Shoddo 99 - Kafa Linguistics ProjectYeeri Ooge Taatoo Tuno 1 Doono Yeeri taatehe; macceenaꞌoo qewebeete; kiruubeenaꞌochi toommeexi bi taatee qeenooch kotehe; showoo shuuribe. 2 Doono Yeeri Tsiyoonaa oogoone; macceenaꞌo bulli toommooch oogetone. 3 Oogoonaa shattiitona tuneti ne shigoon galletebeete. Bi yaafoone! 4 Dayinnetoon shunnaabeeti Hakkechi Taatoocho, kaamittinoon heccehine; dayinnetoonaa cadiqoonon Israꞌeelee daggooch tuniihine. 5 No Nuggishoo Doono Yeerin galletebote; bi baatee dechiich goyinnebote. Bi yaafoone! 6 Muusinaa Haroonina bi qeesheenaꞌo daggooch beetinaꞌone; Saameeliyoo bi shigoon ceeggii beetinaꞌo daggooch beetone; boonoshiyoo Doono Yeer waan cookaa, boonoshi cookoon waayehe. 7 Giimboochoommon neexeebeeti qubee daggoochaa boonoshich yibbaatehe; boonoshiyoo boonoshich bi immiti doyoonaa qociyoonon quyeheete. 8 No Nuggishoo Doono Yeero, boonoshi corootoon waayehine; boonoshich maarechi Nuggishoon tunehine; tunebaani boonoshi gonde shuunee nichoon gaaccehine. 9 No Nuggishoo Doono Yeeri yaafoo bi tunetoyich, no Nuggishoo Doono Yeerin galletebote; yaafeeti bi guudoochaa goyinnebote. |
SIM International, 2020.