Isikiyɛli 41 - ALLALA KUMƐ

^1-2 Wo kɔma, ko-rayirɛ wo rɔ, kei wo tara n na Bato-Bɔn bon-bɛ konko-wɛ la, Sɛnima-Tinɛ, kɔni. A ya nyɔ-don-dɛ wo suman, a kɔnɛ, nunkan-nya tan, a da-gbengbela-birɛ, nunkan-nya wɔrɔ-wɔrɔ, ka bɔ a don-dɛ da-gbengbe wo ma, ka ta dandan doi ma nunkan-nya loli le a fan filɛ la. A ya Sɛnima-Tinɛ nyɛrɛ fanan suman. A lɔngbɔn bɛnta nunkan-nya bi-nani ma, a kɔnɛ bɛnta nunkan-nya mogan ma.

³ Wo kɔma, a tara bon-burɔ-konko wo la. A ya wo don-dɛ suman, a kɔnɛ, nunkan-nya wɔrɔ, a da-gbengbe nunkan-nya fila-fila. Ka bɔ a don-dɛ da-gbengbe wo ma, ka ta dandan doi ma nunkan-nya wɔrɔnfila a fan filɛ ma.

⁴ A ya bon-burɔ-konko wo suman, a kɔnɛ anubɛ a lɔngbɔn, nunkan-nya mogan-mogan. Bon-burɔ-konko kɛ ye konko-wɛ kɔma. Wo kɔma, a ya a fɔ n ye ko, “Sɛnima-Sɛnima-Tinɛ le yan na.”

Bato-Bon-Konko-Nɛnu Bara-Koe

⁵ Kei wo ya Bato-Bon-dandan burɔtɛ da-gbengbe suman. A kɔmɛ bɛnta nunkan-nya wɔrɔ ma. Bato-Bɔn wo lafoonɛ konko-nɛnu na. Wonu kɔnɛ, nunkan-nya nani-nani.

⁶ Konko-ni bi-sawa le ye a kɔrɔ, konko-ni bi-sawa ye anu kuma, konko-ni bi-sawa ye wonu fanan kuma. Konko-nɛ kɔrɔtɛ dandan-da-gbengbe kolo a tɛmatɛ-da-gbengbe ko. A tɛmatɛ-da-gbengbe kolo a kumatɛ ko. Anu siginɛ anu nyɔgɔn kuma wo nya na alako konko-nɛ wonu kundulasɛnu kana don Bato-Bɔn nyɛrɛ burɔ.

⁷ Ni mɔgɔ ya Bato-Bon-dandan mafɛlɛn a kɔma, a manɛ iko a bɛɛ da-gbengbe rakɛnyanɛ de yɛlɛla. Konko wonu luyi waralɛ, anu ya yɛlɛda fila ladan nyɔ alako mɔgɛ si yɛlɛ san-bɔn kɛ la nya min.

^8-11 Bato-Bon-konko-nɛ dandan min bi luyi wara la, wo da-gbengbe, nunkan-nya loli. Da-wa kelen pe le kantɔ-konko-nɛ kɛnu ma. Da-wa kelen fanan bi dugula konko-nɛ kɛnu ma. Bato-Bɔn kuru-kɛ-tinɛ ya Bato-Bɔn lafoo tala, wo kɔnɛ, nunkan-nya loli. Ka a bi dugi ma ka ke kuru-kɛ-tinɛ, wola yanyɛ bɛnta nunkan-nya wɔrɔnfila ma. Ka a bi kuru-kɛ-tinɛ wo ma ka ke saraka-masɔlɛnuna konko-nɛnu ma Bato-Bɔn yarɔ, nunkan-nya mogan de anu tɛma gbɛkole wo rɔ.

Tele-Yigi-Bɔn Wara-Koe

¹² Bato-Bɔn kɔma tele-yigi wara la, bɔn do sɔnɛ nyɔ, a lɔngbɔn, nunkan-nya bi-kɔnɔntɔ. A kɔnɛ, nunkan-nya bi-wɔrɔnfila. Bɔn wo dandan-da-gbengbe, nunkan-nya loli.

