Yaasi 12 - Kafa Linguistics Project

Israꞌeeleenaꞌo Kochii Wochiti Taateenaꞌo

¹ Israꞌeeleenaꞌo shiichii kochii wochiꞌi boonoshi yechiti, Yoordaanoosi aachee beqach aabi-keyo waan beeti showoon, ebiyoo Arinooni bamboochee Hermooni guudooch beddaahaa, Yoordaanoosi bamboyee beqach beeti showoo bullin hajjiti gutte taateenaꞌo eboshine:

² Heshibon beechii qeejjiti, Amooreenaꞌo taatoo Sihooni, Arinooni bambee gocooch beeti Aroꞌeeri katemoonaa bambee daggoochee tiijjiꞌi, Amooneenaꞌochi daaro tuneti Yaabooqi aacooch beddaahaa beeti showoonon hajjitone; ebiyoo Gilaadee showee qatone.

³ Ebiyoommon Kinerootee baharoochee tiijjiꞌi, aabi-keyo waan beeti Kiikki baharee gaꞌooch beeti, Beet Yeshimooti katemoonaa aroochee deshi-waan beeti, Fisigi guudi baatoonooch beddaahaa beeti Yoordaanoosi bamboo bullin hajjitone.

⁴ Wotta bi beeyi xaaꞌoon Ashitarooti katemoonaa Edireyi katemoonooch tuniiti, Refayeenaꞌoochee curo tuneꞌi echeti asheenaꞌo daggoochee ikkoo, Bashaanee taatoo Oogi,

⁵ Hermooni guudonaa Saleeki katemoonon, Geshuureenaꞌo showee danoonaa Maꞌakeenaꞌo showee danoonooch beddaahaa beeti Bashaanee showoo bullin, ebiyoommon Heshiboni taatoo Sihoonichi showee danooch beddaahaa beeti Gilaadee showee qaton hajjitone.

⁶ Doono Yeeri guuno Muusinaa Israꞌeeleenaꞌona ebi gutte taateenaꞌon kochii wochiyeete. Doono Yeeri guuno Muusi boonoshi showoon qoodii, Roobeelinaa Gaadinochi yoodeenaꞌonaa Minaasi yoodoochee qatinaꞌonoyich maaccitone.

⁷ Yaasinaa Israꞌeeleenaꞌona kochii wochiti taateenaꞌo, Yoordaanoosi aacoochaa aabi-gimo waan, Libanoosi bambee daggooch beeti Baꞌaal Gaadee tiijjiꞌi, Seyiree showee gaꞌooch beeti Halaaqi guudooch beddaahaa beeti showoo bullin hajjiti taateenaꞌone. Yaasiyoo ebi taateenaꞌo showoon qoodii, Israꞌeeleenaꞌoyich boonoshi yoodi yoodoona maaccitone.

⁸ Boonoshich bi maacciti showoo, Hiteenaꞌocho, Amooreenaꞌocho, Kanaaneenaꞌocho, Ferizeenaꞌocho, Hiweenaꞌochonaa Yebuseenaꞌochona tuneti showoo, ebiyoo geppe showoo, worebe showoo, Yoordaanoosi bambeexi showoo, sharebe showoonaa Negeebi baraheexi showoonone.

⁹ Ebi are taateenaꞌo eboshine: Yaariki taatoo, Beeteeli gaꞌooch beeti Aayi taatoo,

¹⁰ Yerusaalemi taatoo, Kebirooni taatoo,

¹¹ Yarimuuti taatoo, Lakishi taatoo,

¹² Egilooni taatoo, Gezeeri taatoo,

¹³ Debiiri taatoo, Gedeeri taatoo,

¹⁴ Horimi taatoo, Araadi taatoo,

¹⁵ Libini taatoo, Adulaami taatoo,

¹⁶ Maqidi taatoo, Beeteeli taatoo,

¹⁷ Taphuuhi taatoo, Hefeeri taatoo,

¹⁸ Afeeqi taatoo, Lasharooni taatoo,

¹⁹ Madooni taatoo, Hatsoori taatoo,

²⁰ Shimiroon Merooni taatoo, Akishaafi taatoo,

²¹ Tanaaki taatoo, Megidi taatoo,

²² Qedeeshi taatoo, Qermeloosi guudooch beeti Yoqiniyami taatoo,

²³ baharee gashooch beeti Doori taatoo, Galigal beeti Goyimi taatoonaa

²⁴ Tiritsi taatoonane. Eboshi bulli shaashaa ikke taateenaꞌone.