Shoddo 75 - Kafa Linguistics Project

Yeeri Nallecho Tuno

Shoddechinaꞌochi ukkiroyich Asaafichi galletee shoddo

¹ Yeero, neen galletehone; nooch katino ne tunetoyich, neen galletehone; worganikkiti ne shuunoon asheenaꞌo miixemminaꞌone.

² Yeeri ishichii beetone: “Ta nallemmi aaboon maacceto taane; ebiyooba tachiree nallemmo taane.

³ Showoonaa areexi asho bullina qewegaata, bi tuugeenaꞌo manjemmoyich tuniyaabeeto taane.

⁴ Geecechinaꞌon ‘Cooddaahote’ gondeenaꞌon ‘Ittoshi qaroon damba tiijjiyaahote;

⁵ ittoshi qaroon damba shimaajj tiijjiyaahote; ittoshi qettimixon ciixibee yibbaateyaahote’ gettemmo taane” iye.

⁶ Oogo aabi-keyo waanee woyee aabi-gimo waanee, woyee barahoochee, waataachemmone.

⁷ Tunebaani nallecho Yeeri baachiye; biyoo koni giishemmo gaata, koni kaama oogemmo gaatoo maacciye.

⁸ Doono Yeerichi kishooch xoofoo beetone; biyoo umbeebeeti bi kaaree kashi woyinee uyoon arooch ceechiye. Ebinoo bi woniitaa, showee toommeexi gondeenaꞌo bulli uchiyeete; cingoonolla echiyaanoon cangeheete.

⁹ Tunebaani ta, ebin bulli aaboon awaajjemmo taane; Yaaqobichi Nuggishoyich galletee shoddoon shoddemmo taane.

¹⁰ Biyoo gondeenaꞌochi qaroon tiichemmone; tunebaani cadiqeenaꞌochi qaro qaalli qaalli hammemmone.