Shoddo 93 - Kafa Linguistics Project

Yeeri Taatoo Tuno

¹ Doono Yeeri taatehe; oogoonaa hakkoonon tahehe; showoonoo manjiihe; showoo ciroona shuuraachemmone.

² Ne taatee qeeno wonnee tiijjiꞌi manjoone; newoo bulli aabooch beeto neene.

³ Doono Yeero, aacinaꞌo kaama tiyiyeete; aacinaꞌo boonoshi qaaroona oogichii ciddiyeete; aacinaꞌo goohiinoo iyeete.

⁴ Meeti aacinaꞌochi qaaroyee beshoon, baharee goohoyee beshoon, damba beeti Doono Yeeri hakkechone.

⁵ Doono Yeero, ne qociyoo manjoone; ne yaafee kexo yaafittinoona bulli yemeenoon mashaamitone.