Shoddo 92 - Kafa Linguistics Project

Galletee Shoddo

Shambetee aaboon shoddeebeeti galletee shoddo

¹ Doono Yeerin galleto gaawetone; Beshoo Yeero, neech galletee shoddoon shoddo gaawetone.

² Ne shoodoon maaddoona, ne gibeneyoonoo xumoona awaajjoo gaawetone.

³ Aashire maqqechi ooge ximboonaa masinqee qaaroona neen galleto gaawetone.

⁴ Doono Yeero, ebiyoo ne shuunoona taan ne emirikkitoyichiye; ne kishee shuunoyich emiroona shoddemmo taane.

⁵ Doono Yeero, ne shuunoo am shaahoon worganikkitone! Ne gaboo oogeti wohone.

⁶ Yeexere asho ariyoon bi hakkaani, mullaalli asho shalligoon bi hakkaani, mooyo beete;

⁷ ebiyoo gondeenaꞌo mocoo colloommon boonoshi colletaa, gondoon tunii beetinaꞌo boonoshi gaannetaa, bulli yemeenoon aallemminaꞌo boonoshi tunoone.

⁸ Tunebaani Doono Yeero, ne bulli yemeenoon besho neene.

⁹ Doono Yeero, ne etteenaꞌo aallemminaꞌone; gondoon tunii beetinaꞌo bulli shacemminaꞌone.

¹⁰ Tunebaani ne, ta giidoon gaahoochoommon kupphiito neene; gaawe zayitoon ta toommooch ukkihine.

¹¹ Ta aafo ta etteenaꞌo dihoon beeggitone; ta waamo ta etteenaꞌo yiikkeyoon waayetone.

¹² Cadiqeenaꞌo yeebbee mixochoommon waarwaariyemminaꞌone; Libanoosee yigoochoommon diccemminaꞌone.

¹³ Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

^14-15 Boonoshi geenehoobolla aafemminaꞌone; bulli aabooch kupphe, nuuriree, “Doono Yeeri kaamoone; biyoo nooch Deebe Xaqqoone; bi waan xumme mooyo aalloone” geti awaajjibee, beeyemminaꞌone.