Solomooni 8 - Kafa Linguistics Project

¹ Abo taach, ta indee xanon xammiti, ta hajjee manoon tuneshoo geta! Maaxoochaa neen danaa ta shumaa, koniyoona taan hoxeyaacheshone.

² Neen yaabiree ta indee kexooch, taan xifaa shiyetichi shahooch, daammeshi taane; shaawi uyoon, ta romaane aafoochee hiicheton, neech ucheshi taane.

³ Bi yooche kishoon taach qoyiyeshone; bi qanne kishoonoo taan tiqqeshone.

⁴ Yerusaalemi gidiideenaꞌote, bi qelloona qaawii bi tiyimmi wottoon, shunoon ittoshi shuurikki tiijjaachemmoyich ittoshin callehoye.

Shirittinnee Shoddo Nuucheenaꞌo

⁵ Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Gidiide Bushee

⁶ Maatemoochoommon ne mullooch, ne mochoochoo taan kotiibe. Shunoo qitoommi kuppho bi tunetoyich, bi qanaatoo maashoommi maacmanjoo bi tunetoyich, qaaqqee aaxxoommon, giidechi conjoommonoo aaxxee beetone.

⁷ Wodde aaco ebi shunee qaaqqoon takkoon, ambamboo hidii daamon, hakkaache; asho shunoon kemoyich, bi gaanno bullin bi imigaata, ciroona hoxeehe.

Gidiide Busheechi Maneenaꞌo

⁸ Batt gibiyoo kichaani giisheche manee nooch beetine; bi qolleehooba biich amooniye no tuniyemmo?

⁹ Xaqqee uxere bi tunemmo gaata, biich birewee dilaaloon shuunesho noone; shaaqqee bi tunemmo gaata, yigee mixona qeresho noone.

Gidiide Bushee

¹⁰ Xaqqee uxeree ta tunetaanoona ta gibiyoo dilaaloommone; ebich ta shiiqqi taanna oogichii emiritone.

¹¹ Solomoonich Baꞌaal Hamoon woyinee goyo beetone; ebi woyinee goyoon asheenaꞌoyich kiraayihe; asho bi ikkikkoona hume xure birewoon deebii beehe.

¹² Ta woyinee goyo, ta hajjoo ta qellichone; Solomoono, neech hume xure birewoo, woyinoon quyee beetinaꞌoyich gutte balle birewoo tunebe.

Gurimaashoo

¹³ Bechee michi budooch beeti ta shiiqqe; ta addaareenaꞌo ne qaaroon waayeya qaawii beetinaꞌone; tawoo ne qaaroon waayebona.

Gidiide Bushee

¹⁴ Ta shiiqqo, kaate wobe; qimaamee guudinaꞌoochaa doolloon woyee boyijjee bushoon, shaahibe.