Shoddo 87 - Kafa Linguistics Project

Yerusaalemi Aricheti Katemee Tuno

Qoraahi bushiisheenaꞌochi galletee shoddo

¹ Doono Yeeri bi katemoon yaafeeti guudi toommooch shuunetone.

² Ebi Tsiyooni katemoon Yaaqobichi beeyi xaaꞌoo bulliyee beshoon shunnitone.

³ Yeerichi katemoocho, neen ciinnii beetona worganikkiti mooyo yibbaateetone.

⁴ Gibitseenaꞌonaa Baablooneenaꞌonon, Filsixeemeenaꞌo, Xirooseenaꞌonaa Topphiyeenaꞌonon, taan ariibeeti asheenaꞌona tookki koberemmo taane; eboshi bulli, “Tsiyooneeniye boonoshi shiijjeto” getteyemmone.

⁵ Beshoo Yeeri Tsiyoonin manjii neechemmo bi tunetoyich, “Hiniyoo, okk ebiyoo shiijjeto Tsiyooneeniye” getaa, Tsiyoonicho yibbaateyemmone.

⁶ “Hini Tsiyooni shiijjeroone” getiree, Doono Yeeri macceenaꞌon koberemmone.

⁷ Duubbechinaꞌonaa duuttechinaꞌona “Nooch aachi xuupho bulli xuupphiibeeto Tsiyooneeniye” gettemminaꞌone.