Shoddo 96 - Kafa Linguistics Project

Yeeri Bulliyee Besho Tuno

¹ Doono Yeerich andire shoddoon shoddebote; showee toommo bulliich beeti asheenaꞌote, Doono Yeerich shoddebote.

² Doono Yeerich shoddebote; biin galletebote; bi wodiyoonoo qemi qemona getote.

³ Bi oogoon aageteenaꞌoyich awaajjibote; worganikkiti bi shuuneenaꞌonoo macceenaꞌo bullich getote.

⁴ Doono Yeeri oogoone; oogichiꞌi galleteetone; nuggisheenaꞌo bulliyee beshoon shatteetone.

⁵ Aageteenaꞌochi nuggisheenaꞌo bulli, shahalleenaꞌone; tunebaani shimaayeenaꞌon hallito Doono Yeerine.

⁶ Oogoonaa oogee yiiroona bi guudoona bekkee beetone; giidoonaa oogoona bi yaafee kexooch beetone.

⁷ Showee toommooch beeti ashi yareenaꞌote, bi oogoonaa bi hakkoonoyich Doono Yeerin galletebote.

⁸ Bi shigoyich bede oogoon Doono Yeerich deebote; buuroon yeshiree bi yaafee kechi addibaabooch wobote.

⁹ Bi yaafittino koojjii aaxxeebeeti Doono Yeerich goyinnebote; showee toommo bulliich beeti asheenaꞌote, bi aafooch qewebote.

¹⁰ Aageteenaꞌo daggoochaa “Doono Yeeri taatete; bi shuuraachemmoyich showoon manjiiꞌi neechiye; biyoo bi macceenaꞌo bullich tachi nallemmone” getote.

¹¹ Showoonaa shimaayoona emiribe; baharoonaa bi daggooch beeto bullina goohibe.

^12-13 Gaddoonaa bi toommooch beeto bullina emiribe; kubbooch beeti mixinaꞌo bulli emiroona Doono Yeerich shoddebeete. Waa beetone; showee toommooch nalliya waa beetone; showee toommooch cadiqittinoona, macceenaꞌo toommooch iberittinoona, nallemmone.