Yaasi 19 - Kafa Linguistics Project

Simooni Yoodoyich Ixoona Shaggiti Showoo

¹ Guttinnee ixoo Simooni yoodoyich boonoshi yari yaroona kechiye. Boonoshich shaggiti showoo Yihudi yoodee showee gutte daggoochiye.

^2-6 Boonoshich icheti aaraa keejje katemeenaꞌo: Beershaabi, Sheebi, Molaadi, Hatsaar Shuwaali, Baali, Eseemi, Elitolaadi, Beetuuli, Horimi, Tsiqilaagi, Beet Markabooti, Hatsaar Susaahi, Beet Lebaꞌootinaa Sharuheeninane. Ebi katemeenaꞌo bullichi guudoona gafeenaꞌo beetinaꞌone.

⁷ Awudde katemeenaꞌo: Ayini, Rimooni, Eteerinaa Ashaaninane; ebi katemeenaꞌo bullichi guudoona gafeenaꞌo beetinaꞌone.

⁸ Wotta Baalaat Beeri getteeti katemoo, ebiyoo Negeebi daggooch beeti Raami katemooch beddaahaa beeti, ebi are katemeenaꞌochi guudoona beeti gafeenaꞌo bullina tookkiiniye. Illa boonoshi yari yaroona qoodaa boonoshich icheti Simooni yoodoochi showoo ebine.

⁹ Yihudi yoodoyich icheti showoo boonoshich oogeti gamino bi tunetoyich, aroochee qoodaa Simooni yoodoyich ichehe. Ebina Simooni yoodo Yihudi yoodee iristee daggoochee iristoon deqqiye.

Zebulooni Yoodoyich Ixoona Shaggiti Showoo

¹⁰ Keejjinnee ixoo Zebulooni yoodoyich boonoshi yari yaroona kechiye. Boonoshi showee daaro Sariid beddaahaa hammitone.

¹¹ Aroochee aabi-gimo waan hammii Mareeli katemoon beshehe. Dabesheeti shaggii, Yoqiniyami katemoochaa aabi-keyo waan beeti aacooch shaggiye.

¹² Sariidaa aabi-keyo waan guuddii, Kisiloot Taaboori danooch beddii, Daberaat hammii, aroona Yafiy shaggiye.

¹³ Aroochee aabi-keyo waan hammii, Gaat Hefeeri katemoonaa Etiqatsin kimmii beetone; aroochee wotta Rimooni katemooch beddii, Neehi katemoo waan guuddii beetone.

¹⁴ Dambi-waanaa Hanaatooni katemoo waan guuddii Yifitaheeli bambooch neexehe.

¹⁵ Are showee daggooch Qaxaati, Nahalaali, Shimirooni, Idalaahinaa Beetilehemina beetinaꞌone. Bulli aaraa gutte katemeenaꞌone; ebi katemeenaꞌo bullichi guudoona gafeenaꞌo beetinaꞌone.

¹⁶ Illa Zebulooni yoodo boonoshi yari yaroona, ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.

Yisakoori Yoodoyich Ixoona Shaggiti Showoo

^17-22 Awuddinnee ixoo Yisakoori yoodoyich boonoshi yari yaroona kechiye. Boonoshi showee daggooch beeti katemeenaꞌo: Yezireeli, Kesulooti, Shuneemi, Hafaraayimi, Shiyooni, Anaharaati, Raabiiti, Kishiyooni, Ebeetsi, Remeeti, En Ganiimi, En Hadaahinaa Beet Fazeezinane. Boonoshi showee dano wotta Taaboori katemooch, Shahazimi katemoonaa Beet Shemeeshi katemoonooch shaggiichii, Yoordaanoos neexehe. Ebi showooch aaraa shiritte katemeenaꞌo, boonoshi guudoonoo gafeenaꞌo beetinaꞌone.

²³ Illa Yisakoori yoodo boonoshi yari yaroona, ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.

Aseeri Yoodoyich Ixoona Shaggiti Showoo

²⁴ Uuchinnee ixoo Aseeri yoodoyich boonoshi yari yaroona kechiye.

^25-30 Boonoshi showee daggooch beeti katemeenaꞌo, Helikaati, Haali, Beteeni, Akishaafi, Alaam Meleeki, Amaadinaa Mishaalinane. Boonoshi showee dano aabi-gimo waanaa Qermeloosinaa Shihoor Libinaatinooch shaggii beetone. Aroochee aabi-keyo waan Beet Daagoon guuddii, Zebulooninaa Yifitaheeli bamboonon yechiꞌi, dambi-waan beeti Beet Emeeqinaa Neyilinooch shaggii beetone. Aroochee dambi-waan beeti Kaabul, Ebiroon, Rehoob, Hamoon, Qaaninaa ooge Sidooninooch beddii beetone. Ebi dano Raami katemooch guuddii, xaqqoona uxereeti Xiroosi katemooch shaggiye. Aroochee Hoosi katemooch guuddii, Meditiraanee baharooch shaggii neexehe. Mahalaabi, Akiziibi, Umaahi, Afeeqinaa Rehoobina getteebeeti katemeenaꞌon daakkii beetone. Ebi showooch hiyaa gutte katemeenaꞌo, boonoshi guudoonoo gafeenaꞌo beetinaꞌone.

