Shoddo 6 - Kafa Linguistics Project

Xuuxee Aaboobee Corooto

Shoddechinaꞌochi ukkiroyich, ooge ximboona shoddeebeeti Daawitichi shoddo

¹ Doono Yeero, ne kaaroona taan sheeriyaahine; ne kaaree shiixxoonoo taan yexxaahine.

² Doono Yeero, giidoo ta qajjetoyich taach ariqqebe; Doono Yeero, ta shaawusho niretoyich taan wodiibe.

³ Oogichaa xuuxeto taane; Doono Yeero, ebi tune beeyemmo aati wottooniye?

⁴ Doono Yeero, wottebe; taan wodiibe; ne shoodoyicha getiree taan wodiibe.

⁵ Maashaa neen gabemmo aalloone; oppoochaa neen galletemmo konine?

⁶ Gaashillaabee maraateto taane; xumi xumoon ta qeenooch acimoon dudiihoye; ta qoyoonoo acimoona wooriihoye.

⁷ Oogichaa ta ayinitoyich ta aafo doojjiye; ta etto bullichi naboonoo ciinon mawiihe.

⁸ Doono Yeeri ta eeppi qaaroon bi waayetoyich, gonde shuunechinaꞌote, ta waanee wohote.

⁹ Doono Yeeri ta qolloon waayetone; Doono Yeeri ta corootoon deqqitone.

¹⁰ Ta etteenaꞌo bulli yeellemminaꞌone; oogichishoo keqqemminaꞌone; diqqoona yeelleree gubb wottemminaꞌone.