Shoddo 95 - Kafa Linguistics Project

Galletee Shoddo

¹ Ittoshi waataa Doono Yeerich shoddebone; noon wodiiti no xaqqee guudoyich ililibone.

² Galletoona bi aafooch giddebone; galletee shoddoona biich ililibone.

³ Doono Yeeri ooge Nuggishoone; nuggisheenaꞌo bulli toommooch ooge Taatoone.

⁴ Showee ducho bi kishoochiye; guudinaꞌochi cullullo wotta biichone.

⁵ Bi hallitoyich baharo biichone; shuuꞌi showoonoo hallito bi kishoone.

⁶ Ittoshi waataa yitiree biich goyinnebone; noon halliti Doono Yeeri aafooch gutenebone.

⁷ Bi, no Nuggishoone; nowoo bi shiimeebeeti asho noone; bi qiddeebeeti bago noone. Hanaach bi qaaroon ittoshi waayegaata,

⁸ ittoshi qaabbechinaꞌo Meriibaa, Masaahi barahoochaa tuniitoommon, ittoshi mulloon muumiyaahote.

⁹ Ittoshi qaabbechinaꞌo ta shuunoon boonoshi beeggitaanona, taan phireheete; hereche beeggemmoyichoo iyeete.

¹⁰ Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

¹¹ Ebich “Boonoshi kashemmoyich imma ta gabiti xaaꞌooch, ciroona giyaachemminaꞌone” iyaꞌa kaaroona wogehoye.