Shoddo 82 - Kafa Linguistics Project

Yeeri Bulliyee Besho Tuno

Asaafichi shoddo

¹ Yeeri shimaajji iitee daggoochaa bi xaaꞌooch beshehe; nuggisheenaꞌo toommooch ishichii nalliye:

² “Nalloon ittoshi xummiyemmo aati wottooniye? Gondeenaꞌo waan ittoshi gaꞌemmo aati wottooniye?

³ Hakka guuteenaꞌonaa nihaalleenaꞌonoyich tachi nallibote; girechinaꞌonaa gaachaalleenaꞌonochi qoodoon taggebote.

⁴ Hakka guutoonaa girechonon wodiibote; gondeenaꞌo kishoochee boonoshin wodiibote.

⁵ “Ittoshich ariyoo woyee shalligoo aalloone; showee koto bulli shuurii beetaa, ittoshi manderoona shaꞌee beehote.

⁶ “Tawoo, ‘Ittoshi, nuggishoo ittoshine; ittoshi bulliyona Beshoo Yeerichi bushiishoo ittoshine’ iyoye.

⁷ Tunebaani ashi qitoommon qitemmo ittoshine; taatoo dihoommon dihemmo ittoshine” iye.

⁸ Yeero, tibe! Aagetoo bulli neecho bi tunetoyich, showee toommooch nallibe.