³¹ Illa Aseeri yoodo boonoshi yari yaroona ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.

Nifitaali Yoodoyich Ixoona Shaggiti Showoo

³² Shirittinnee ixoo Nifitaali yoodoyich boonoshi yari yaroona kechiye.

³³ Boonoshi showee dano Heleefee, Tsananim beeti ooge mixooch, Adaam Nekeeb, Yabineelinaa Lakuuminooch shaggiꞌi, Yoordaanoos neexehe.

³⁴ Deshi-waani Nifitaalichi showee daaro, Yoordaanoosee tiijjiꞌi, aabi-gimo waan, Taaboori guudi gaꞌooch beeti Azinooti katemooch shaggiye. Aroochee aabi-keyo waanee Zebulooni yoodoochi showee danoon yechii, dambi-waan guuddiꞌi, Huqooqi katemooch shaggiye. Aroochee wotta Zebulooni yoodoochi dambi-waani dano bullin yechii aabi-gimo waan hammiye. Aseeri yoodoochi dano wotta boonoshi showee aabi-gimo waanee danoone; aabi-keyo waanee dano Yoordaanoosine.

³⁵ Xaqqoona uxereeti katemeenaꞌo eboshine: Tsidiimi, Tseeri, Hamaati, Rakaati, Kinerooti,

³⁶ Adamaahi, Raami, Hatsoori,

³⁷ Qedeeshi, Edireyi, En Hatsoori,

³⁸ Yirooni, Migidaleeli, Horeemi, Beet Anaatinaa Beet Shemeeshinane. Katemeenaꞌo bulli aaraa yiixiyeenaꞌone; ebi katemeenaꞌo bullichi guudoona gafeenaꞌo beetinaꞌone.

³⁹ Illa Nifitaali yoodo boonoshi yari yaroona ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.

Daani Yoodoyich Ixoona Shaggiti Showoo

⁴⁰ Shabaattinnee ixoo Daani yoodoyich boonoshi yari yaroona kechiye.

⁴¹ Boonoshich icheti showee daggooch beeti katemeenaꞌo: Tsoriꞌi, Eshitaꞌooli, Iir Shemeeshi,

⁴² Shalabini, Ayalooni, Itilaahi,

⁴³ Elooni, Timinaahi, Eqirooni,

⁴⁴ Eliteqeehi, Gibetooni, Baalaati,

⁴⁵ Yehuudi, Beneberaqi, Gaat Rimooni,

⁴⁶ Mejarikooninaa Rakooninane; wotta Yoopphi katemee guudooch beeti showoonoo geddiꞌiniye.

⁴⁷ Tunebaani ebiyee gubb Daani yoodo boonoshi showoon boonoshi bokketoyich, Lesheemi katemooch kechiꞌi, arooch beeti asheenaꞌon goraadoona wuxii aalliichii, ebi katemoon hajjiyeete; aroochoo koteheete. Ebi showee shigoon shaddii boonoshi qaabbechi nihoochi shigoona Daani iyeete.

⁴⁸ Illa Daani yoodo boonoshi yari yaroona ebi katemeenaꞌonaa boonoshi guudoona beeti gafeenaꞌonon geddiꞌi, boonoshi woraashiti showoo ebine.

Yaasich Icheti Showoo

⁴⁹ Israꞌeeleenaꞌo boonoshi qoodi qoodee showoon boonoshi deqqitoyee gubb, Nuuni bushoo Yaasich boonoshi daggooch bi hajjoo tuneti showoon immiyeete.

⁵⁰ Doono Yeeri boonoshich bi gettitoommon, geppechi Efreemi showooch beeti, bi echeti Timinaat Seeri katemoon biich immiyeete. Yaasiyoo ebi katemoon wochinnoon haggiye; bi beeyi xaaꞌoonoo tuniihe.

⁵¹ Ebina qeeshoo Elazaari, Nuuni bushoo Yaasinaa Israꞌeelee yoodeexi yaree ukkireenaꞌona Shiloohaa, danee duukkaanee kelloochaa, Doono Yeeri aafoochaa, ixoon duppiꞌi Israꞌeeleenaꞌoyich boonoshi qoodi qoodee showoon immiyeete. Showoon ebiyoommi gommona qoodii ciichiyeete.