Yaasi 16 - Kafa Linguistics Project

Efreeminaa Minaasinochi Yoodeenaꞌoyich Icheti Showoo

¹ Yooseefi shiijjereenaꞌoyich ixoona shaggiti, deshi-waan beeti showee daaro Yoordaanoosi aacoochee, Yoordaanoosi aachi gaꞌooch beeti Yaariki aachi xuupheenaꞌoochaa aabi-keyo waanee tiijjiꞌi, Yaariki gaꞌoona besheꞌi, barahoon kuxxii, geppe showooch beeti Beeteeli shaggii beetone.

² Beeteelee tiyiꞌi, Luuza shaggii, Arikeenaꞌo showooch beeti Axarooti katemooch beddii beetone.

³ Aroochee aabi-gimo waanaa dugilla Yafileteenaꞌo showoo beeti, Deshi Beet Horoonee showooch beddiꞌi, Gezeeri katemooch shaggii, Meditiraanee baharooch neexehe.

⁴ Ebina Yooseefichi shiijjereenaꞌo, Efreemi yoodoonaa Minaasi yoodoona boonoshi qoodee showoon woraashiyeete.

⁵ Efreemee asheenaꞌo boonoshi yari yaroona boonoshich icheti showoo ebine: Boonoshi showee daaro aabi-keyo waanaa Axaroot Adaari katemoochee tiijjiꞌi, Dambee Beet Horoonee showooch shaggii,

⁶ Meditiraanee baharooch beddii beetone. Dambi-waanaa Mikimetaati katemoo beetone. Showee daaro aabi-keyo waanaa Tanaat Shiloohi katemooch guuddii, aabi-keyo waan beshee, Yanoohi katemooch beddii beetone.

⁷ Yanoohee tiyiꞌi, dugilla beeti Axarooti katemoonaa Naari katemoonooch shaggii, Yaarikin besheꞌi, Yoordaanoos neexehe.

⁸ Bi daaro andoo Taphuuhi katemoochee aabi-gimo waan beeti Qaani aacooch shaggiꞌi, Meditiraanee baharooch neexehe. Illa Efreemee asheenaꞌo boonoshi yari yaroona qoodeeti showoo ebine.

⁹ Wotta Minaasi yoodoochi showee daggooch, Efreemi yoodoyich qoodeeti katemeenaꞌonaa boonoshi guudoona beeti gafeenaꞌona beetinaꞌone.

¹⁰ Tunebaani Efreemi yoodo Gezeer beeti Kanaaneenaꞌon yookkii kichaanoone. Ebich hanaach beddaahaa Kanaaneenaꞌo Efreemi yoodoochi daggooch beetinaꞌone. Ebi Kanaanee asheenaꞌo guunon tuneꞌi boonoshich maddee beetinaꞌone.