Zakaariyaasi 10 - Kafa Linguistics Project

Doono Yeeri Bi Asheenaꞌoyich Gibenikkiti Gibeno

¹ Naawee amiyon ittoshich bi immemmoyich Doono Yeerin qollebote; amichechi quboon immiibeeto Doono Yeerine. Biyoo ashich bede amiyon, bi ikkikkoyichoo budeexi bechoon immemmone.

² Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

³ Doono Yeeri ishichiye: “Ta kaaro qiddeenaꞌo toommooch aaxxetone; boonoshin sheeremmo taane. Beshe Mawe Doono Yeeri ta, ta bago tuneti Yihudee asheenaꞌon aaxxii ciinnaabeeto taane. Boonoshinoo koyoochaa nagixiibeeti ta hareshoommon tuniyemmo taane.

⁴ Yihudee asheenaꞌo daggoochee kexon tuuggii neechiibeeti giimbee guummo, duukkaanee xogoo, ginee koyee maꞌoonaa taateenaꞌo bullina kechemminaꞌone.

⁵ Boonoshiyoo ikkotteree ginee naayochoommon, boonoshi etteenaꞌon gommeexi dengoochoommon kotemminaꞌone. Doono Yeeri ta, boonoshina tookkaa ta tunetoyich koyeree, hareshechinaꞌonolla koyi wochemminaꞌone.

⁶ “Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

⁷ Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

⁸ Boonoshin shennoona ceegiree, kicemmo taane; boonoshin biishemmo taane; ebiyee aafichoommon, meettemminaꞌone.

⁹ Aageteenaꞌo daggooch boonoshin ta shaccetaanona wohi showooch beechi taan shalligemminaꞌone. Boonoshi bushiisheenaꞌona tookki kashoona beeree, boonoshi showooch wottemminaꞌone.

¹⁰ Gibitsee boonoshin wochi deebemmo taane; Asooree showoocheenoo boonoshin kicemmo taane. Gilaadee showoonaa Libanoosee showoonooch boonoshin deebemmo taane; showoo boonoshich bedaachemmone.

¹¹ Iritee baharee daggoona beshemminaꞌone; aachi aayon yexxemmo taane. Abbaayi gejjo bulliyoo shuuqqemmone; Asooreenaꞌo geecoo shootemmone; Gibitsee showee taatittinee gumbo dihemmone.

¹² Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.