Bato-Bɔn Mumɛ Suman-Koe

¹³ Kei wo ya Bato-Bon-kɔmɛ wo suman. A lɔngbɔn bɛnta nunkan-nya kɛmɛ ma. Ka a bi Bato-Bɔn ma ka ke tele-yigi warala bɔn wo kɔmɛ ma, wonu tɛma bɛnta nunkan-nya kɛmɛ ma.

¹⁴ Bato-Bɔn wo luyi kɔnɛ bɛnta nunkan-nya kɛmɛ fanan ma tele-bɔɛ wara la Bato-Bɔn yarɔ ma.

¹⁵ Bɔn min bi tele-yigi wara la, a ya wo lɔngbɔn suman anubɛ a tɔnkɔn filɛ tisilinu. Wonu yatɛ bɛnta nunkan-nya kɛmɛ ma. Bato-Bɔn wo don-da-wɛ anubɛ Sɛnima-Tinɛ wo, anubɛ Sɛnima-Sɛnima-Tinɛ wo,

Bato-Bon-Burɛ Wara-Koe

¹⁶ fɛran sanɛ dandan ma ha ka ke wundannu-sigi-rakɛn ma. Wundan wonu masansannɛ fɛrannu na, ado fɛran sanɛ dandan ma wundan kuma ha ka ke bon-kundi ma.

¹⁷ Mɔlɔnɛnu nadannɛ tala fɛran wonu ma bɔn burɔ ha ka ke don-dɛnu kuma.

¹⁸ Tɛɛn-kuri anubɛ melikala muninyɛnu nadannɛ mɔlɔnɛ kɛnu tɔ. Melikala muninyɛ ladannɛ tɛɛn fila-filɛ tɛma tala anu nyɔgɔn na wo nya le ha ka bɔn burɛ lafoo. Yakɔrɔ filɛ le ye melika kɛ bolo.

¹⁹ Hadama-den yakɔrɛla muninyɛ ye tɛɛn-kuri wara la. Yara yakɔrɛla muninyɛ ye tɛɛn-kuri doi fanan bara la. Dandan-burɛ lafoonɛ wo nya na le pit

²⁰ ka a bi a bon-kole ma ha ka ke a don-dɛ kuma.

²¹ Sɛnima-Tinɛ wo don-dɛ da-gbengbe anubɛ a da-lasɛ rakɛn de! Sɛnima-Sɛnima-Tinɛ wo don-dɛ yarɔ, tebulu do ye nyɔ min manɛ iko

Saraka-Mintan-Tinɛla Muninyɛ Wara-Koe

²² saraka-mintan-tinɛ. A ladannɛ kɔlɔma la. Wola yanyɛ, nunkan-nya sawa. A kɔnɛ anubɛ a lɔngbɔn, nunkan-nya fila-fila. A kɔrɛ wo, a tɔnkɔnnu wo, anubɛ a tonko nanɛ wo, wo bɛɛ ladanta fɛran le la. Kei wo ya a fɔ n ye ko, “Tebulu le kɛ la min sɔnɛ Mari yakɔrɔ.”

Bato-Bon-Kankannu Bara Koe

²³ Kankan do ye Sɛnima-Tinɛ don-dɛ ma. Do fanan bi Sɛnima-Sɛnima-Tinɛ don-dɛ ma.

²⁴ Kankan fila-fila le ye don-dɛ wonu ma. Anu na si ka iko sɔpu dɛ.

²⁵ Tɛɛn-kuri anubɛ melikala muninyɛnu nadannɛ kankan kɛnu ma iko bon-burɔtɛ ye nya min. Dandan-kɔrɛ wo don-dɛ, fɛran dunnɛ wo fanan kuma.

²⁶ Wundannu bi don-dɛ konko wonu ma, ado tɛɛn-kurila muninyɛ ladannɛ nyɔ-dandannu ma.