. Minnu sewanɛ nna tɔrɔyɛla ko la, alamɛ wonu ya anu kan-kɔ sɔ miliyɛ bolo.

³ Minnu bi n mayɛlɛnna, alamɛ wonu sɛgira yarabiyi bolo.

⁴ Minnu bi anu gbɛrɛnna ile Mari ma, alamɛ wonu nyagalenta ka sewa. Minnu bi baraka birala ile Alla ye ita kisi-koela ko la, alamɛ wonu tora a fɔla ko, “Alla makawara!”

⁵ E, Alla, bolo-kolɔn le n na. N sɛnbɛ sa. E, Alla, na n dɛnbɛ tiriya! E, Mari, nna kisilɛ le ile la. I yandi, i latiriya n dɛnbɛna.