Yoonaasi 2 - Kafa Linguistics Project

Yoonaasi Corootiti Corooto

¹ Yoonaasi haashee maacooch beechii, bi Nuggishoo Doono Yeer waan corootiye.

² Biyoo ishichiye: “Doono Yeero, xuuxee toommooch beechaa, neen ceeggehoye; newoo waayehine. Qititinaꞌo kiceeꞌi beeti hoonooch beechaa, cookiyoye; newoo ta cookoon waayehine.

³ Baharee aachi dechi duchooch taan duppehine. Aaco ta guudoona guuddiye; ne deejjiti, giidechi aachi aayo ta toommona beshehe.

⁴ Tawoo ‘Ne aafoochee yoohaa aalleto taane; tunebaani yaafoo tuneti ne yaafee kexon, wochinnoon beeggemmo taane’ iyoye.

⁵ Aaco taan kachaa kashoon mucciihe; baharee aaco ta guudoona guuddiye; baharee daggeexi mocoo ta qellooch caaceehe.

⁶ Guudinaꞌochi dechi duchooch, bi kello bulli yemeenoon hicheti showooch kindiyoye. Ta Nuggishoo Doono Yeero! Ne, ta kasheen oppoochee kichihine.

⁷ “Doono Yeero, ta kashe kech beddaachee neen gabiyoye; ta qolloo ne waan, yaafoo tuneti, damba ne yaafee kexooch kechiye.

⁸ “Gaacaalli shahalleenaꞌoyich goyinnee beetinaꞌo, neech gibeneeto tunoon qajjitinaꞌone.

⁹ Tunebaani ta, neen shoddoona galletebee, neech deejjoon giddiyemmo taane; neech ta mookketi mookkoonoo ceechemmo taane. Wodoo waabeeto, Doono Yeeri ne waaneeniye” iye.

¹⁰ Aroochee Doono Yeeri haashoyich getaa, Yoonaasin shuuꞌi showooch aapphiye.