Shoddo 88 - Kafa Linguistics Project

Yeeri Gaachemmoyich Corooteeti Corooto

Qoraahi bushiisheenaꞌochi shoddo. Mahalaati leꞌanooti getteebeeti qiinoona shoddechinaꞌochi ukkiroyich Iziree asho Hemaanichi shoddo

¹ Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

² Ta corooto ne aafooch bede; ne waamon gaꞌiiree ta cookoon waayebe.

³ Oogeti iritoo taan yeshaa, qitooch beddeto taane.

⁴ Qitiꞌi maash hammii beetooch haddeehoye; giidaalli ashoon tunehoye.

⁵ Qititi ashi daggooch duppetoommon, qitiꞌi oppooch qeyitoommon, ebiyee bekk ciroona ne shalligaani, ne kishoochee duppeti ashoommon, tunehoye.

⁶ Oppee hoonooch, dunne mandere qappooch, taan duppehine.

⁷ Ne kaaro oogichiꞌi taan maggehe; aachi aayo kindoommon ta toommooch kindiye.

⁸ Ta nuucheenaꞌo ta waanee wokkemmoyich tuniihine; boonoshina tiyaareeton taan tuniihine; giicheto taane; muricon hakkaache.

⁹ Eeppii ayinoona ta aafo doojjiye; Doono Yeero, qemi qemona ne waan cookiyoye; ta kishoon ne waan yaggiyoye.

¹⁰ Gaakkechi shuunoon ne shuunemmo qititoyichiye? Boonoshiyochi tiyi neen galleteheete?

¹¹ Ne shoodo maashoochaa ne gibeneyoo aallee xaaꞌoochaa, getteeyehe?

¹² Gaakkechi ne shuunoo mandere xaaꞌoochaa arichehe? Gaachaa ne wodiyoo batteetinaꞌo showoochaa arichehe?

¹³ Doono Yeero, ne waan cookiyoye; maaddi maaddoona ta corootoon ne aafooch giddiihoye.

¹⁴ Doono Yeero, amoyich taan duppenne? Amoyich ne aafoon tayee badd wochinne?

¹⁵ Ta bushittinoochee tiijjaꞌa xuuxoona qitooch beddaabee beehoye; ne keqqichoochee tiyitona gibenoon kuxxehoye.

¹⁶ Kupphe ne kaaro ta toommooch kindiye; ne keqqichoo taan aalliihe.

¹⁷ Heeyo bullin ceeni aacochoommon taan giichiye; ikkittinoona taan yechiye.

¹⁸ Ta xiboonaa ta nuuchoonon tayee wokkiihine; manderoo baach taach nuuchoo tunehe.