Shoddo 62 - Kafa Linguistics ProjectYeerichi Quyoon Gibeno Shoddechinaꞌochi ukkiroo Yedutuunich, Daawitichi shoddo 1 Ta kashe kashaꞌa quyaabeeto Yeerin baachiye; ta wodoo waabeeto bi waaneeniye. 2 Ta deebe xaqqoonaa taan wodiyechona bi baachiye; ta mishigo bi tunetoyich ciroona keqqaache. 3 Ashoon aalliiya ittoshi qaawi beeyemmo aati wottooniye? Ebi gaꞌeti duuhoommi, dihiya ii beeti uxeroommi ashoon, ittoshi bulli xuꞌi dichiya qaawii beetote? 4 Boonoshi gaboo biin bi oogee xaaꞌoochee kindiyoyichiye; kootee kootona emiriyeete. Boonoshi noonoona diiriyeete; tunebaani boonoshi mulloona uppiyeete. 5 Ta kashe kashaꞌa quyeebeeto Yeerin baachiye; ebiyoo, ta gibenaabeeto biin bi tunetoyichiye. 6 Ta deebe xaqqoonaa taan wodiyechona bi baachiye; ta mishigo bi tunetoyich keqqaache. 7 Taach wodoonaa oogoona daneto Yeer waaneeniye; ta xaqqee guudonaa ta deeboona Yeerine. 8 Asheenaꞌote, bulli aaboon biin gibenebote; Yeeri nooch deebo bi tunetoyich, ittoshi mullee gaboo bullin biich getote. 9 Sharaaree ashi yaroo tunoyich gaaco aalloone; ooge ashi yaroo getteyoo kootoone; machoona bi qocceegaata am bedaaneenaꞌone. Boonoshi bulliyona hiinni bedaani ketteenaꞌone. 10 Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote. 11 Yeeri ikke wottoon gettiye; tawoo ebin gutte wottoon waayehoye; giidoo Yeerichone. 12 Ta Doonocho, shoodo neechone; newoo ashich bi shuuni shuunoommon qoccehine. |
SIM International, 2020.