Shoddo 53 - Kafa Linguistics Project

Asheenaꞌochi Gondo

Mahalaati getteebeeti qiinoona shoddechinaꞌochi ukkiroyich Daawitichi shoddo

¹ Mullaalli asheenaꞌo boonoshi mulloona “Yeeri aalloone” iyeete; ebi asheenaꞌo duubeenaꞌone; boonoshi shuunoo ciigeetone; gaawe mooyon tuniibeeto ikkolla aalloone.

² Shalligecho, Yeerinoo qaawiibeeto beegaata beegoyich, Yeeri shimaayoochaa dugilla ashi bushiisheenaꞌo waan ciinniye.

³ Bulliyona bara wottetinaꞌone; ikkittinoona duubetinaꞌone; gaawe mooyon tuniibeeto ikkolla aalloone.

⁴ Koshon mamoommon ta asheenaꞌon maabeeti, Yeeri ta waan corootii ariyaani, gondoon shuuneebeeti ebi asheenaꞌoyich, halla shalligoo aalloone?

⁵ Boonoshiyoo shattiyemmi mooyo aalloon aroochaa oogichii shattiyeete; Yeeri bi asheenaꞌochi etteenaꞌo shaawushoon shacciye; Yeeri boonoshin bi qajjitoyich boonoshi yeellemmoyich tuniihe.

⁶ Israꞌeelin wodiyecho Tsiyoonee waashoo geta! Yeeri bi asheenaꞌochi kecoon bi wochiyooba, Yaaqobi emiremmone; Israꞌeeli emiroona wucwuccemmone.