Kati Nai 34 - Khumi Common Language Bible

Kanan pri i khujyhchi

¹ Areng my Mosi teng y,

² Israela chengchi i vui leu pei naichi ly: “Nangchi ly kaimy pei nai Kanan pri y tym u nai khala, nangchi peang ai nai khujyh ly hina nai jyh pi ai nai tla.

³ Tokalawi mang khujyh ly Zin daichi ka-vym dengdairei Edom pri khujyh jeung khrairei ne. Huni khujyh ly pangli kadei tokalawi kachawn nisi mang dengdairei amteaung ai nai tla.

⁴ Hu i nai bo baly tokalawi mang y ami iy, Akrabim mawi aleaung mang y chei nai Zin daichi ka-vym tako leu nai tokalawi mang Kadesa Barnea mang py, naibaly nidym tosyh taki Hazar Addar mang py, hu i nai Azamon mang py,

⁵ naibaly hu i nai ami iy Aikupta pri khujyh i leaunghawi mang py chei iy, Mrethe pangli kachawn y patem ai nai tla.

⁶ “Nidym mang khujyh ly Mrethe pangli peang ne.

⁷ “Tosyh mang khujyh ly Mrethe pangli peang dengdairei, Hora mawi mang py,

⁸ Hu i dengdairei Hamath mawi aleaung mang py kan prei iy, hu i bi baly Zedad mang py,

⁹ Zedad hawi Ziphron kan prei nai bo y, Hazar Enan y patem ai nai tla.

¹⁰ “Nisi mang khujyh ly Hazar Enan dengdairei Sepham mang py,

¹¹ hu i bo baly tokalawi mang Ain nisi ngan Harbel mang py, naibaly Kalili ang peang nisi mang i mawi aheungchi ai kan prei chum baly,

¹² tokalawi mang Jordan tavo jeungrei ne iy, pangli kadei y patem ai nai tla. “Nangchi i pri khujyh palyhreichi ly hunai kamta awm ai nai ne,” napi.

¹³ Hunai deaungkho y Mosi my Israela chengchi teng y, “Hini khu ka-peang ly Areng my nangchi theaung takawrei hawi theaung ka-hyhreichi teng y phy pi nai khu ka-peang ne i, nangchi ly tambe va iy aphy u ai nai tla.

¹⁴ Ruben theaung, Kad theaung hawi nisi ngan mang i Manase theaung ka-hyhreichi ly

¹⁵ Jordan tavo nisi mang Jeriko mary kangka khu ka-peang ai, mychi i nupai ka-lyp phy paji pi yb bo,” napi.

Khaileaung phy paji pi nai luchi

¹⁶ Areng my Mosi teng y,

¹⁷ “Pathyp pi nai keung Eleaza hawi Nun i chapo Josua nini ly khumi mipuichi i vui khaileaung phy paji pi ai nai tla.

¹⁸ Huni bo y theaung harei i lu leaung leaungrei vawi iy, nini ai sabawm hai ai nai tla,” napi.

^19-28 Hinichi ly Areng my vawi takhra nai khumichi ne: Theaung Lu sa naichi Juda Jephonneh i chapo Kaleb Simeon Ammihu i chapo Selumiel Benjamin Khislon i chapo Elidad Dan Jokili i chapo Bukki Manase Ephod i chapo Hanniela Ephraim Siphatan i chapo Kemuela Zebulun Parnach i chapo Elizaphan Isakar Azan i chapo Palatiela Aser Selomi i chapo Ahihud Naphtali Ammihu i chapo Pedahel

Theaung Lu sa naichi

²⁹ Hini khumichi ly Israela chengchi teng y Kanan pri phy paji pi ai nai Areng my khai nai khumichi ne.