Shoddo 61 - Kafa Linguistics ProjectShoobbi Corooto Ooge ximboona shoddechinaꞌochi ukkiroyich, Daawitichi shoddo 1 Yeero, ta cookoon ellebe; ta corootoon waayebe. 2 Gibenoon kuxxaa beechaa, wohi showoochaa ne waan cookiyoye; tayee damba beeti xaqqee guudooch, taan yaabibe. 3 Ne taach deebo neene; ta etto waanee deebaa woddiyaabeeti, manje xaqqee dilaaloo neene. 4 Ta kashe yemeeno bullin ne duukkaanooch beebona; ne qoshee dechiichoo aashebona. 5 Yeero, ta mookkoon waayehine; neech shattii beetinaꞌoyich ne tuniyaa beetoommon, iristoon taach immehine. 6 Taatoochi eenon genjiibe; meeti shiijjerooch beddaahaa bi eeno genjebe. 7 Yeeri aafooch bulli yemeenoon taatebe; ne shoodoona, ne gibeneyoonoo biin quyebe. 8 Ebich, bulli aaboon ne shigoyich, galletee shoddoon shoddemmo taane; ta tiikkeshoonoo qemi qemona ceechemmo taane. |
SIM International, 2020.