Shoddo 48 - Kafa Linguistics ProjectYeerichi Katemee Tsiyooni Mooyo Qoraahi bushiisheenaꞌochi shoddo 1 Doono Yeeri oogoone; no Nuggishoochi katemoochaa yaafeeti bi guudoochaa ooge galleto biich giddo tatoone. 2 Showoo bullin emirikkiibeeto, dambi-waanee wokkiꞌi beeto, kaama qaalliꞌi wacwacciibeeti Tsiyooni guudo Ooge Taatoochi katemoone. 3 Yeeri are katemee mishigooch beetone; biyoo are katemeech deebo bi tunoon bekkiitone. 4 Taateenaꞌo ikkooch kiceeheete; ikkotteꞌi waaheete. 5 Beeggiꞌi keqqiyeete; shattiꞌinoo woceheete. 6 Aroochaa shattii qeweheete; maaxoo manjeti ureen shaahiyeete. 7 Aabi-keyo waanee yongoona Tarisheshi markabo tiishoommon, boonoshin tiichehine. 8 Beshe Mawe Doono Yeerichi katemeechaa no Nuggishoochi katemeechaa, Yeeri tuniiton, no waayetoommon beeggehone; Yeeri are katemeen bulli yemeenoon manjiyemmone. 9 Yeero, ne yaafee kexoochaa ne shoodoon gabiyone. 10 Yeero, ne shigoochoommon ne galleto showee tuggooch beddaahaa bedditone; ne qanne kishooch wudoo ceennitone. 11 Ne dayinnetoochee tiyitona, Tsiyooni guudo emiribe; Yihudee katemeenaꞌooch beetinaꞌo emiroona wucwuceete. 12 Tsiyoonin guudote; bi guudoona shaꞌebote; bi dilaaleenaꞌon haddibote. 13 Woyemmi shiijjeroyich ittoshi gettemmoyich, manje bi uxereenaꞌon gaawichi ciinote; bi mishigeenaꞌonoo ciinote. 14 Ebi Nuggishoo bulli yemeenoon no Nuggishoone; bulli yemeenoon noon yaabemmone. |
SIM International, 2020.