Yaasi 21 - Kafa Linguistics Project

Leweenaꞌoyich Icheti Katemeenaꞌo

¹ Lewi yoodee yaree ukkireenaꞌo qeeshoo Elazaar waan, Nuuni bushoo Yaasinaa Israꞌeelee yoodee yaree ukkireenaꞌona waan giddeheete.

² Kanaanee showooch beeti Shiloohaa boonoshi waan giddeꞌi, “Doono Yeeri no beeyemmi katemeenaꞌonaa boonoshi guudoona beeti miinji gaddoona nooch ichemmoyich, Muusina gettitone” iyeete.

³ Ebich Doono Yeeri gettitoommon, Israꞌeeleenaꞌo boonoshich icheti katemeenaꞌoochee ebi katemeenaꞌonaa boonoshi guudoona beeti miinji gaddoonon Leweenaꞌoyich immiyeete.

⁴ Batti batti ixoo Leweenaꞌoochee, Qohaatichi yareenaꞌoyich kechiye. Qeeshoo Haroonichi shiijjereenaꞌoyich Yihudi, Simooninaa Biiniyaaminochi yoodeenaꞌo showoochee, aaraa keejje katemeenaꞌo ixoona icheheete.

⁵ Wotta echeti Qohaatichi shiijjereenaꞌoyich, Efreeminaa Daaninochi yoodeenaꞌo showoochee, Minaasi yoodoochee qatinaꞌo showoocheenoo aashire katemeenaꞌo ixoona icheheete.

⁶ Gerishoonichi shiijjereenaꞌoyich, Yisakoori, Aseerinaa Nifitaalinochi yoodeenaꞌo showoochee, Bashaanee showooch beeti, Minaasi yoodoochee qatinaꞌo showoocheenoo aaraa keejje katemeenaꞌo ixoona icheheete.

⁷ Meraarichi shiijjereenaꞌoyich, boonoshi yari yaroona Roobeeli, Gaadinaa Zebulooninochi yoodeenaꞌo showoochee aaraa gutte katemeenaꞌo icheheete.

⁸ Ebina Doono Yeeri Muusina bi gettitoommon, Israꞌeeleenaꞌo ebi katemeenaꞌonaa boonoshi guudoona beeti miinji gaddoonon Leweenaꞌoyich ixoona immiyeete.

^9-10 Batti batti ixoo boonoshich bi kechitoyich, Lewi yoodoochee shiijjeti, Qohaati yareenaꞌo tuneti, Haroonichi shiijjereenaꞌoyich Yihudinaa Simooninochi yoodeenaꞌo showoochee icheti katemeenaꞌo eboshine:

¹¹ Geppechi Yihudee showooch beeti, Kebirooni getteeti Qiriyaat Aribinaa bi guudoona beeti miinji gaddoonane. Aribi Anaaqichi qaabbechi nihoone.

¹² Tunebaani katemee guudoona beeti goyee budonaa gafeenaꞌona Yefuuni bushoo Kaaleebich bi iristoon tuniitaa, shiichiꞌi ichetone.

¹³ Ebiyoommon qeeshoo Haroonichi shiijjereenaꞌoyich, shoobi katemoo tuneti Kebirooni toommooch daakkaa, boonoshi guudoona beeti miinji gaddoona tookkii icheti katemeenaꞌo: Libini,

¹⁴ Yatiiri, Eshiteemi,

¹⁵ Holooni, Debiiri,

¹⁶ Ayini, Yuxaahinaa Beet Shemeeshinane. Ebi yiixiye katemeenaꞌo Yihudinaa Simooninochi yoodeenaꞌo showoochee ichetinaꞌone.

^17-18 Biiniyaami yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Gibeꞌooni, Geebi, Anaatootinaa Almooninane.

¹⁹ Qeeshoo Haroonichi yareenaꞌoyich, boonoshi guudoona beeti miinji gaddoona tookkii icheti katemeenaꞌo bulli aaraa keeminaꞌone.

^20-22 Echeti Lewi bushoo Qohaatichi yareenaꞌoyich wotta, Efreemi yoodoochi showoochee, boonoshi guudoona beeti miinji gaddoona tookkii ixoona icheti awudde katemeenaꞌo: Geppechi Efreemee showooch beeti, shoobi katemoo tuneti Shekeemi, Gezeeri, Kibizayiminaa Beet Horooninane.

