Shoddo 98 - Kafa Linguistics Project

Yeeri Showoo Bullichi Taatoo Tuno

Shoddo

¹ Worganikkiti mooyinaꞌon bi tuniitoyich, bi qanne kishoonaa yaafe bi mochoona wudoon biich bi daniitoyich, Doono Yeerich andire shoddoon shoddebote.

² Doono Yeeri bi wodiyoon arichiitone; bi cadiqittinoonoo aageteenaꞌoyich bekkiitone.

³ Israꞌeeleenaꞌoyich bi gibenikkiti, bi shoodoonaa gibeneyoonon shalligitone; showee tuggooch beddaahaa beeti asho bulli, Yeerichi wudoon beeggitone.

⁴ Showee toommo bulliich beeti asheenaꞌote, Doono Yeerich shoddebote; shoddoonaa ililoona Yeerin galletebote.

⁵ Ooge ximboona, ooge ximbee qaaroona Doono Yeerich galletee shoddoon shoddebote.

⁶ Shametoonaa tiree qaaroona Taatoo Doono Yeeri aafooch ililibote.

⁷ Baharoonaa bi daggooch beeto bullina, alemoonaa arooch beeto bullina cookibe.

⁸ Aacinaꞌo boonoshi kishoona koppebeete; geppeenaꞌo ikkittinoona ililibee shoddebeete.

⁹ Showee toommooch nalliya woyemmo bi tunetoyich, Doono Yeeri aafooch shoddebote; biyoo hini alemooch cadiqittinoona, macceenaꞌo toommoochoo iberittinoona, nallemmone.