Shoddo 85 - Kafa Linguistics Project

Showee Diggoyich Corooteeti Corooto

Shoddechinaꞌochi ukkiroyich, Qoraahi bushiisheenaꞌochi shoddo

¹ Doono Yeero, ne showoyich deꞌe mooyon tuniimmo neene; Yaaqobichi yaroon wochaꞌa gaanniimmo neene.

² Ne asheenaꞌochi gondoon shaaddaa beshemmo neene; boonoshi axaaxoo bullin maarimmo neene.

³ Ne kaaree shiixxoo bullin wokkiimmo neene; kupphe ne kaaroochee wottemmo neene.

⁴ Illa and aafi no beemooch noon wochibe; noon wodiyechi Yeero, no toommeexi ne kaaree shiixxoon wokkiibe.

⁵ Bulli yemeenoon noon kaare beeyenne? Ne kaaroon shiijjeroochee shiijjerooch beshii beeyenne?

⁶ Ne maccoo no, kashoon no wochemmoyich ne tuniitaa, ebina neenna emiribone.

⁷ Doono Yeero, ne shoodoon nooch bekkiibe; noon wodiibe.

⁸ Nuggishoo Doono Yeeri gettimmon waayemmo taane; mullo muccoona gubb wotto boonoshi qayigaata, bi asheenaꞌoyich, bi yaafeenaꞌoyich, diggoon immemmo bi tunoon gibenikkitone.

⁹ Iberoochaa bi wodiyoo biin shattii beetinaꞌoyich katinoone; ebich bi oogee yiiroo no showooch ceennemmone.

¹⁰ Shoodoonaa gibeneyoona danemminaꞌone; cadiqoonaa diggoona shumemminaꞌone.

¹¹ Gibeneyoo showoochee xuupphemmone; cadiqo shimaayoochaa dugilla ciinnemmone.

¹² Doono Yeeri gaawe mooyon immemmone; no showee maayoon immemmine.

¹³ Cadiqittino Doono Yeeriyee aaf shiichemmone; bi baatoyich gommon qanniyemmone.