Shoddo 76 - Kafa Linguistics Project

Yeerichi Wudoo

Shoddechinaꞌochi ukkiroyich, ooge ximboona Asaafichi galletee shoddo

¹ Yeeri Yihudee showooch arichetone; bi shigoo Israꞌeelee showooch oogoone.

² Bi kexon Saalem, bi beeyi xaaꞌoon Tsiyoon tuniihe.

³ Aroochaa wacciibeeti shangeenaꞌon, gaachoon, goraadoonaa baribare koyee qiiceenaꞌonon tiichiye.

⁴ Yeero, ne am shaahe oogoo neene; ne oogee yiiroo bulli yemeenoon beeti guudoyee beshoone.

⁵ Beelle ginee naayinaꞌo boonoshi kiciton bokkeheete; qitee tokketoon tokketeheete; ginee anaamo bulliichee, bi kishoon tiijjoo hakkito aalloone.

⁶ Yaaqobichi Nuggishoocho, ne kaaroochee tiyitona, hareshechinaꞌonaa haresheenaꞌona qitiyeete.

⁷ Doono Yeero, oogeton shattiito neene; ne kaarehooba, ne aafooch neexoon hakkemmo konine?

⁸ Shimaayoochaa ne dayinneto waayeyemmoyich tuniihine; showoo shattiye; shashewinoo iye.

⁹ Yeeri neexaa hajjeetinaꞌon wodiyoyich, nalliya bi tiyiyooba, showoo shashewimiye.

¹⁰ Yeero, ippechi asholla neen galletemmoyich tuniihine; ginoochee muriccitinaꞌo ne baaroon baariyeete.

¹¹ Ittoshi Nuggishoo Doono Yeerich mookkebote; ittoshi mookketonoo ceechibote. Bi guudoona beetinaꞌo bulli, shattiito tuneti biich wojjoon deebeete.

¹² Yeeri geecechi iraasheenaꞌon giishiihe; showee toommeexi taateenaꞌo biin shattiyeete.