Shoddo 56 - Kafa Linguistics Project

Doono Yeerin Gibenee Corooto

Filsixeemeenaꞌo Gaataa biin boonoshi yeshiyooba shoddechinaꞌochi ukkiroyich, Daawitichi shoddo

¹ Yeero, asheenaꞌo taan neexxitoyich, heeyo bullin taan boonoshi yookkii dabbitoyich, taach ariqqebe.

² Ta etteenaꞌo heeyo bullin taan neexxiyeete; geecoona taan kochii beetinaꞌo meetinaꞌone.

³ Shato taan yeshiyooba, neen gibenemmo taane.

⁴ Yeerin ta gibenetoyich shataache; taach bi gibenikkiti gibenoyich biin galletoye; asho taan amoon halleshone?

⁵ Ta etteenaꞌo heeyo bullin ta mooyon xummiyoyich qiicceheete; ta toommooch boonoshi gabiibeeto gondooniye.

⁶ Kiceeꞌi taan ottii quyeheete; ta hilloon hilleheete; ta kasheen aalliyoyich qaawiyeete.

⁷ Ebich Yeero, boonoshi muriccemmoyich tuniyaahine; macceenaꞌon ne kaaroona dichibe.

⁸ Ta yallyallimee yemeenoon haddihine; ta acimoonoo ne qiicooch kotiihine; eboshin koberaa yechehine.

⁹ Neen ta ceegiyooba, ta etteenaꞌo gubb wottemminaꞌone; taach ne beemon ta ariyaabeeto ebinane.

¹⁰ Bi qaaroon ta galletaabeeti Yeerin, bi qaaroon ta galletaabeeti Doono Yeerin,

¹¹ biin gibeneto taane; shataache; asho taan amoon halleshone?

¹² Yeero, neech ta mookketi mookko beetone; ta galletee deejjoon neech deejjemmo taane.

¹³ Kashechinaꞌo toommooch bekkeebeeti bekkoona, Yeeri aafooch ta shaꞌemmoyich, ta kasheen qitoochee, ta baatoon tepheyoochee, wodiito neene.