Shoddo 91 - Kafa Linguistics ProjectYeeri Nooch Shoobo Tuno 1 Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto, 2 Doono Yeerin “Taach deeboonaa mishigoona neene; neen ta gibenaabeeti ta Nuggishoo neene” gettemmone. 3 Biyoo aacheeti shaachoonaa qaaꞌi naxoonoochee neen wodiyemmone. 4 Bi qoshoona neen qeremmone; bi qoshee dechiich shoobo danemmo neene; bi gibeneyoo neech gaachoonaa deeboonon tunemmone. 5 Xumi shattiibeeti yoogoyich, areddoona awureebeeti maꞌoyich, shataachemmo neene. 6 Manderoochaa yexxiibeeti naxoyich, aabee qellayooch aalliibeeti gonde mooyoyich, shataachemmo neene. 7 Ne gaꞌooch humo, ne qanne badd aashire humo, dihemmone; tunebaani ne waan katinaachemmone. 8 Ne aafoona baach beeggemmo neene; gondeenaꞌo naxeyoon beeggemmo neene. 9 Ebiyoo Doono Yeerin neech shoobo ne tuniitoyich, Beshoo Yeerin ne qiddoo ne tuniitoyichiye. 10 Gonde mooyo ne waan shagaachemmone; naxoo ne kexooch giyaachemmone. 11 Ne gommo bulliichaa neen boonoshi quyemmoyich, bi maraakeenaꞌoyich getiree ne waan deejjemmone. 12 Ne baatoonona xaqqo bi yexaachemmoyich, boonoshi kishoona neen deggemminaꞌone. 13 Daaheroonaa dingeroonon neexxemmo neene; more daaheroonaa dareboonochi toommona shaꞌemmo neene. 14 Yeeri ishichii beetone: “Taan bi shunnii beetoyich biin wodiyemmo taane; ta shigoon bi arii beetoyich, biin quyemmo taane. 15 Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane. 16 Eeni genjoona biin michiyemmo taane; ta wodiyoonoo biich bekkiyemmo taane” iye. |
SIM International, 2020.