^23-24 Ebiyoommon Daani yoodeenaꞌo showoochee, boonoshi guudoona beeti miinji gaddoona tookkii icheti awudde katemeenaꞌo: Eliteqeehi, Gibetooni, Ayalooninaa Gaat Rimooninane.

²⁵ Minaasi yoodoochee qatinaꞌo showoochee, boonoshi guudoona beeti miinji gaddoona tookkii icheti gutte katemeenaꞌo: Tanaakinaa Gaat Rimooninane.

²⁶ Ebi echeti Qohaatichi yareenaꞌoyich, boonoshi guudoona beeti miinji gaddoona tookkii icheti katemeenaꞌo bulli aashireenaꞌone.

²⁷ Gerishoonichi yareenaꞌo tuneti Lewi yoodee bare yareenaꞌoyich, Minaasi yoodoochee qatinaꞌo showoochee, boonoshi guudoona beeti miinji gaddoona tookkii icheti gutte katemeenaꞌo: Shoobi katemoo tuneti, Bashaanee showooch beeti Golaaninaa Beshiteerinane.

^28-29 Yisakoori yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Kishiyooni, Daberaati, Yarimuutinaa En Ganiiminane.

^30-31 Aseeri yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Mishaali, Abidooni, Helikaatinaa Rehoobinane.

³² Nifitaali yoodoochi showoochee, boonoshi guudoona beeti miinji gaddoona tookkii icheti keejje katemeenaꞌo, Galiilee showooch beeti, shoobi katemoo tuneti, Qedeeshi, wotta Hamoot Doorinaa Karitaaninane.

³³ Ebi Gerishooni yareenaꞌoyich, boonoshi guudoona beeti miinji gaddoona tookkii icheti katemeenaꞌo bulli aaraa keeminaꞌone.

³⁴ Leweenaꞌo tuneti, echeti Meraarichi yareenaꞌoyich, Zebulooni yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Yoqiniyami, Karitaahi,

³⁵ Diminaahinaa Nahalaalinane.

³⁶ Roobeeli yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Bezeeri, Yahaatsi,

³⁷ Qedemootinaa Mefaatinane.

³⁸ Gaadi yoodoochi showoochee, boonoshi guudoona beeti miinji gaddoona tookkii icheti awudde katemeenaꞌo: Gilaadee showooch beeti, shoobi katemoo tuneti Ramooti, Mahanayimi,

³⁹ Heshiboninaa Yazeerinane.

⁴⁰ Ebi, Leweenaꞌo tuneti echeti Meraarichi yareenaꞌoyich icheti katemeenaꞌo bulli aaraa gutteenaꞌone.

⁴¹ Illa Israꞌeeleenaꞌo hajjiti katemeenaꞌoochee, boonoshi guudoona beeti miinji gaddoona tookkii, Leweenaꞌoyich icheti katemeenaꞌo bulla aabbaa shimitteenaꞌone.

⁴² Ebi katemeenaꞌo boonoshi ikkikkoona boonoshi guudoona miinji gaddechinaꞌone; miinji gaddaalli katemoo aalloone.

Showoon Israꞌeeleenaꞌo Woraashoo

⁴³ Ebina Doono Yeeri qaabbechi boonoshi niheenaꞌoyich imma bi wogeti showoo bullin Israꞌeeleenaꞌoyich immiye; boonoshiyoo ebi showoon hajjiꞌi, boonoshi beeyi xaaꞌoon tuniiheete.

⁴⁴ Doono Yeeri qaabbechi boonoshi niheenaꞌoyich bi wogetoommon, boonoshi guudoona beeti asheenaꞌo kishoochee boonoshin kashiihe. Doono Yeeri boonoshi etteenaꞌon boonoshi kishooch beshiiꞌi bi immitoyich, boonoshi etteenaꞌo daggoochee ikkolla boonoshin kochii wochoon hakkaanoone.

⁴⁵ Doono Yeeri Israꞌeeleenaꞌoyich bi gibenikkiti gaawe mooyoochee ikkolla echeto aalloone; bulliyona ceennitone.