Shoddo 67 - Kafa Linguistics Project

Galletee Shoddo

Shoddechinaꞌochi ukkiroyich, ooge ximboona shoddeeti galletee shoddo

¹ Yeeri noon maaribe; noonoo diiribe; bi aafoon no toommooch biriibe.

² Ne gommo, showoo bulliich, wodiyecho ne tuno, aagetoo bullich, arichebe.

³ Yeero, macceenaꞌo neen galletebeete; macceenaꞌo bulli neen galletebeete.

⁴ Macceenaꞌoyich kaachaa ne nallaa beetonaa aageteenaꞌon showee toommoochaa ne yaabaa beetonoyich, aageteenaꞌo emiribeete; ililishoo geteete.

⁵ Yeero, macceenaꞌo neen galletebeete; macceenaꞌo bulli neen galletebeete.

⁶ Showee maayoon immahane; no Nuggishoo Yeeri noon diiriye.

⁷ Yeeri noon diiriye; showee toommooch beeto bulli biin shattemmone.