Shoddo 54 - Kafa Linguistics Project

Ettoochi Kishoochee Wodoyich Corooteeti Corooto

Ziifee asheenaꞌo hammiꞌi Saaꞌoolich, “Daawiti no waan aasheꞌi beetone” iyooba ooge ximboona shoddechinaꞌochi ukkiroyich, Daawitichi shoddo

¹ Yeero, ne shigoona taan wodiibe; ne giidoona taach nallibe.

² Yeero, ta corootoon waayebe; ta noonoochee kechiibeeti qaaroon ellebe.

³ Dallaaweenaꞌo ta toommooch tiyitinaꞌone; maacmanjeenaꞌo ta kasheen qaawitinaꞌone; neenoo mooch haddaaneenaꞌone.

⁴ Tunebaani Yeeri ta gaachoone; Doono ta kasheyich degoone.

⁵ Ta etteenaꞌon boonoshi gonde shuunoo wochi yeshe; gibeneeto ne tunetoyich boonoshin aalliibe.

⁶ Gaawe ta daaggoona deejjoon neech deejjemmo taane; Doono Yeero, ne shigo gaaweto bi tunetoyich, neech galletoon giddiyemmo taane.

⁷ Xuuxo bulliichee taan wodiito neene; ta aafo ta etteenaꞌochi dihoon beeggitone.