Shoddo 63 - Kafa Linguistics Project

Yeerin Qaawoo

Yihudee barahooch bi beehooba Daawitichi shoddo

¹ Yeero, ne ta Nuggishoo neene; neen oogichaꞌa qaawaabeeto taane; aachaalli shuuꞌi showoochaa, ta kashe neen qaatiyane; ta meenoo neen sharaatehe.

² Ne yaafee kexoochaa neen ciinneho; ne hakkoonaa ne oogoonon beeggehoye.

³ Ne shoodo, kashoyee besho bi tunetoyich, ta noonoo neen galletemmone.

⁴ Ta kashee yemeeno bulliich neen galletemmo taane; ta kishoon kaama tiijjiree ne shigoon ceeggemmo taane.

⁵ Awuyonaa qefoonon maaꞌi miyoommon, ta kashe neenna digaayehane; ta noonoo galletee shoddoon emiroona neech shoddemmone.

⁶ Ta qeenoochaa neen gabiyoye; xumo bullin ne mooyon yexiihoye.

⁷ Ta gaachoo ne tunetoyich, ne qoshee yiiroochaa emiroona shoddehoye.

⁸ Neen manjiyaa yecheto taane; ne qanne kishoo taan kaachii neechiye.

⁹ Tunebaani ta kasheen aalliyoyich qaawii beetinaꞌo, desh hoonooch hammemminaꞌone.

¹⁰ Goraadoyich beshiitaa ichemminaꞌone; boonoshi meenon boqqello maayemmone.

¹¹ Tunebaani taatoo, Yeerina emiremmone; Yeerichi shigoona wogee beetinaꞌo Yeerin oogiyemminaꞌone; kootoon koottiibeeti noonoo hichemmone.